Indalecio Tizón Reboreda

avogado e agrarista galego

Indalecio Tizón Reboreda, nado en Vigo en agosto de 1893 e finado na mesma cidade o 9 de outubro de 1973,[1] foi un aparellador e agrarista galego.

Indalecio Tizón Reboreda
Nacementoagosto de 1893
 Vigo
Falecemento9 de outubro de 1973
 Vigo
NacionalidadeEspaña
Ocupaciónaparellador
PaiIndalecio Tizón Rodríguez
NaiAmalia Reboreda Vázquez
FillosIndalecio Tizón Covelo
editar datos en Wikidata ]

TraxectoriaEditar

Fillo de Indalecio Tizón Rodríguez e Amalia Reboreda Vázquez. Titulado como perito industrial e aparellador pola Escola Industrial de Vigo en 1920. Foi redactor de Faro de Vigo en 1913. Empezou a súa actividade como funcionario de escribinte do Concello de Lavadores en 1915 e en xaneiro de 1924 foi secretario particular do alcalde de Vigo Adolfo Gregorio Espino. Foi encargado da sección de acción social e logo presidente do Sindicato de Agricultores de Teis (1923), redactor de El Pueblo Gallego, colaborou en El Campesino e Galicia Social. Aprobou as oposicións en 1929 e foi secretario do concello de Navas de Estena (Cidade Real), Cabrera de Igualada (Barcelona) e Villavendimio. Presentouse ás eleccións xerais de 1933 na candidatura agraria independente do Sindicato de Agricultores de Teis.[2] Foi secretario do concello de Teis no breve período da súa existencia en 1936. Logo do golpe de Estado do 18 de xullo de 1936 sufriu expediente de depuración, que foi sobresido. Oficial do concello de Vigo, chegou a oficial maior en 1950. Foi xefe do servizo de montes dende 1957, sendo quen repoboou as illas Cíes e plantou os piñeiros na praia de Samil. En 1952 foi nomeado secretario de San Cristóbal de la Polantera (León).[3] Xubilouse en 1963. Foi condecorado coa cruz de cabaleiro da Orde civil do mérito agrícola en 1959.[4] Asemade foi profesor de Agricultura na Escola de Artes e Oficios e aparellador de varios concellos.

Vida persoalEditar

Casou con María Covelo Raimúndez e foi pai de Indalecio Tizón Covelo. Ao pasamento da súa muller, casou en segundas nupcias con Hermitas Raimúndez Pérez.

NotasEditar

  1. Necrolóxica en Faro de Vigo, 10-10-1973, p. 30.
  2. El Pueblo Gallego, 18-11-1933, p. 12.
  3. Boletín Oficial de la Provincia de Santander, 6-8-1952, p. 3.
  4. Noticia en ABC

Véxase taménEditar

BibliografíaEditar

  • González Martín, Gerardo (20-12-1997). "Indalecio Tizón, artífice de la repoblación forestal y secretario de varios alcaldes". Faro de Vigo: 10.