Xián (nome)

Para outras páxinas con títulos homónimos véxase: Xián.

Xián (pronunciado /ʃi'aŋ/) é un nome propio masculino galego de orixe latina: xentilicio da familia Iulia, dedicado a Xúpiter, a través do latín Iulianus. Porén, neste nome galego, conflúe tamén un nome xermánico, frecuente no galego medieval, nas formas Egila e Egilanus, e que significaba puñal.

Xián de Anazarbus, mártir cristián do século IV e venerado como santo.

Conta coas variedades Xiao (dialectal), Xillao, Xullán, Xuiao e Xulián. O feminino é Xiana coa variante Xuliana. Relaciónase co nome Xulio (Xulia).

O santoral é o 9 de xaneiro, en honra a San Xián de Antince (ca. †304), mártir xunto á súa dona Basilisa.

En abril de 2015, 652 varóns levaban o nome galego Xián en España, deles 571 en Galiza, maiormente nas provincias da Coruña e Pontevedra. A idade media era de soamente 8 anos, xa que antes adoitaba usarse a forma castelá Julián. A variante dialectal Xiao lévana 47 varóns , maioritariamente en Galiza. A forma Xulián, 40 varóns. A forma castelá Julián non é moi popular^{[Cómpre referencia]} en Galiza, pero lévana 1385 varóns.

A forma feminina Xiana é aínda máis abundante; lévana 1038 mulleres en España, 927 en Galiza.

Etimoloxía

Xián provén do latín iulianus, que significa de xulio ou pertencente á familia de Xulio. exactamente á familia do emperador Xulio César (en latín Gaius Julius Caesar).

Seica este nome teña moitos máis significados entre os que están: xuvenil, rexo, vizoso, raíces fortes ou perennes. Outra definición aceptada comunmente é "o do cabelo encaracolado".

Variantes noutras linguas

• Julian, en inglés, alemán, neerlandés etc. Usado no Reino Unido, Estados Unidos, Irlanda, Albania, Australia, Alemaña, Polonia e Holanda.
• Julien (Julienne) en francés.
• Julián en castelán, usado en España e Hispanoamérica.
• Juliano ou Julião en portugués, usado en Portugal e no Brasil.
• Julià en catalán
• Julen en éuscaro.
• Giuliano en italiano.
• Iyán en asturiano.

Outros:

• Jolyon
• Julijan
• Juliyan
• Julien
• Julyan
• Juleane
• Julean
• Juliaan
• Julianne
• Julion
• Julyin
• Julyon
• Julienn
• Julienne
• Jullien
• Jullin
• Julyen
• Jülyen
• Jullian
• Ιουλιανός (Iulianos, Ioulianos)
• Juljan
• Iulian
• Iulică
• Turiano
• Lulo
• Juli
• Gabelica

Persoeiros

Galegos

• Xiana Arias Rego, A Fonsagrada, 1983, é unha poetisa e xornalista galega.
• Xulián Magariños, Negreira, 1904, foi un escritor e avogado galego.
• Xulián Maure Rivas, Vigo,1941, é un ensaísta e editor galego.
• Julián Ríos, Vigo, 1941, é un escritor galego en lingua castelá.
• Julián Pellón Rodríguez, Larouco, 1816, foi un mestre e político galego.
• Julián Martínez Larrán, Vigo, 1928, é un avogado e político galego.
• Julián Rodríguez León, O Barco de Valdeorras, 1970, é un alpinista galego.
• Julián Besteiro, Madrid, 1870, foi un político socialista español de orixe galega.
• Julián Hernández, Madrid, 1960, é un cantante e guitarrista galego, un dos fundadores da banda Siniestro Total.
• Julián Barrio, Manganeses de la Polvorosa (Zamora), 1946, é un crego católico galego, arcebispo de Santiago de Compostela desde 1996.
• Julián Lucas Ramírez,Cuenca, 1949, é un político galego do PPdeG.

Antigüidade

• Xuliano (Flavio Claudio Xuliano), nado no ano 331, foi un emperador romano.
• Anicia Xuliana, Constantinopla, 462, filla do augusto Anicio Olibrio, emperador de Occidente en 472.

Santos

• Xián de Antince (ca. †304), mártir e santo xunto á súa dona Basilisa. Festividade: 9 de xaneiro;
• Xián de Anazarbus (San Xián de Antioquía), mártir do século IV na relixión cristiá pola súa lealtade a Deus. Festividade: 16 de marzo;
• Xián de Cuenca ou de Burgos (†1208), bispo de Cuenca - Festividade: 28 de xaneiro;
• Xián de Toledo (c. 642-†690), arcebispo, fillo de xudeus - Festividade: 8 de marzo;

Nobres

• Conde Xulián, que foi acusado de traizón por ter facilitado a entrada dos musulmáns na península Ibérica.

Véxase tamén

Outros artigos

• Xoán (nome)