John Huston

director, guionista e actor de cinema norteamericano

John Huston, nado en Nevada (Missouri) o 5 de agosto de 1906 e finado o 28 de agosto de 1987, foi un director, guionista e actor de cinema norteamericano.

John Huston
Nacemento5 de agosto de 1906
LugarNevada
Falecemento28 de agosto de 1987
LugarMiddletown
Causapneumonía
SoterradoHollywood Forever Cemetery
NacionalidadeEstados Unidos de América
Relixiónateísmo
Educado enArt Students League of New York, Abraham Lincoln High School e Hollywood High School
PaiWalter Huston
NaiRhea Gore
Cónxuxe(s)Evelyn Keyes, Enrica Soma, Dorothy Harvey, Lesley Black e Celeste Shane
FillosTony Huston, Anjelica Huston, Danny Huston e Allegra Huston
Profesiónactor, actor de cinema, director de cinema, guionista, produtor de cinema, escritor, actor de xénero e realizador
Na rede
IMDB: nm0001379 Allocine: 351 Rottentomatoes: celebrity/john_huston Allmovie: p95260 TCM: 510041 TV.com: people/john-huston IBDB: 15194
Musicbrainz: cfd1a291-222b-493d-aaae-ba1047ec8a58 Discogs: 1564219 WikiTree: Huston-724 Find a Grave: 1332 Editar o valor em Wikidata
editar datos en Wikidata ]

Traxectoria editar

Foi un personaxe inquedo, xa que tamén foi boxeador, xornalista, novelista, militar, criador de cabalos, cazador, coleccionista de arte... De feito, na súa adolescencia chegou a ser un campión de boxeo e exerceu como agregado militar estadounidense no exército mexicano. Contraeu o seu primeiro matrimonio á temperá idade de 20 anos. Viviu como pintor na rúa en París durante unha tempada, traballou como actor e foi redactor nunha revista neoiorquina.

Comezou no cine como extra nalgunha película, como O home de palla, Santos do inferno ou The Storm. Grazas ao seu pai, que era actor, foi guionista de varias películas de William Wyler (A casa da discordia ou Jezebel) e traballou nunha cantidade impresionante de guións durante a década de 1930 e principios dos anos 1940 (O sarxento York, O dobre crime de rúa Morgue, O último refuxio, entre outras). A súa primeira película como director, da que tamén foi guionista, O falcón maltés, segue sendo considerada unha obra mestra da historia do cine, con Humphrey Bogart como protagonista. As súas seguintes películas importantes tamén estiveron protagonizadas por Bogart: O tesouro de Serra Madre e Key Largo.

A raíña de África, outra das súas obras mestras, rodada en 1951, demostrou ao seu equipo ata onde estaba disposto a chegar para rodar unha película, rodando na República do Congo, con mosquitos, calor e todo tipo de enfermidades. Errol Flynn e Trevor Howard tamén sufriron grandes penalidades durante a rodaxe de As raíces do ceo no Chad.

Con todo, a súa carreira tivo certa irregularidade, ao aceptar dirixir películas como A Biblia, producida por Dino de Laurentiis; Annie; Evasión ou vitoria, ou Casino Royale, película de James Bond que contou con cinco directores distintos.

A pesar diso, seguiu facendo grandes películas posteriormente, como Reflexos nun ollo dourado ou Debaixo do volcán.

Tivo ocasión de dirixir ao seu propio pai, o oscarizado actor Walter Huston, en polo menos cinco longametraxes, e tamén dirixiu á súa filla, Anjelica Huston, en A honra dos Prizzi e en Dublineses, entre outras.

Faleceu en Middletown (Rhode Island) dun enfisema. Pódese afirmar que Huston é un dos grandes directores da historia recente do cine.

Filmografía como director editar

 
Estatua de John Huston, Porto Vallarta, México.

Como guionista editar

Como actor editar

Non inclue filmes nos que tamén foi director