Relaxina
| |
Relaxina 1
| |
| Identificadores | |
| Símbolo | RLN1 |
| Símbolos alt. | H1 |
| Entrez | 6013 |
| HUGO | 10026 |
| OMIM | |
| RefSeq | NM_006911 |
| UniProt | P04808 |
| Outros datos | |
| Locus | Cr. 9 qter-q12 |
Relaxina 2
| |
| Identificadores | |
| Símbolo | RLN2 |
| Símbolos alt. | H2, RLXH2, bA12D24.1.1, bA12D24.1.2 |
| Entrez | 6019 |
| HUGO | 10027 |
| OMIM | |
| PDB | 6RLX |
| RefSeq | NM_134441 |
| UniProt | P04090 |
| Outros datos | |
| Locus | Cr. 9 qter-q12 |
Relaxina 3
| |
| Identificadores | |
| Símbolo | RLN3 |
| Símbolos alt. | ZINS4, RXN3, H3 |
| Entrez | 117579 |
| HUGO | 17135 |
| OMIM | |
| RefSeq | NM_080864 |
| UniProt | Q8WXF3 |
| Outros datos | |
| Locus | Cr. 19 p13.3 |
A relaxina é unha hormona proteica descrita en 1926 por Frederick Hisaw.[1][2]
A familia de péptidos similares á relaxina pertence á superfamilia da insulina e consta de 7 péptidos de gran semellanza estrutural pero baixa semellanza secuencial, que son as relaxinas 1 (RLN1), 2 (RLN2) e 3 (RLN3), e os péptidos similares á insulina (INSL), INSL3, INSL4, INSL5 e INSL6. As funcións da relaxina-3, INSL4, INSL5, e INSL6 non foron aínda caracterizadas.[3]
Síntese editar
Na femia prodúcese no corpo lúteo do ovario, no peito e, durante o embarazo, na placenta, corion, e decidua.
No macho prodúcese na próstata e está presente no seme humano.[4]
Estrutura editar
Estruturalmente, a relaxina é un heterodímero formado por dúas cadeas peptídicas de 24 e 29 aminoácidos unidas por pontes disulfuro, e está relacionada coa insulina.
A relaxina prodúcese a partir da súa prohormona, "prorelaxina", á que se lle elimina unha cadea peptídica adicional.
Funcións editar
Nos humanos editar
Nos machos a relaxina potencia a motilidade de esperma no seme.[5] Nas mulleres a relaxina prodúcese principalmente no corpo lúteo, tanto en mulleres preñadas coma non preñadas; a súa produción chega a un pico aproximadamente 14 días despois da ovulación, e despois declina se non hai embarazo, e prodúcese a menstruación. Durante o primeiro trimestre de xestación, os seus niveis aumentan e a decidua produce relaxina adicional.
O papel ou a necesidade de relaxina durante o embarazo humano aínda está a investigarse, xa que nos humanos o seu pico atínguese durante as 14 semanas do primeiro trimestre de embarazo e no parto. Crese que relaxa a sínfise pubiana.
Noutros animais editar
Nos animais a relaxina alarga o óso pubiano e facilita o parto; abranda o cérvix (maduración cervical), e relaxa a musculatura uterina. Por esta razón, durante un longo tempo, a relaxina foi vista como unha hormona do embarazo. Porén, pode ter máis efectos. A relaxina afecta ao metabolismo do coláxeno, inhibe a síntese de coláxeno e aumenta a súa degradación ao incrementar as metaloproteinases da matriz.[6] Tamén aumenta a anxioxénese e é un potente vasodilatador renal.
Receptores editar
A relaxina interacciona co receptor da relaxina LGR7 (RXFP1) e o LGR8 (RXFP2), que pertencen á superfamilia de receptores acoplados á proteína G [7]. Estes receptores conteñen un dominio transmembrana heptahelicoidal e un ectodominio glicosilado grande, vagamente relacionado cos receptores de hormonas glicoproteicas, como o receptor de LH ou o receptor de FSH.
Os receptores da relaxina atopáronse no corazón, músculo liso, tecido conectivo, e sistema nervioso central e autónomo.
Enfermidades editar
Non se describiron trastornos específicos relacionados coa relaxina, aínda que se suxeriu que ten unha relación co escleroderma e a fibromialxia.[8]
Notas editar
- ↑ "If a Gopher Can Do It ...". Time Magazine. 1944-04-10. Arquivado dende o orixinal o 15 de decembro de 2008. Consultado o 2009-05-20.
- ↑ Becker GJ, Hewitson TD (2001). "Relaxin and renal fibrosis". Kidney Int. 59 (3): 1184–5. PMID 11231378. doi:10.1046/j.1523-1755.2001.0590031184.x.
- ↑ Wilkinson TN, Speed TP, Tregear GW, Bathgate RA (2005). "Evolution of the relaxin-like peptide family". BMC evolutionary biology 5: 14. PMC 551602. PMID 15707501. doi:10.1186/1471-2148-5-14.
- ↑ MacLennan AH (1991). "The role of the hormone relaxin in human reproduction and pelvic girdle relaxation". Scandinavian journal of rheumatology. Supplement 88: 7–15. PMID 2011710.
- ↑ Weiss G (1989). "Relaxin in the male". Biol. Reprod. 40 (2): 197–200. PMID 2497805. doi:10.1095/biolreprod40.2.197. Arquivado dende o orixinal o 22 de novembro de 2008. Consultado o 10 de febreiro de 2012.
- ↑ Mookerjee I, Solly N, Royce S, Tregear G, Samuel C, Tang M (2006). "Endogenous relaxin regulates collagen deposition in an animal model of allergic airway disease". Endocrinology 147 (2): 754–61. PMID 16254028. doi:10.1210/en.2005-1006.
- ↑ Hsu SY, Nakabayashi K, Nishi S, Kumagai J, Kudo M, Sherwood OD, Hsueh AJ. (2002). "Activation of orphan receptors by the hormone relaxin". Science 295 (5555): 674–6. PMID 11809971. doi:10.1126/science.1065654.
- ↑ Van Der Westhuizen E, Summers R, Halls M, Bathgate R, Sexton P (2007). "Relaxin receptors--new drug targets for multiple disease states". Curr Drug Targets 8 (1): 91–104. PMID 17266534. doi:10.2174/138945007779315650.
Ligazóns externas editar
- MeshName - Relaxin [1]
- "Relaxin". Human Protein Reference Database. Johns Hopkins University and the Institute of Bioinformatics. Arquivado dende o orixinal o 29 de novembro de 2014. Consultado o 2009-05-20.