Juan Manuel Baleato
Juan Manuel Baleato Iglesias, nado o 3 de febreiro de 1957 en Bembibre e finado en Santiago de Compostela o 17 de outubro de 2011, foi un futbolista e político galego, do PPdeG.
| Biografía | |
|---|---|
| Nacemento | 3 de febreiro de 1957  Bembibre, España |
| Morte | 18 de outubro de 2011 (54 anos) Santiago de Compostela, España |
| Alcalde de Val do Dubra | |
| 1991 – 2011 ← Manuel García Monteagudo – Camilo Varela Mariño → | |
| Datos persoais | |
| País de nacionalidade | España |
| Actividade | |
| Ocupación | político , futbolista |
| Partido político | Partido Popular |
| Membro de | |
| Lingua | Lingua galega |
| Deporte | fútbol |
| Familia | |
| Fillos | Roberto Baleato Pérez |
Traxectoria editar
Durante a súa mocidade dedicouse ao fútbol, co que militou no Dubra, Céltiga, Bergantiños FC, Ordes e SD Compostela. Traballou durante quince anos como secretario do xulgado de paz do Val do Dubra.
Presentouse á alcaldía de Val do Dubra por primeira vez con Alianza Popular nas eleccións municipais en 1987 sendo a forza máis votada, pero non puido alcanzala alcaldía debido a un pacto entre o PNG e a CPG que fixo alcalde ó nacionalista Manuel García Monteagudo. Nas municipais de 1991 volveu sela forza máis votada e foi elixido alcalde por maioría simple, xa daquela á fronte do Partido Popular. Gobernou en minoría ata agosto de 1992[1], cando alcanzou un pacto coa CNG que encabezaba o exalcalde García Monteagudo.
Revalidou a alcaldía con maioría absoluta nas sucesivas convocatorias electorais (1995, 1999, 2003, 2007 e 2011) ata que en setembro dese último ano foi condenado pola Xustiza a sete anos de inhabilitación por un delito de prevaricación, logo de que operarios do concello retirasen en 2007 cascallo dun predio privado sen o consentimento do seu propietario. Baleato viuse obrigado por lei a dimitir e foi substituído o 10 de outubro de 2011 de forma provisional pola concelleira popular Rosa Parafita e de forma definitiva polo tamén popular Camilo Varela Mariño. Uns días despois de abandonar a alcaldía, Baleato falecía dun infarto.[2]
| Predecesor: Manuel García Monteagudo |
 Alcalde de Val do Dubra 1991 - 2011 |
Sucesor: Camilo Varela Mariño |
Recoñecementos editar
Un ano despois do seu falecemento, o campo de fútbol de Bembibre cambiou de nome, pasando a chamarse Campo Juan Baleato.[3]
Vida persoal editar
Estivo casado, e tivo dous fillos, sendo un deles Roberto Baleato, futbolista entre outros equipos, da SD Compostela.[4]
Notas editar
- ↑ Nova en La Voz de Galicia ed. Santiago, 6-8-1992, p. 30.
- ↑ Juan Manuel Baleato, ex alcalde de Val do Dubra, fallece a los 54 años víctima de un infarto Arquivado 20 de outubro de 2011 en Wayback Machine., El Correo Gallego, 17/10/2011.
- ↑ "El campo de fútbol de Bembibre pasa a llamarse hoy Juan Baleato". La Voz de Galicia (en castelán). 6 de decembro de 2012. Consultado o 8 de maio de 2021.
- ↑ Calvo, Naso (13 de maio de 2020). "Roberto Baleato: «Después de cumplir esta semana los 30, me siento como un chaval de 18»" (en castelán). Consultado o 8 de maio de 2021.
Véxase tamén editar
Bibliografía editar
- Barrera, Feliciano, ed. (2002). "Baleato Iglesias, Juan Manuel". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. p. 50. ISBN 84-8064-113-4.
Outros artigos editar
Ligazóns externas editar
- Datos do xogador en BDFutbol (en castelán).