Xiana Arias

Xiana Arias Rego, nada na Fonsagrada o 28 de maio de 1983, é unha poetisa e xornalista galega.

Xiana Arias

Biografía
Nacemento	28 de maio de 1983 (41 anos) A Fonsagrada, España
Formación profesional	Ciencias da Comunicación
Actividade
Ocupación	xornalista, música, escritora, poetisa
Membro de	Atrás Tigre
Xénero artístico	Poesía
Familia
Pai	Amador Arias
Premios
(2006)  Premio Nacional de Poesía Xosemaría Pérez Parallé

Traxectoria

Licenciada en Ciencias da Comunicación pola Universidade de Santiago de Compostela. Traballou como xornalista na Radio Galega no programa Diario Cultural e en Onda Vital ata 2020.

O seu primeiro poemario, Ortigas, foi o gañador do Premio de poesía Pérez Parallé no ano 2006. Colabora na revista Xistral e na publicación Pirata en apoio ao Cineclube de Compostela, onde publicou a serie Cleo de dez a doce. No ano 2009, co gallo da celebración do Día das Letras Galegas, participou no proxecto de acción poética "A Revolta das Letras" en Santiago de Compostela.

Como música, tocou o baixo no grupo Atrás Tigre e desde 2022 ten o proxecto Clo Plas canda a Berio Molina. Como actriz participou no filme A estación violenta.

Obras

Poesía

• Ortigas (Espiral Maior, 2007).
• Acusación (Galaxia, 2009).

Obras colectivas

• Pirata (Brigadas de Intervención Rápida George Grosz, 2007).
• Letras novas (Asociación de Escritores en Lingua Galega, 2008).
• To the winds our sails (Salmon Poetry, 2010). Tradución do galego ao inglés.
• Non conciliados (Cineclube de Compostela, 2011).
• Novas de poesía. 17 poetas (Fundación Uxío Novoneyra, 2013).
• 6 poemas 6. Homenaxe a Federico García Lorca, 2015, Biblos Clube de Lectores. Poesía.

Véxase tamén

Ligazóns externas

• Páxina da autora na web da Editorial Galaxia
• "Mover os marcos"Arquivado 14 de decembro de 2009 en Wayback Machine., entrevista en Galicia Hoxe (en galego)
• Perfil en As escollas electivas