Rabal, Oímbra

Para outras páxinas con títulos homónimos véxase: Rabal.

Santo André de Rabal é unha aldea e parroquia do concello de Oímbra, na provincia e diocese de Ourense, partido xudicial de Verín. No ano 2007 tiña 198 habitantes.

Rabal
Rabal
Concello	Oímbra
Provincia	Ourense
Coordenadas	41°50′53″N 7°26′26″O
Área	2,5 km²
Poboación	186 hab. (2017)
Densidade	74,4 hab./km²
Entidades de poboación	1
[ editar datos en Wikidata ]

Xeografía

Rabal é un exclave de Oímbra. Está rodeado por Verín ao norte e leste, e por Portugal ao oeste e sur. Dista un quilómetro de Oímbra. Máis da metade da superficie total de Rabal está situada a unha altitude que non supera os 400 m. O seu termo é traspasado integramente de norte a sur polo río Támega, que nace nas proximidades da Serra de San Mamede. Os montes que rodean a aldea de Rabal son O Penedo (386 m), Outeiro do Terrón (405 m) e Outeiro da Cruz (469 m).

Durante o Precámbrico a superficie do lugar formaba parte do fondo dos mares, o que deu lugar á composición de rochas como lousas e cuarcitas que se viron afectadas, ó final do Paleozoico, pola intrusión de granitos hercinianos. No Secundario, a erosión, converteu todo este relevo en solo chan, e durante o pregamento alpino prodúcese a deformación do chan mediante fracturas e flexións. O relevo resultante viuse afectado posteriormente pola erosión continua a que se viu sometida durante miles de anos, como amosan os depósitos fluviais que alberga e dan lugar ás augas mineiro medicinais.

A temperatura media anual é de 12 °C, pero a amplitude térmica é de 13 °C, o que lle dá un matiz continental^{[Cómpre referencia]}. As precipitacións non son moi abundantes; sobre todo fanse máis presentes cara a finais de outono e principios de inverno.

Festas

• Festa do San Antón: 13 de xuño. Este santo é o segundo patrón de Rabal.
• Festa da Virxe das Flores: a última fin de semana de agosto ten lugar a festa grande de Rabal. Durante a fin de semana organízanse competicións de trial, lanzamento de ósos de oliva, xogos infantís e verbena o sábado e o domingo, día no que se adoita preparar chocolate e queimada.
• Festa do Santo André: 30 de novembro. Este santo é o patrón de Rabal e na súa honra faise unha chocolatada para toda a veciñanza ao redor dunha fogueira amenizado todo con músicos da parroquia, licor café e queimada.

Galería de imaxes

• 
  Vista da aldea
• 
  Queimada o día da festa
• 
  Cabalos ó pé do río
• 
  O Támega ó seu paso por Rabal

Lugares de Rabal

Lugares da parroquia de Rabal no concello de Oímbra (Ourense)
Rabal | O Terrón

Véxase tamén

Outros artigos

• Lugares de Oímbra

Ligazóns externas

• Páxina da aldea de Rabal