Templo Votivo do Mar

O Templo Votivo do Mar é un templo católico adicado a San Xoán Bautista, tamén coñecido como igrexa parroquial de San Xoán de Panxón. Situado na parroquia do mesmo nome pertencente ao concello de Nigrán.

Templo Votivo do Mar
O Templo Votivo do Mar.
Datos xerais
País	España
Tipo	Igrexa parroquial
Advocación	San Xoán Bautista
Localización	Panxón (Nigrán)
Coordenadas	42°08′44″N 8°49′24″O
Culto
Culto	Católico
Diocese	Tui-Vigo
Arquitectura
Construción	1932-1937
Estilo	sen definición, con toques neogóticos, modernistas e de influencia mozárabe
[ editar datos en Wikidata ]

Este edificio foi deseñado polo arquitecto galego Antonio Palacios Ramilo autor de obras como o Palacio de Comunicacións de Madrid, o Teatro García Barbón de Vigo (hoxe Centro Cultural Afundación Vigo) ou a Virxe da Rocha en Baiona. A súa construción tivo lugar entre 1932 e 1937.

Fachada e torre.

Estilo

O edificio de granito, tivo como inspiración o arco visigodo do século VII próximo ao templo. A igrexa, malia a súa orixe, ten tinguiduras góticas, influencia musulmá e toques modernistas, pero sempre tentando plasma-la arte galega, e coa fin de brindar esta obra a tódalas xentes do mar. Feita en parte con materiais reciclados, posúe contrafortes, arcos superpostos que barutan a luz e crean perspectivas, celosías de formigón. A cúpula central de ladrillo, nervada, seguindo o modelo de Armenteira e todo iso fundido coa época do arquitecto, cromatismo nos mosaicos e noutros elementos metálicos.

Reflíctese a tradición da cantaría galega irmandada coa paisaxe e a historia de Galicia: o megalítico, a época castrexa, o prerrománico e románico, os mosteiros mendicantes, os pazos barrocos. A torre semella un faro, ou torre defensiva que no seu remate proxecta a rosa dos ventos cos catro anxos custodios.

Véxase tamén

Bibliografía

• Espinosa Rodríguez, J. (1957). Panjón. Templo Votivo de la Virgen del Mar. 

Outros artigos

• Monumento á mariña universal
• Arco visigótico de Panxón

Ligazóns externas

• TurGalicia