Peking Express
Peking Express é un programa de telerealidade creado en Bélxica e os Países Baixos e que ten versións noutros países como Alemaña, Dinamarca, España, Francia, Noruega ou Suecia. Este concurso é á súa vez unha versión do formato orixinal The amazing race, adaptado para non ser acusado de plaxio. En Marrocos, a canle 2M fixo a súa propia versión chamada Dakar-Fez Express, que como o seu nome indica, é unha ruta dende Dakar (Senegal) ata Fez (Marrocos), pasando por Mauritania.
| Peking Express | |
|---|---|
Na rede
| |
| http://www.net5.nl/web/show/id=80543/langid=43/dbid=76/typeofpage=78934/ | |
 
|
Formato
editarMecánica do concurso
editarNo concurso, dez parellas teñen que percorrer os 10.000 km que separan dúas cidades en 13 etapas de 3 días cada unha; a parella que chegue na última posición en cada etapa é eliminada, a non ser que os salve un sobre que leva a parella gañadora da anterior etapa. Os concursantes teñen un presuposto dun euro por persoa e día para conseguir comida, mentres que o transporte e o aloxamento teñen que conseguilo gratuítamente.
Xogos de inmunidade
editarÁ metade de cada etapa os concursantes chegan a un punto no que se encontra un libro vermello no que teñen que asinar, de todos eles, os máis rápidos participan nun xogo que lles pode facer gañar a inmunidade. A parella que gañe este xogo consegue un adhesivo vermello co seu nome que lles impide ser eliminados nesa etapa mesmo.
Eliminación
editarAo final de cada etapa, o/a director/a de carreira informa ás parellas da súa posición na mesma. A parella que chega na última posición debe abandonar o concurso, a non ser que o sobre lacrado que leva a parella gañadora da última etapa sexa de cor verde. Se o sobre contén unha tarxeta vermella, a parella abandona inmediatamente o concurso.
Nas etapas nas que o sobre lacrado é verde, e que polo tanto non son eliminatorias, pasan á seguinte etapa tódolos concursantes; mais a parella que chegou na última posición e foi salvada polo sobre verde deberá facer o percorrido cun hándicap. O hándicap pode ralentizar a viaxe desta parella, aínda que isto depende en gran parte da pericia dos concursantes.
O kit de supervivencia
editarOs concursantes contan cunha serie de elementos que lles son útiles para cubrir as súas etapas:
- A mochila: levan a roupa, a comida que puideron mercar e os sacos para durmir á intemperie. Cada aventureiros debe levar a súa mochila obrigatoriamente á hora de chegar ao libro vermello ou á meta.
- Un busca: con el reciben ordes do programa, como a de que a certa hora a carreira se para e deben abandonar o medio de transport no que se encontren para procurar aloxamento ou proseguir a marcha a pé.
- Mapa: o mapa márcalles onde teñen que ir e por que zonas poden desprazarse.
- Fichas de idioma: as fichas de idioma axudan aos concursantes a comunicarse cos habitantes de cada país.
.svg){kind=small}
