Beatriz de Suabia

Beatriz de Suabia (bautizada como Isabel), nada en 1205 e finada en Toro o 5 de novembro de 1235, foi unha nobre alemá que foi raíña consorte de Castela e de León entre 1220 e 1235 polo seu matrimonio con Fernando III de Castela.

Beatriz de Suabia

Biografía
Nacemento	(de) Elisabeth von Schwaben 1205 Núremberg, Alemaña
Morte	5 de novembro de 1235 (29/30 anos) Toro, España
Lugar de sepultura	Iglesia Catedral de Santa María
Outro
Título	Raíña consorte
Familia	Dinastía Hohenstaufen
Cónxuxe	Fernando III de Castela (1219 (Gregoriano)–)
Fillos	Afonso X o Sabio, Frederic de Castella, Ferdinando di Castiglia, Leonor de Castilla, Berenguela de Castilla, Henrique de Castela, Filipe, Sancho de Castela, Manuel de Castilla, Maria de Castilla
Pais	Filipe de Suabia   e Irene Angelina
Irmáns	Cunegunda da Suábia Beatriz de Hohenstaufen Maria von Staufen

Foi filla de Filipe, duque de Suabia e rei de romanos, e de Irene Anxo, filla de Isaac II Anxo, emperador de Constantinopla.

Traxectoria

Despois da morte do seu pai permaneceu baixo a tutela do seu curmán Frederico II, Sacro Emperador Romano Xermánico. Este deu a súa autorización para o seu casamento con Fernando III, rei de Castela e de León, unión que se concretou a finais de novembro de 1219 no Monasterio de San Zoilo de Carrión de los Condes (Palencia).

Descendencia

• Afonso X o Sabio (1221-1284), rei de Castela e de León tras a morte do seu pai. Casou con Violante de Aragón, filla de Xaime I de Aragón.
• Fadrique de Castela (1224-1277). Foi executado en 1277 por orde do seu irmán o rei Afonso.
• Fernando de Castela (1225–1248). Faleceu durante a conquista de Sevilla, en 1248.
• Leonor de Castela (1226-¿?), faleceu na súa xuventude.
• Berenguela (1228–1279). Foi monxa no mosteiro de Santa María A Real de Las Huelgas en Burgos, onde recibiu sepultura.
• Henrique de Castela o Senador (1230-1303). Despois da súa estadía en Tunisia, foi nomeado Senador de Roma polo papa Clemente IV.
• Filipe de Castela (1231–1274). Arcebispo de Sevilla.
• Sancho de Castela (1233–1261). Arcebispo de Toledo e de Sevilla.
• Manuel de Castela (1234-1283), señor de Villena, Escalona, Peñafiel, Elx, Santa Olalla, Agreda, Roa, Cuéllar, Chinchilla, Aspe e Beas.
• María (1235-1235), sepultada na Colexiata de Santo Isidoro de León.

Sepultura

Sepulcro de Beatriz de Suabia. Capela Real da Catedral de Sevilla

Á súa morte, o corpo da raíña Beatriz de Suabia recibiu sepultura no mosteiro de Las Huelgas de Burgos, nun sepulcro colocado xunto ao do rei Henrique I de Castela. O seu fillo, Afonso X o Sabio, ordenou que os seus restos mortais fosen trasladados á Catedral de Sevilla en 1279, canda os restos mortais de Fernando III.

En 1948, con motivo do sétimo centenario da conquista da cidade de Sevilla por Fernando III, que capitulou en 1248, construíuse o sepulcro actual, situado no lado da Epístola da Capela Real da Catedral de Sevilla. A estatua orante da raíña, realizada en pedra e alabastro, representa a raíña na súa mocidade, con touca e coroa. No manto aparecen esculpidos castelos e leóns. O resto do mausoleo da raíña é idéntico ao do seu fillo Afonso X o Sabio, situado enfronte del.

O mausoleo está formado por dous corpos superpostos flanqueados por columnas nos extremos. O primeiro corpo contén a urna cos restos mortais da raíña, en cuxa frontal se atopa unha cartela onde se le Beatriz de Suabia. O segundo corpo do mausoleo, rematado por un frontón, ocúpao un medallón circular co escudo do reino de Castela e León.

Na primitiva Capela Real da Catedral de Sevilla estaba colocada unha estatua da raíña en posición sedente, situada ante a imaxe da Virxe dos Reis, á súa esquerda. Tamén se atopaban na capela as imaxes sedentes de Fernando III e de Afonso X, sepultados alí. En 1356 Pedro I de Castela, tataraneto de Afonso X o Sabio, despoxou as imaxes de Afonso X e da súa nai, a raíña Beatriz de Suabia, de todos os metais e pedras preciosas que as adornaban.

Predecesor: Mafalda de Portugal	Raíña consorte de Castela 1220 - 1235	Sucesor: Xoana d'Aumale
Predecesor: Berenguela de Castela Raíña consorte de León	Raíña consorte de León 1220 - 1235	Sucesor: Xoana d'Aumale

Véxase tamén

Bibliografía

• Arco y Garay, Ricardo del (1954): Sepulcros de la Casa Real de Castilla'. Madrid, Instituto Jerónimo Zurita. CSIC.
• Elorza, Juan C.; Vaquero, Lourdes; Castillo, Belén; Negro, Marta (1990): El Panteón Real de las Huelgas de Burgos. Los enterramientos de los reyes de León y de Castilla. Editorial Evergráficas S.A. Xunta de Castela e León. Consellería de Cultura e Benestar Social. 84-241-9999-5.
• Gómez Moreno, Manuel (1946): El Panteón de las Huelgas Reales de Burgos. Instituto Diego Velázquez. CSIC.
• González Jiménez, Manuel (2004): Alfonso X el Sabio. Barcelona, Editorial Ariel S. A. ISBN 84-344-6758-5.
• Herrero Sanz, María Jesús (2004): Guía Santa María la Real de Huelgas. Burgos. Madrid, Reales Sitios de España. Patrimonio Nacional. ISBN 84-7120-337-5.
• Ibáñez de Segovia Peralta y Mendoza, Gaspar (1777): Memorias históricas del Rei D. Alonso el Sabio i observaciones a su chronica.
• Loaysa, Jofré de; García Martínez, Antonio (1982): Crónicas de los Reyes de Castilla Fernando III, Alfonso X, Sancho IV y Fernando IV (1248-1305). Murcia, Academia Alfonso X el Sabio. ISBN 84-00-05017-7.
• Mariana, Juan de (1855): Historia General de España. Madrid, Imprenta y librería de Gaspar y Roig.
• Morales, Alfredo J. (1979): La Capilla Real de Sevilla. Xerez da Fronteira, Deputación de Sevilla. ISBN 84-500-3316-0.