A Peneira
A Peneira foi unha publicación periódica quincenal en galego editada en Ponteareas desde o ano 1984 até comezos de 2011, a cargo de Edicións A Peneira. Conxuntamente co xornal repartíase o suplemento cultural Kalaikia. Dende 2016, está presente nunha edición dixital e troca o nome a Novas do Eixo Atlántico.
| A Peneira | |
|---|---|
.svg&lang=gl){kind=small} | |
| Fundación | marzo de 1984 |
| Lingua | lingua galega |
| Descrito por | Enciclopedia Galega Universal e Gran Enciclopedia Galega Silverio Cañada |
| [ editar datos en Wikidata ] | |
Traxectoria
editar.jpg)
O primeiro número foi editado en marzo do 1984 baixo a iniciativa do director Guillermo Rodríguez Fernández.[1] Os principios que rexían a súa liña editorial son a independencia de grupos políticos e económicos, a total transparencia informativa e a defensa da personalidade de Galicia, da súa lingua, da súa cultura e da súa entidade nacional económica e política. O seu lema é “informar formando”. É un dos xornais históricos escritos en lingua galega. Nunha primeira etapa as noticias estaban centradas na zona sur da Provincia de Pontevedra pero co tempo ampliouse a súa zona xeográfica abranguendo o Salnés, o Morrazo e con apartados especiais dedicados ás comarcas galegas.[1]
Dende os seus inicios quixo servir como método de comunicación entre Galicia e Portugal na súa sección “Alem Minho”.
A súa periodicidade foi mensual ata a década dos 90 en que se convertería en quincenal.[1]
Por volta do 2004, coa entrada de Antón Fernández Escudero na redacción, modificouse o seu carácter informativo. Así naceron distintas cabeceiras comarcais: en decembro apareceu a Peneira do Condado Paradanta e, tamén, a do Baixo Miño que posteriormente se transformou nun suplemento do xornal, xunto coas comarcas do Val Miñor e Vigo, de periodicidade mensual. En xuño, xorde A Peneira da Louriña. Este feito permite orientar o xornal cara a unha información nacional, tomando Compostela como eixe e recollendo información local nas cabeceiras de saída mensual.
Na altura do 2006 o xornal mereceu o Premio da Crítica de Galicia na modalidade de Iniciativas Culturais.[2]
A distribución no ano 2007 era duns 10.000 exemplares repartidos polas catro provincias con maior presenza na de Pontevedra.[3]
En xaneiro de 2011 o xornal pechou a súa versión en papel na etapa negra do xornalismo galego onde se sucederon as desaparición de proxectos históricos de comunicación en galego como Vieiros, A Nosa Terra e Galicia Hoxe, xunto con outros de difusión máis reducida entre os que se atopou A Peneira e GZ Nación.
.png)
En 2012, o proxecto segue a súa actividade exclusivamente en formato electrónico baixo o nome de A Peneira Dixital.[4] Logo de 2016 pasa a chamarse Novas do Eixo Atlántico.
Organigrama
editar- Director: Guillermo Rodríguez
- Redactor Xefe: Antón Fernández
- Redacción: Ramón Couñago, María Díaz, Manrique Fernández, Diego Giráldez, Amparo Rodríguez.
Notas
editar- ↑ 1,0 1,1 1,2 Baquero (2007), p. 333
- ↑ Carbajo, Primitivo (11-12-2009). "'A Peneira' cumpre 25 anos como emblema da prensa comarcal". elpais.com. Consultado o 15-12-2018.
- ↑ Barreiro & Pérez, p. 4
- ↑ "A nova peneira dixital". Arquivado en Wayback-Machine. Archived from the original on 22-04-2016. Consultado o 15-12-2018.
Véxase tamén
editarWikimedia Commons ten máis contidos multimedia na categoría: A Peneira  |
Bibliografía
editar- "Peneira, A". Enciclopedia Galega Universal. Ir Indo. 1999-2002. ISBN 84-7680-288-9.
- "Peneria, A". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
- Baquero Rotea, Fco. Javier (1999). Datos históricos del ayer y hoy de Mos. (1546-1999). ISBN 84-605-9128-X.
- Barreiro, Manuel M.; Pérez Pena, Marcos. "Informe. A crise dos medios en galego" (PDF). xornalistas.gal. Consultado o 15-12-2018.
- Vilavedra, Dolores, ed. (1997). Diccionario da literatura galega. Publicacións periódicas II. Vigo: Editorial Galaxia. ISBN 84-8288-137-X.