Vilar de Santos

Para outras páxinas con títulos homónimos véxase: Vilar de Santos.

Vilar de Santos é un concello da provincia de Ourense, pertencente á comarca da Limia. Segundo o IGE en 2017 tiña 850 habitantes (1.001 en 2003). O seu xentilicio (véxase no Galizionario) é «vilasantés».

Vilar de Santos

Localización
42°05′08″N 7°47′48″O
Estado	España
Comunidade autónoma	Galicia
Provincia	provincia de Ourense
Capital	Vilar de Santos
Contén a división administrativa	Parada de Outeiro Vilar de Santos
Poboación
Poboación	795 (2024) (38,41 hab./km²)
Xeografía
Parte de	Mancomunidade Voluntaria de Concellos da Comarca da Limia
Superficie	20,7 km²
Altitude	632 m
Comparte fronteira con	Allariz Porqueira Xinzo de Limia Sandiás Rairiz de Veiga
Organización política
• Alcalde	Antonio Míguez Nogueiras
Eleccións municipais en Vilar de Santos
Identificador descritivo
Código postal	32...
Fuso horario	UTC+01:00
Código INE	32090
Sitio web	vilardesantos.gal

Poboación

Censo total	850 (2017)
Menores de 15 anos	64 (7.53 %)
Entre 15 e 64 anos	459 (54 %)
Maiores de 65 anos	327 (38.47 %)

Evolución da poboación de Vilar de Santos   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023
1514	1592	1792	1967	1004	991	942	922	923	922
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Historia

No territorio do concello consérvanse restos prehistóricos como mámoas e castros en Laioso, Mosqueiro, Vilar de Santos e Saa. Da pegada desa época consérvanse topónimos como Pedra da Anta, o Penedo da Moura ou A Cidá. A arracada de Vilar de Santos, conservada no Museo Arqueolóxico Provincial de Ourense, é unha peza de ourivaría de ouro decorada con varios patos. Foi descuberta en 1924 por Benito Saburido en Albariño. Pasou a mans do cura párroco de Vilar de Santos, Marcelino Feiria, quen a vendeu ao Museo en 1979. A zona estivo habitada pola tribo dos Límicos até a romanización de Galicia. Pola parte sur do concello cruzaba a Vía Nova do itinerario de Antonino, que unía Braga con Astorga. En Parada de Outeiro había unha vila romana.

Tanto a igrexa parroquial de Vilar de Santos como a de Parada de Outeiro conservan arquitectura románica. Durante o Antigo Réxime o territorio dependía da xurisdición de Sandiás. Vilar de Santos, Saá e As Casas da Veiga pertencían á Encomenda da Orde de Santiago, Parada ao señorío do Marqués de Malpica e Laioso ao señorío de Ozores e Soutomaior. En 1836, trala división territorial de España en 1833, constituíuse o concello de Vilar de Santos.

En 1992 inaugurouse o Museo Comarcal da Limia, na vella casa reitoral de Vilar de Santos. En 1998 creouse o Parque empresarial de Santa Marta, e tamén nesa época iniciouse a recuperación da aldea de Saa para o seu aproveitamento turístico. En 2005 Vilar de Santos foi recoñecido pola UNESCO como Reserva da biosfera Área de Allariz xunto cos concellos de Allariz, Rairiz de Veiga e A Bola.

O concello está atravesado pola estrada OU-531 entre Xinzo de Limia e Celanova, parte da antiga C-531.

Política

Desde o ano 2007 o alcalde é Xoán Xardón.

Galería de imaxes

Artigo principal: Galería de imaxes de Vilar de Santos.

• 
  Igrexa de Santa María de Parada de Outeiro.

Lugares de Vilar de Santos

Para unha lista completa de todos os lugares do concello de Vilar de Santos vexa: Lugares de Vilar de Santos.

Véxase tamén

Ligazóns externas

• Páxina oficial do concello

---

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---