Abrir o menú principal

Julián Acebo Alberca

guerrilleiro antifranquista

Julián Acebo Alberca, coñecido como Guardiña, nado en Ranedo (provincia de Burgos) en 1921 e finado en Chavaga (Monforte de Lemos) o 20 de abril de 1949, foi un guerrilleiro antifranquista.

Julián Acebo Alberca
Nacemento1921
 Ranedo
Falecemento20 de abril de 1949
 O Piricallo, Chavaga, Monforte de Lemos
NacionalidadeEspaña
Ocupaciónmembro da resistência
editar datos en Wikidata ]

TraxectoriaEditar

Logo do golpe de Estado do 18 de xullo de 1936 incorporouse ao Exército Popular do Norte. Ao remate da guerra civil, foi detido e condenado a vinte anos de cadea. Saíu en liberdade condicional o 2 de marzo de 1944. Foi enviado a un Batallón de Traballos Forzados, traballando como mineiro no campo de traballo de Casaio, de onde escapou e ingresou na guerrilla.

En 1947 era membro da Segunda Agrupación Guerrilleira de León-Galicia formada en setembro na Pobra do Brollón que formaba parte do Exército Guerrilleiro de Galicia. Formou parte do grupo que ía ir ao Bierzo encabezado por Silverio Yebra Granja El Atravesao, que tiña como comisario político a Francisco Martinez López El Quico, e incluía a Oliveros Fernández Negrin, Alfonso Rodríguez López e Augusto Dieguez Yañez Rubio de Villanuiz. No verán de 1948 participou no encontro de guerrilleiros da II Agrupación que se celebrou no val da Cubela.

A finais dos anos corenta era membro do destacamento Santiago Carrillo da II Agrupación do Exercito Guerrilleiro de Galicia comandado por Evaristo González Pérez. O 20 de abril de 1949 no lugar do Piricallo milicianos do destacamento foron sorprendidos por un destacamento de 60 gardas civís de Lugo e Ponferrada, orixinándose un combate que tivo como resultado a súa morte xunto a doutros tres guerrilleiros: Evaristo González Pérez "Rocesvinto", Guillermo Morán García "Asturiano", e Gregorio Colmenero Fernández "Porreto".

Véxase taménEditar

BibliografíaEditar

Ligazóns externasEditar