Augusto Diéguez Yáñez
Augusto Diéguez Yañez, coñecido como Rubio de Villanuiz, nado en Vilanuíde (Quiroga) o 20 de agosto de 1920 e finado na Rúa o 27 de agosto de 1951, foi un guerrilleiro antifranquista galego.
| Biografía | |
|---|---|
| Nacemento | 20 de agosto de 1920  Vilanuíde, España |
| Morte | 27 de agosto de 1951 (31 anos) A Rúa, España |
| Datos persoais | |
| Outros nomes | Rubio de Villanuiz |
| País de nacionalidade | España |
| Actividade | |
| Ocupación | membro da resistencia |
Traxectoria editar
Logo do golpe de Estado do 18 de xullo de 1936 foi detido. Xulgado por auxilio á rebelión, foi condenado a 6 anos de prisión. Foi membro do grupo de Mario Rodríguez Losada "Pinche" e despois do grupo de Silverio Yebra Granja "Atravesado" da Segunda Agrupación Guerrilleira de León-Galicia formada en setembro de 1947 e dirixida polo PCE. Na primavera de 1949 estivo no Bierzo con Silverio Yebra, Pedro Juan Méndez "Jalisco", Silvestre García López "Chimeneas", Roberto López Rodríguez "Virnes", Manuel Zapico Terente "Asturiano", Francisco Martínez López "Quico" e Odilo Fernández Rodríguez "Blas". En xullo de 1950 foi reclamado polo xuíz militar de Lugo xunto con Xosé Castro Veiga, Roberto López Rodríguez e Fermín Gómez Segura encartados na causa 144/50.[1] Segundo a información proporcionada por un enlace detido pola policía, foi asasinado en Fontei (A Rúa) o 27 de agosto de 1951 xunto con Silvestre García López "Chimeneas".
Notas editar
- ↑ BOP Lugo, 8-7-1950, p. 4.
Véxase tamén editar
Bibliografía editar
- Redondo Abal, Francisco Xavier (2006). Botarse ao monte. Censo de guerrilleiros antifranquistas na Galiza (1939-1965). Sada: Do Castro. p. 55. ISBN 84-8485-231-8.
Ligazóns externas editar
- Augusto Diéguez Yáñez na páxina web Nomes e Voces.
- Ficha en Los de la sierra(en francés)