O Galiciano

periódico galego

O Galiciano foi un periódico semanal galego en galego que se editou en Pontevedra entre 1884 e 1888.

O Galiciano

Editar o valor em Wikidata
Fundación1884
Lingualingua galega
LocalidadePontevedra
Na rede
Galiciana: 2763
editar datos en Wikidata ]

Historia e características editar

Subtitulado Paróla Gallega, apareceu o 8 de agosto de 1884[1]. Estaba dirixido por Rufino Rivera Losada e nel colaboraron Juan M. Rodríguez de Cea, Albino Simán, Ramiro Vieira Durán, Francisco Portela Pérez e José López Otero. En 1884 organizou uns xogos florais e en xuño de 1886 un certame literario-musical polas festas da Peregrina. Deixou de publicarse a finais de 1887 para reaparecer en 1888. Transformouse en novembro de 1888, co subtítulo Somanario gallego pasou a estar dirixido por Rogelio Lois Estévez, e Rufino Rivera converteuse en administrador. Conviviu na última etapa co semanario O Novo Galiciano. A obra satírica “Discurso d’autualidade d’un calvo moi patilludo a quén chama a vecindade don Sexismundo… o peludo” publicada nas súas páxinas, constitúe un dos primeiros exemplos de banda deseñada en galego.[2]

Notas editar

  1. "O Galiciano" in La Revista Popular, 116, 10-2-1896, p. 7
  2. ""Precedentes del cómic gallego" (en castelán)". Tebeosfera. Consultado o 28-2-2022. 

Véxase tamén editar

Bibliografía editar

Outros artigos editar