Juan Antonio Gago de Mendoza
Juan Antonio Gago de Mendoza, nado na Brea, Seixo, Marín (daquela pertencente á parroquia de San Tomé de Piñeiro) o 7 de novembro de 1761 e finado no verán de 1833, foi un mariñeiro e militar galego.
| Biografía | |
|---|---|
| Nacemento | 7 de novembro de 1761  A Brea, España |
| Morte | 1833 (71/72 anos) |
| Datos persoais | |
| País de nacionalidade | España |
| Actividade | |
| Ocupación | militar |
| Lingua | Lingua galega |
Traxectoria editar
Foi un dos capitáns e galegos máis famosos durante a guerra marítima contra os ingleses a finais do século XVIII, contando con patente de corso do rei Carlos IV. Foi armador do barco Peregrina Brillante (herdado do seu irmán Bernardo) e do Carmen. Unha das súas bases estaba na Guarda, de vital importancia dado que os portugueses eran aliados dos ingleses.
O 22 de agosto de 1800 venceu en Aguete ás tropas inglesas que intentaban capturar a fragata Alcudia, correo do rei cun cargamento de prata que se dirixía aos almacéns do reino en Pontevedra, motivo polo cal o rei recompensouno coa medalla de prata ao mérito e o grao de capitán. Os días 26 e 27 do mesmo mes venceu aos piratas ingleses en Ferrol.
En 1801 construíu o pazo de Chirleu.
Na Guerra da Independencia española contra as tropas francesas foi comandante das alarmas do Morrazo, liberando en abril de 1809 a vila de Marín. Participou na batalla de Ponte Sampaio e na reconquista de Vigo xunto a ás tropas de Cachamuíña.
Véxase tamén editar
Bibliografía editar
- Fernández Pousada, Alfonso Daniel (2019). "De notarios a corsarios: Principio y Descendencia de los Gago", en Nalgures, Tomo XV, pp. 111-58, Asociación Cultural de Estudios Históricos de Galicia.
- Fortes, Alberto (2005). O corsario: Vida e tempos de Juan Gago de Mendoza, Xerais.