Panteón de reis de Santo Isidoro de León

Panteón de reis de Santo Isidoro de León;
Tipo	mausoleo e panteón
Parte de	Basílica de Santo Isidoro de León
Localización
	42°36′02″N 5°34′16″O / 42.60058, -5.57117
Estado	España
Comunidade autónoma	Castela e León
Provincia	provincia de León
Concello	León
Persoas e organizacións
Fundador	Fernando I de León e Sancha I de Galicia
Dedicado a	Afonso IV de León, Ramiro II, Ordoño III de León, Ordoño IV, Sancho II, Ramiro III, Vermudo II, Afonso V o Nobre, Vermudo III, Sancho III O Maior, Fernando I de León e García II de Galicia
	[ Wikidata ]

O panteón dos reis de León, que se atopa ós pés da basílica de Santo Isidoro de León, é o lugar no que durante a Idade Media recibiron sepultura a maioría dos reis e raíñas do reino de León.

É un espazo rectangular con pórtico, de arredor de oito metros de lado, con dous robustas columnas sobre as que se apoian sete arcos que dividen o espazo en tres naves. O ciclo pictórico que adorna os seus muros está considerado unha das obras cume do Románico español.

Personaxes soterrados no panteón

Nel atópanse varios sartegos de pedra nos que foron depositados os restos de diversos reis de León e Galicia, así como algúns membros da familia real leonesa. As persoas reais inhumadas aquí foron:

Reis

Afonso IV de León (m. 933). Fillo de Ordoño II e sobriño de Froila II.
Ramiro II de León (900-951). Fillo máis novo de Ordoño II e irmán de Afonso IV de León.
Ordoño III de León (926-956). Fillo e sucesor de Ramiro II de León.
Ordoño IV (924-960). Fillo de Afonso IV de León e curmán de Sancho I de León.
Sancho I de León (935-966). Fillo de Ramiro II de León.
Ramiro III (961-984). Fillo e sucesor de Sancho I de León.
Vermudo II (956-999). Fillo de Ordoño III de León.
Afonso V o Nobre (994-1028). Fillo e sucesor de Vermudo II.
Vermudo III (1016-1037). Fillo e sucesor de Afonso V o Nobre.
Sancho III o Maior, rei de Navarra (990-1035). Pai de Fernando I de León.
Fernando I de León (1016-1065). Fillo de Sancho III o Maior, rei de Navarra.
García II de Galicia, (1042-1090). Rei de Galicia. Fillo de Fernando I de León.

Raíñas

Urraca de León, (1081-1126). Filla e sucesora de Afonso VI de León.
Sancha I de Galicia (1013-1067). Filla de Afonso V o Nobre e esposa de Fernando I de León.
Oneca de Pamplona (m. 931), filla de Sancho Garcés I de Navarra e esposa de Afonso IV de León.
Sancha Gómez (m. 983), filla do conde Gómez Díaz, esposa o rei Ramiro III.
Elvira García (m. 1027), filla do conde García Fernández, esposa de Vermudo II e nai de Afonso V o Nobre.
Elvira Méndez († 1022), esposa de Afonso V o Nobre e nai de Vermudo III.
Ximena Sánchez (1012-1063), filla de Sancho III o Maior e esposa de Vermudo III.
Zaida de Sevilla, esposa de Afonso VI de León.
Urraca de Portugal (1148-1188), filla de Afonso I de Portugal, esposa de Fernando II de León e Galicia e nai de Afonso VIII de León e Galicia.
Tareixa Fernández de Traba (m. 1180), segunda esposa de Fernando II de León e Galicia e filla do conde Fernán Pérez de Traba.

Infantes

Urraca de Zamora (1033-1101), infanta de León e señora de Zamora. Filla de Fernando I de León e de Sancha I de Galicia.
Elvira de Toro (1039-1099), infanta de León e señora de Toro. Filla de Fernando I de León e de Sancha I de Galicia.
Sancha Raimúndez (1102-1159), filla de Urraca de León e de Raimundo de Borgoña e irmá de Afonso VII de León.
Estefanía Afonso de Castela (1151-1180), filla ilexítima de Afonso VII de León e de Urraca Fernández de Castro.
Fernando de León (1178-1187), fillo do Fernando II de León e de Tareixa Fernández de Traba.
García Fernández de León (1180-1184), fillo do rei Fernando II de León e Galicia e de Urraca López de Haro.
Lionor de León (1202-1202), filla do rei Afonso VIII de León e Galicia e da raíña Berenguela de León e Castela.
María de Castela (1235-1235), filla de Fernando III de Castela e da raíña Beatriz de Suabia.