Rally Mil Vistas de 1991
O Rally Mil Vistas de 1991 foi a segunda edición de dito rally e a penúltima proba da tempada 1991 do Campionato de Galicia de Rally. Celebrouse o 2 de novembro de 1991 e o vencedor foi Germán Castrillón, sobre un Ford Sierra Cosworth.[1]
| Rally Mil Vistas de 1991 | |
|---|---|
| Categoría | Galicia |
| Localización | Muros Carnota Vimianzo Dumbría |
| Organizador | Senra Sport |
| Ámbito | Rexional |
| Superficie | Asfalto |
| Tramos | 11 |
| Gañadores | |
| Piloto campión |  Germán Castrillón |
| Anterior | Rally da Coruña de 1990 |
| Seguinte | Rally Mil Vistas de 1992 |
Arturo Rial chegou a este rally co título de campión galego case asegurado e asegurouno xa antes da saída, ao non participar Antonio Garrido, o único con posibilidades de impedirllo.
Itinerario editar
Constou de cinco treitos diferentes, con dúas pasadas polos treitos de Carnota, Muros, O Ézaro e Dumbría e tres polo de Muros, estando situadas nesta última vila a saída e a chegada.[2]
Resumo editar
O noiés Arturo Rial proclamouse campión de Galicia por segunda vez xa antes do comezo da proba ao non presentarse o berciano Antonio Garrido, o único que podía arrebatarlle a primeira posición no campionato.[2] No primeiro treito, Carnota, Rial saíu voando por un desnivel e caeu ao río, saíndo ilesos polo portón traseiro do vehículo tanto el como o seu copiloto, José Manuel Pazos. O piloto local Manuel Senra estreaba un Peugeot 309 GTI 16v e con este novo vehículo colocouse líder dende o principio, sacándolle 15 segundos a Germán Castrillón nos tres primeiros treitos. Con todo, despois de cruzar a meta do terceiro treito quedou sen presión do aceite e tivo que retirarse.[3]
Con estes abandonos Castrillón lideraba a proba pero viuse adiantado por Juan Carlos Táboas, despois de que este marcase os mellores tempos nas primeiras pasadas por Dumbría e Vimianzo. Xa na segunda pasada por Vimianzo o Citroën AX Sport de Táboas rompeu un palier e tivo que abandonar. Deste xeito o único rival importante de Castrillón era Javier Piñeiro, que non puido co Ford Sierra Cosworth do cabanés, finalizando en segunda posición.
Miguel Dopico, cun Peugeot 309 GTI, completou o podio, mentres que en cuarta posición chegou Magdaleno e en quinta Moisés Carballeira. Dos 42 pilotos que tomaron a saída, chegaron á meta 27. Entre os abandonos, ademais dos de Senra, Rial e Táboas, estiveron os de Ricardo Vidal e os mecánicos de Senra, Juan Fernández e José Antonio Trillo, que se alternaron o volante dun Peugeot 205 GTI.[3]
Clasificación editar
| Pos | Piloto | Copiloto | Vehículo |
|---|---|---|---|
| 1 | Germán Castrillón
|
José Manuel López Castrillón
|
Ford Sierra Cosworth |
| 2 | Javier Piñeiro
|
Carlos Cascallar
|
Renault Clio 16v |
| 3 | Miguel Dopico
|
Álvaro Louro
|
Peugeot 309 GTI |
| 4 | José María Magdaleno
|
Mario Labraña
|
Lancia Delta Integrale |
| 5 | Moisés Carballeira
|
Peugeot 205 Rallye | |
| 6 | Javier Paz
|
Manuel García
|
Citroën AX Sport |
| Abandonos | |||
| - | Manuel Senra
|
José Maceiras
|
Peugeot 309 GTI |
| - | Arturo Rial
|
Mario Pazos
|
Citroën AX Sport |
| - | Juan Carlos Táboas
|
Manuel Gilsanz
|
Citroën AX Sport |
| - | Ricardo Vidal
|
Juan Carlos Souto
|
Peugeot 205 GTI |
| - | Juan Fernández José Antonio Trillo
|
Peugeot 205 GTI | |
Notas editar
- ↑ Arévalo, Fernando (3 de novembro de 1991). "Castrillón, beneficiado por el abandono de Senra, ganó en Muros el Rally M il Vistas". La Voz de Galicia (en castelán). p. 58.
- ↑ 2,0 2,1 "Castrillón, favorito en el rally de Muros, al que Rial llega como campeón gallego". La Voz de Galicia (en castelán). 2 de novembro de 1991. p. 45.
- ↑ 3,0 3,1 Arévalo, Fernando (4 de novembro de 1991). "El regreso al futuro de Germán Castrillón". La Voz de Galicia (en castelán). p. 50.
| Predecesor: Rally San Froilán |
Campionato de Galicia de Rally Tempada 1991 |
Sucesor: Rally de Ferrol |