Wikipedia

Iron Man 3

Iron Man 3  é un filme estadounidense de 2013 do xénero de superheroes baseado na serie de banda deseñada Iron Man de Marvel, producida pola propia Marvel e distribuída por Walt Disney Studios Motion Pictures[3]. É secuela de Iron Man (2008) e Iron Man 2, e a sétima película do Universo Marvel. Shane Black dirixiu e escribiu o guión con Drew Pearce, utilizando conceptos do arco de historia "Extremis" de Warren Ellis. Os principais actores foron Robert Downey Jr., Gwyneth Paltrow, Don Cheadle, Guy Pearce, Rebecca Hall, Stephanie Szostak, James Badge Dale, Jon Favreau e Ben Kingsley. En Iron Man 3, Tony Stark ten que facer fronte a un trastorno por estrés postraumático causado pola eventos de The Avengers, mentres investigaba a volta de Ten Rings, liderada polo misterioso Mandarín e entra en conflito cun vello inimigo: Aldrich Killian.

Iron Man 3
Ficha técnica
DirectorShane Black
ProdutorKevin Feige
GuiónDrew Pearce
Shane Black
Baseado enIron Man de
Stan Lee
Don Heck
Larry Lieber
IntérpretesRobert Downey Jr.
Gwyneth Paltrow
Don Cheadle
Guy Pearce
Rebecca Hall
Stephanie Szostak
James Badge Dale
Jon Favreau
Ben Kingsley
MúsicaBrian Tyler
FotografíaJohn Toll
MontaxeJeffrey Ford
Peter S. Elliot
EstudioMarvel Studios
DistribuidoraWalt Disney Studios
Estrea14 de abril de 2013
OrixeEstados Unidos de América Estados Unidos
Orzamento200.000.000 $ (bruto)[1] 178.400.000 (neto)[1]
Recadación1.215.000.000 $[2]
Filme anteriorIron Man 2
Na rede
https://www.marvel.com/movies/iron-man-3
IMDB: tt1300854 Filmaffinity: 973071 Allocine: 139589 Rottentomatoes: m/iron_man_3 Mojo: ironman3 Allmovie: v527818 TCM: 891493 Metacritic: movie/iron-man-3 TV.com: movies/iron-man-3 Netlix: 70243360Editar o valor em Wikidata
Kevin Feige, Robert Downey, Jr., Don Cheadle, Shane Black e Jon Favreau promocionando Iron Man 3 na Comic-Con de San Diego de 2012.

A súa estrea foi o 14 de abril de 2013 en París, converténdose nun éxito de crítica e público e recadando 1.200.000.000 de dólares en todo o mundo, o 16º filme en lograr máis de mil millóns de dólares e o 5º con maior recadación de todos os tempos.

Argumento editar

Tony Stark lembra unha festa de noitevella de 1999, onde coñece a científica Maya Hansen, inventora de Extremis, un tratamento rexenerativo experimental que logra a recuperación de lesións incapacitantes. O científico discapacitado Aldrich Killian ofrécelles un posto na súa empresa Advanced Idea Mechanics, pero Stark rexeita a oferta, humillándoo.

Elenco editar

 
Gwyneth Paltrow durante a estrea do filme en París

Produción editar

Desenvolvemento editar

Despois do lanzamento de Iron Man 2 xurdiu un conflito entre  Paramount Pictures, que tiña os dereitos de distribución dalgúns produtos de Marvel, e The Walt Disney Company, a nova distribuidora de Marvel Entertainment. O 18 de outubro de 2010, Walt Disney  acordou pagar a Paramount cando menos 115.000.000 de dólares pola distribución mundial dos dereitos de Iron Man 3 [4], anunciando Disney, Marvel e Paramount o 3 de maio de 2013 a data de estrea da película[5]

O director das dúas entregas anteriores, Jon Favreau, afirmou en decembro de 2010 que non ía dirixir a nova, optando por dirixir Magic Kingdom, permaneceu así a todo como produtor executivo [6]. En febreiro de 2011 entrou no equipo Shane Black [7], que dirixira en 2005 Kiss Kiss Bang Bang, como director, e xa en marzo anunciouse que Drew Pearce ía escribir con Black o guión [8]. 

Preprodución editar

En setembro de 2011 Marvel Studios chegou a un acordo para filmar a película principalmente nos estudos EUE/Screen Gems de Wilmington en Carolina do Norte. En abril de 2012 Ben Kingsley entrou en negociacións para interpretar un vilán en Iron Man 3 [9]. Despois The Walt Disney Company na China,  Marvel Studios e DMG Entertrainment anunciaron un acordo para coproducila na China. DMG en parte financiaría e produciría na China con Marvel. DMG tamén distribuiría o filme na China en cooperación con Disney [10].

