Qilin
Qilin (en chinés: 麒麟 Qílín ), tamén transcrito kilin ou kirin, é unha criatura quimérica da mitoloxía chinesa e do leste asiático en conxunto, que simboliza bos presaxios. Os machos son Qi e as femias son Lin.
| Qilin | |
|---|---|
| Personaxe de Mitoloxía chinesa | |
 Representación dun par de Qilin xunto a cerámica branca e azul. Porcelana da Compañía das Indias, China, circa 1750, no Musée d'histoire de Nantes, Bretaña. | |
| Creador(es) | Cultura chinesa antiga |
| Características do Qilin | |
| Nome orixinal | 麒麟 |
| Alcume | Unicornio chinés |
| Raza | Criatura mítica |
| Sexo | Masculino (Qi) / Feminino (Lin) |
| Cor de pelo | Xeralmente representado con chamas de lume ou plumas de cores |
| Especialidade | Portador de bos presaxios |
| Ocupación | Símbolo de boa sorte e prosperidade |
| Inimigos | Malos espíritos |
| Conexións | Mitoloxía do leste asiático |
| Nacionalidade | Chinesa / xaponesa / do Extremo Oriente |
| Status actual | Mítico |
| Representación cultural | |
| Rituais e festivais chineses, como o ano novo chinés | Danza do Qilin |
Do mesmo xeito que a danza do dragón e do león, a danza do Qilin tamén se realiza en rituais e épocas festivas, como o ano novo chinés ou a apertura dunha tenda, para afastar os malos espíritos e traer boa sorte.
Descrición
editarÉ un dos catro animais benévolos (en chinés: 四靈 Sì líng ), xunto co paxaro Fenghuang, a tartaruga negra e o dragón.[1]
Ten cabeza de dragón oriental, pezuños de cabalo, corpo de cervo, cola de touro, lombo de plumas de cores, ventre de pel amarela, boca que respira lume e voz de trono. Dise que a súa aparición ocorre só en tempos de paz e prosperidade, cando aparece un home santo ou un gobernante ilustre no mundo.
Crese que un Qilin pode vivir até dous milenios. Cun temperamento tranquilo, a pesar de ter medios para atacar os seus adversarios, non fai dano a humanos nin animais, non pisa insectos nin herbas [2] e nin sequera se alimenta de plantas vivas. Por iso é coñecido como "o animal misericordioso" (en chinés: 仁獸 Rén shòu ).[3][4]
Qilin é unha criatura encantadora pola súa caridade, xenerosidade e gran respecto pola vida. Ten unha enorme compaixón polos mozos e puros de corazón, non tolera quen os abusa. Nunca quitará a vida a un inocente e tamén o protexerá de calquera ameaza, converténdose nun protector implacable cuspindo fogo, entre outras habilidades que se contan de conto en conto.
Tamén se di que o Qilin só aparece en rexións gobernadas por persoas benéficas ou virtuosas. A súa rara aparición só ocorre ante aqueles que respectan a vida tanto coma el.
Outras curiosidades sobre o Qilin é que fala facilmente a linguaxe humana, sendo capaz de ter telepatía, segundo algúns, para saber cando están dicindo a verdade ou non. Ás veces son chamados unicornios asiáticos ou chineses,[5] asócianse constantemente cos dragóns orientais e teñen un gran poder.
Son criaturas tan libres que non poden ser domesticadas por ningún outro ser e acaban matándose, se son detidas ou dominadas, xusto despois dun estalido de furia.
Orixes
editar
Dise que o primeiro Qilin apareceu no xardín do lendario Huangdi (o Emperador Amarelo) en 2697 a. C. Uns tres séculos despois informouse dun par de qilin na capital do emperador Yao. Ambos os feitos deron testemuño da natureza benévola dos gobernantes.
A chegada dun gran sabio deuse a coñecer cando un Qilin se lle apareceu á nai embarazada de Confucio (século VI a. C.). A continuación, o qilin tosiu unha táboa de xade inscrita que anunciaba a futura grandeza do neno non nacido. A morte de Confucio foi presaxiada cando un qilin foi ferido por un auriga.
En 1414 unha xirafa viva foi traída a China por primeira vez e presentada como Qilin ao emperador Yongle da dinastía Ming como adulacións, en tanto evidencia da sabiduría do emperador. Este comentou bruscamente que certamente non era un sabio e que o animal tampouco era un qilin. En xaponés, unha xirafa chámase kirin, pero os caracteres son os mesmos kanji de qilin.
Na cultura popular
editarBebida
editar
Unha marca de cervexa xaponesa é chamada "Kirin Ichiban", do holding KIRIN (キリンホールディングス Kirin Hōrudingusu) membro do grupo Mitsubishi.
Videoxogos
editarO qilin fai algunhas aparicións nas series de videoxogos Yo-kai Watch, Final Fantasy, Monster Hunter e Perfect World, Neopets, Ninja Saga de Facebook, Genshin Impact, Guild Wars e Kemono Friends 3 entre outros.
Cine
editarNa película Fantastic Beasts: The Secrets of Dumbledore esta criatura xoga un papel importante, sendo o centro da trama xa que a cinta conta que o "Qilin" é capaz de recoñecer a un ser humano cunha alma pura, sendo a persoa elixida a que gobernaría o mundo da bruxaría no universo de Harry Potter. Tras esta película, a criatura comeza a formar parte do universo da saga literaria e cinematográfica.
Manga e anime
editarNa serie de anime Digimon Savers aparece un Digimon chamado Qilinmon con varias características desta criatura.
Tamén aparece no anime Jigoku Sensei Nube como un "mensaxeiro de Deus".
No último capítulo da serie de anime "Pet Shop of Horrors", un kirin fai a súa aparición en forma humana e máis tarde na súa forma de dragón.
No manga Naruto hai un ataque eléctrico de Sasuke chamado Kirin, dun raio en forma de dragón oriental.
Literatura
editarNo libro "Unicorns: De Historia et Veritate" de Michael Green, o kirin descríbese como un dos Unicornios da orde Killina.
Notas
editar- ↑ (Clásico dos Ritos) 《禮記》禮運：「麟鳳龜龍，謂之四靈。」
- ↑ "麒麟" (en chinés). 2023-08-09.
- ↑ 何法《徵祥記》：「麒麟者，牡曰麒，牝曰麟。……許雲仁獸，用公羊說，以其不履生蟲，不折生草也。」
- ↑ "Shuowen Jiezi" (en inglés). 2023-05-24.
- ↑ Rodríguez, Oriol (2014-04-24). "Qilin 麒麟 Una de las Cuatro Criaturas Divinas". Chinalati (en castelán). Consultado o 2023-08-18.
Véxase tamén
editar| Wikimedia Commons ten máis contidos multimedia na categoría: Qilin |
Outros artigos
editar| A Galipedia ten un portal sobre: China |