Francisco Portela Pérez
Francisco Portela Pérez, nado en Pontevedra en 1864 e finado na mesma cidade o 12 de xullo de 1948, foi un xornalista galego.
  | |
| Biografía | |
|---|---|
| Nacemento | 1864 Pontevedra, España |
| Morte | 12 de xullo de 1948 (83/84 anos) Pontevedra, España |
| Datos persoais | |
| País de nacionalidade | España |
| Actividade | |
| Ocupación | xornalista |
| Lingua | Lingua castelá |
| Familia | |
| Fillos | Agustín Portela Paz |
Traxectoria editar
Traballou en Pontevedra como funcionario do Ministerio de Fomento. Presidiu a Sociedade Artística Musical, foi socio de mérito da Real Sociedade Económica de Amigos do País de Santiago e fundou e presidiu o Coro Gallego. Fundou e dirixiu La Voz de Helenes (1883), foi redactor de El Diario (1887), O Galiciano e A Tía Catuxa (na súa segunda etapa). Colaborou en El Anunciador, Crónica, Diario de Pontevedra, Galicia Recreativa, O Tío Marcos da Portela, El Regional, A Monteira e La Revista Popular[1]. Foi membro correspondente da Real Academia Galega.
Obras editar
Editou a Coleución de poesía gallegas d’algúns autores en 1882 e publicou os folletos Apuntes biográficos acerca de los marinos Nodales, hijos de Pontevedra (1891), Notas descriutivas sobre as romarías de Galicia (1896) e editou o Álbum de recuerdos a la memoria del joven poeta Albino Simán.
Vida persoal editar
Foi pai de Agustín Portela Paz.
Notas editar
- ↑ "Francisco Portela Pérez" in La Revista Popular, 61, 10-8-1894, p. 2-3.
Véxase tamén editar
Bibliografía editar
- Narradores ocasionais do século XIX (Relato breve) (PDF). Santiago de Compostela: Centro Ramón Piñeiro. 2003. pp. 345–348. ISBN 84-453-3736-X. Consultado o 6 de novembro de 2013.