Tamén en abril Guy Pearce rematou as negociacións para interpretar a Aldrich Killian, un personaxe que aparece a historia de arco "Extremis" [11]. A estrela chinesa Andy Lau houbo unirse á película, como un científico chinés e vello amigo de Stark que vén no seu auxilio, non obstante as negociacións fracasaron [12], e foi Wang Xueqi o elixido para o papel [13]. Jessica Chastain entrou en discusións para un papel na película, pero declinou por conflitos de axenda [14]. No seu lugar anunciouse en maio que participaría Rebecca Hall describíndose o seu papel como "unha científica que xoga un papel fundamental na creación dunha nanotecnoloxía, coñecida como Extremis." Ao longo das semanas seguintes James Badge Dale uniouse ao elenco como Eric Savin, Ashley Hamilton como Firepower , e Favreau volveu repetir como Happy Hogan coma nos dous primeiros filmes. Stephanie Szostak e William Sadler tamén entraron na repartición da película, con Sadler como presidente dos Estados Unidos.

A rodaxe editar

 
No porto de Wilmington localizouse a batalla polo petroleiro.
 
A mansión de Aldrich Killian en Florida é en realidade Villa Vizcaya, edificio construído entre 1914 e 1916 en Coconut Grove (Miami)

A rodaxe comezou en Wilmington (Carolina do Norte) o 23 de maio de 2012 nos estudios EUE/Screen Gems so o título de produción Caged  Heat [15]. O director de fotografía John Toll optou por primeira vez na súa carreira por traballar con cámaras dixitais, por convir mellor para os efectos visuais, empregando fundamentalmente unha cámara Arri Alexa [16]. Entre o 4 e o 6 de xuño de 2012 rodousen en Cary (Carolina do Norte) na sede de Epic Games e no SAS Institute, cunha grande árbore de Nadal colocada no xardín central [17]. No aeroporto internacional de Wilmington tamén se rodou unha escena e o porto de Wilmington serviu como localización para a batalla culminante polo petroleiro, xunto coa recreación sonora do peirao. O derrubamento da casa gravouse nunha plataforma hidráulica giubo que se podía dobrar e dividir en dous anacos. Toda a metraxe interior realizouse sen imaxes xeradas por ordenador, que só se empregaron para engadir exteriores e para a armadura de Iron Man.

A partir do 19 de xullo e deica o 1 de agosto de 2012, a rodaxe realizouse en Oak Island, tamén en Carolina do Norte, filmando tomas aéreas sobre o Atlántico. A primeiros de agosto gravouse en Rose Hill (Carolina do Norte). O elenco e o equipo principiaron a chegar a Florida o 1 de outubro, para filmar escenas en Dania Beach e no sur do estado. A primeiros dese mes filmáronse escenas nunha réplica do restaurante de Malibú Neptune's Net, e a rodaxe tivo lugar en Villa Vizcaya. Durante o día filmáronse escenas en Miami Beach o 10 e o 11. A produción volveu a Wilmington a mediados de mes para rodaxe adicional. O 1 de novembro, filmáronse máis escenas en Vila Vizcaya. A rodaxe nos Estados Unidos rematou o 7 de novembro en Wilmington.

O 10 de decembro comezouse a filmar en Beijing, aínda que non cos intérpretes nin o equipo habitual. Tamén se gravou en Hyderabad e Bangalore entre o 20 e 24 de xaneiro. Na semana do 23 de xaneiro gravouse no TCL Chinese Theatre en Hollywood.

Posprodución editar

Chris Townsend serviu como supervisor de efectos visuais para a película, que contou con máis de 2.000 secuencias de efectos visuais e nos que traballaron 17 estudios, entre eles Weta Digital, Digital Domain, Scanline VFX, Trixter, Framestore, Luma Pictures, Fuel VFX, Cantina Creative, Cinesite, The Embassy Visual Effects, Lola, Capital T, Prologue e Rise FX. 

Filmáronse un total de tres horas e 15 minutos antes da edición, recortándose ata chegar os 130 minutos (119 sen os créditos), a película de maior duración da serie.Na posprodución tamén se realizou unha conversión 3D e unha versión dixital remasterizada para a estrea IMAX. Todd-AO mesturou o son en Dolby Atmos para mellorar a experiencia de inmersión de son.

Estrea editar

 
Nenos coa carauta de Iron Man á espera de ver os actores entrar no cinema na estrea do filme en París

Walt Disney Studios Motion Pictures distribuíu o filme, salvante a China, onde tiña os dereitos DMG Enertrainment, e en Alemaña e Austria Tele München. A versión chinesa do filme ofrece a maiores imaxes realizadas exclusivamente para a audiencia chinesa, aumentando a súa duración en catro minutos.

