Rafael Cuíña

Rafael Luís Cuíña Aparicio, nado en Lalín o 13 de xaneiro de 1972, é un empresario, político e columnista galego, fillo do político Xosé Cuíña.

Rafael Cuíña
Alcalde de Lalín
Período	2015 - 2019
Antecesor	Xosé Crespo Iglesias
Sucesor	Xosé Crespo Iglesias
Datos persoais
Nacemento	13 de xaneiro de 1972
	Lalín
Organización	Partido Popular de Galicia, Acción Galega e Compromiso por Galicia
Pai	Xosé Cuíña
Profesión	Empresario e político
Na rede
[ editar datos en Wikidata ]

Traxectoria

Estudou Dereito.^{[cando?][Cómpre referencia]} Ex-militante do Partido Popular de Galicia, era unha das caras coñecidas da rama galeguista neste partido. Escribiu para diversas publicacións como Vieiros, Xornal de Galicia ou o xornal A Peneira, e acadou certa sona pola súa pertenza á asociación cívica na defensa da lingua galega, ProLingua. Así mesmo, forma parte do equipo permanente do Instituto Galego de Estudos Europeos e Autonómi­cos (IGEA) que dirixe o nacionalista Anxo Quintana.

Membro da plataforma galeguista Acción Galega, o 14 de abril de 2012 anunciou a súa marcha do Partido Popular , integrándose en xuño dese mesmo ano na organización política Compromiso por Galicia. Nas filas desta formación concorreu como cabeza de lista por Pontevedra ás eleccións ao Parlamento de Galicia 2012, malia non acadar finalmente representación. Nas municipais de 2015 foi candidato de Compromiso por Galicia á alcaldía de Lalín e foi elixido alcalde grazas a un pacto de goberno co PSdeG e PAC.

Véxase tamén

Outros artigos

• Eleccións municipais en Lalín
• Galeguismo

Ligazóns externas

• Columna de Cuíña no xornal dixital Vieiros.