Noitevella
A Noitevella é a derradeira noite do ano, entre o 31 de decembro e o 1 de xaneiro (día de Aninovo).
Historia e característicasEditar
Son innumerables as tradicións e as supersticións que se manifestan por todo o mundo en relación a esa noite. En España, a máis coñecida é a das doce uvas[1], que consiste en tomar unha uva por cada unha das doce badaladas que marcan a fin de ano. Máis recente é a moda de levar roupa interior vermella: bragas, calzóns, unha liga etc.
En Colombia tamén se adoptou a tradición das doce uvas, especialmente na rexión andina do país. A diferenza de España, a roupa interior a levar debe ser de cor amarela.
En Chile a tradición consiste en comer lentellas no momento que dan as doce da noite, e en certos lugares, cando comezan os fogos artificiais.
Na maioría dos países, con todo, o costume máis estendido é brindar con champaña á medianoite.
Os primeiros en entrar no novo ano son os habitantes das illas da Liña, en Kiribati.
NotasEditar
- ↑ A tradición das 12 uvas Arquivado 14 de decembro de 2012 en Wayback Machine. (en castelán)
Véxase taménEditar
Wikimedia Commons ten máis contidos multimedia na categoría: Noitevella  |