A estrea foi no Gran Rex de París o 14 de abril de 2013, coa presenza de Robert Downey Jr. e Gwyneth Paltrow. No Reino Unido ía estrearse o 17 de abril mais pola morte da ex-primeira ministra Margaret Thatcher atrasouse ao día seguinte. Downey, Ben Kingsley e Rebecca Hall estiveron presentes no avance no londiniense Odeon Leicester Square. El Capitan Theatre dos Ánxeles acolleu a estrea estadounidense o 24 de abril. Entre o 22 e o 24 de abril estreouse en 46 países e nos Estados Unidos a estrea comercial foi unha semana máis tarde chegando ás 4.253 salas. As proxeccións en IMAX principiaron internacionalmente o 25 de abril de 2013 e 3 de maio nos Estados Unidos. O filme amosouse no formato 4DX nalgúns países seleccionados. 

Recepción editar

Recadación editar

Iron Man 3 ingresou 409.000.000 de dólares en Norteamérica e 805.800.000 no resto do mundo, cun total de 1.200.000.000 $, superando a ambas as dúas entregas anteriores combinadas. Converteuse internacionalmente no quinto filme con maior recadación, o segundo de 2013, e a terceira entrega de todos os tempos. Paramount Pictures recibiu o 9% da recadación xerada por Iron Man 3. Deadline.com calculou o beneficio neto en 391.800.000 de dólares, logo de descontar todos os gastos e taxas do filme.

Norteamérica editar

Iron Man 3 converteuse no 13º filme con maior recadación, o segundo de 2013[18] e o cuarto filme baseado en banda deseñada e en superheroes[19][20]. Na súa estrea fixo 68.900.000$ (incluíndo $15.600.000 do xoves pola noite)[21], a sétima recadación dun día de estrea[22]. Na súa primeira fin de semana logrou 174.100.000, a cuarta mellor fin de semana de todos os tempos (tras de Jurassic World, The Avengers e Avengers: Age of Ultron). Do público desa primeira fin de semana, o 55% tiñan máis de 25 anos, o 61% eran homes e só o 45% da recadación viña de salas 3-D. En IMAX recadouse na primeira fin de semana 16.500.000 [23].

Resto do mundo editar

Iron Man 3 quedou como o quinto filme con maior recadación, e o segundo de 2013. A película recadou 13.200.000 dólares na súa estrea (mércores, 24 de abril de 2013) en 12 países, e ata o domingo 28 de abril fixo 198.400.000 en 42 países, incluíndo 7.100.000 das salas IMAX. Houbo mellores recadacións nun día de estrea en Filipinas, Taiwán, Singapur, Vietnam, Malaisia, a China, Ucraína, Rusia e CIS, e dun único día e estrea en Tailandia e Suráfrica, así como dun único día en Hong Kong. Foi a segunda mellor estrea na Arxentina (só por detrás de Harry Potter e as reliquias da morte – Parte 2). A película tivo récords de fin de semana de estrea na rexión Asia-Pacífico e América latina, e en países individuais, como Arxentina, Ecuador, Hong Kong, Indonesia, Vietnam, Taiwán, Filipinas, Malaisia, Singapur, Tailandia, Suráfrica e os Emiratos Árabes Unidos. Tamén alcanzou a segunda mellor fin de semana de apertura en México, Brasil e Rusia mais CEI. Na India tivo  a segunda mellor fin de semana de estrea para unha película de Hollywood despois de The Amazing Spider-Man. En IMAX houbo récords de fin de semana en Taiwán, Países Baixos, o Brasil e Filipinas. Converteuse no filme con mellor recadación en Indonesia, Malaisia e Vietnam e o segundo filme en Singapur e Filipinas (tras Os Vingadores) e liderou a recadación de fin de semana fóra de América do Norte tres veces consecutivas.

Na China, onde tivo lugar parte da produción tivo os mellores rexistros nun único día e de estrea con 21.500.000 millóns e na fin de semana logrou 64.100.000, o que fixo da China a mellor estrea, seguido de 23.100.000 en Rusia e CIS e o Reino Unido, Irlanda e Malta con 21.200.000. Cunha recadación total de 124.000.000 foi a mellor recadación do cine estadounidense na China de 2013, o segundo mellor mercado logo de Norteamérica, e por diante de Corea do Sur (64.200.000) e o Reino Unido, Irlanda e Malta (57.100.000).

Críticas editar

En Rotten Tomatoes logrou un 79% de aprobación cunha media de 7/10, baseado en 292 críticas. O consenso do sitio é que "coa axuda do seu carismático guía, algunhas impresionante secuencias de acción, e mesmo algunhas sorpresas, Iron Man 3 é unha aventura enxeñosa, divertida e un importante aumento ao canon Marvel"[24]. Metacritic deulle unha puntuación de 62 de 100, con base no 44 críticas, indicando "boas críticas"[25].

Notas editar

  1. ↑ 1,0 1,1 "2013 Feature Film Study" (PDF). The Hollywood Reporter. FilmL.A. Inc. p. 11. Arquivado dende o orixinal (PDF) o 21 de abril de 2018. Consultado o 2 de xaneiro de 2017. 
  2. ↑ "Iron Man 3 (2013)". Box Office Mojo. 
  3. ↑ Como parte do acordo de transferencia dos dereitos de distribución de The Avengers e Iron Man 3 de Paramount Pictures a Walt Disney Studios("Why Par, not Disney, gets 'Avengers' credit, Variety", 11 de outubro de 2011), o logo de Paramount aparece ao comezo da película e nos materiais promocionais pero o distribuidor é Walt Disney Studios Motion Pictures tal como aparece ao final do filme.
  4. ↑ "Disney to Distribute ‘Iron Man 3,’ ‘Avengers'; Sets Release Dates (Updated)" The Wrap, 3 de setembro de 2012.
  5. ↑ "'Iron Man 3' to come to theaters in 2013". Entertainment Weekly, 3 de setembro de 2012.
  6. ↑ Sneider, Jeff. "No Favreau? 10 Directors Who Could Take Over 'Iron Man 3'". The Wrap', 14 de decembro de 2010.
  7. ↑ Finke, Nikki; Fleming, Mike "Shane Black To Direct Marvel's 'Iron Man 3'". Deadline.com, 17 de febreiro de 2011
  8. ↑ Fleming, Mike. "Marvel Taps Its 'Runaways' Scribe Drew Pearce To Write 'Iron Man 3' Script". Deadline.com., 31 de marzo de 2011
  9. ↑ Kit, Borys "Ben Kingsley in Talks to Join 'Iron Man 3'". The Hollywood Reporter, 9 de abril de 2012
  10. ↑ Coonan, Clifford "'Iron Man 3' to be a Chinese co-production". Variety, 16 de abril de 2012
  11. ↑ "Guy Pearce Joining ‘Iron Man 3’ as ‘Extremis’ Geneticist", Screenrat Arquivado 13 de setembro de 2017 en Wayback Machine., 20 de abril de 2012
  12. ↑ "Andy Lau Turns Down Iron Man 3" Cinemablend, 3 de setembro de 2012
  13. ↑ Shuai, Liu. "Wang Xueqi Confirmed for 'Iron Man 3'". Chinesefilms.cn Arquivado 07 de setembro de 2012 en Wayback Machine., 3 de setembro de 2012
  14. ↑ Kit, Borys. "Rebecca Hall in Talks to Join 'Iron Man 3'". The Hollywood Reporter, 8 de maio de 2012
  15. ↑ Foss, Cassie. "Casting calls set up for 'Caged Heat' film". Star-News, 12 de abril de 2012
  16. ↑ "John Toll Chooses ARRI Alexa to Shoot Iron Man 3". Creative Planet, 14 de maio de 2013
  17. ↑ "‘Iron Man 3’ set in Cary, N.C. includes a Christmas Tree". OLV Arquivado 13 de setembro de 2017 en Wayback Machine., 5 de xuño de 2012
  18. ↑ 2013 Yearly Box Office Results, Box Office Mojo
  19. ↑ "Comic Book Adaptation". Box Office Mojo. Consultado o 25 de maio de 2013. 
  20. ↑ "Superhero". Box Office Mojo. Consultado o 25 de maio de 2013. 
  21. ↑ Subers, Ray (3 de maio de 2013). "Forecast: 'Iron Man 3' in Line for One of the Biggest Openings Ever". Box Office Mojo. 
  22. ↑ "Opening Day Records at the Box Office". Box Office Mojo. Consultado o 8 de maio de 2013. 
  23. ↑ Subers, Ray (5 de maio de 2013). "Weekend Report: 'Iron Man 3' Takes Off with Second-Highest Opening Ever". Box Office Mojo. Arquivado dende o orixinal o 08 de maio de 2013. Consultado o 8 de maio de 2013. 
  24. ↑ "Iron Man 3". Rotten Tomatoes. 
  25. ↑ "Iron Man 3". Metacritic. 

Véxase tamén editar

Ligazóns externas editar

Traído desde «https://gl.wikipedia.org/w/index.php?title=Iron_Man_3&oldid=6582918»