Hans Sloane

Hans Sloane, nado en Killyleagh, reino de Irlanda, o 16 de abril de 1660 e finado en Chelsea, Gran Londres, Inglaterra, o 11 de xaneiro de 1753 foi un médico e naturalista irlandés, de orixe escocesa e británica. No 1727 sucedeu a Isaac Newton na presidencia da Royal Society, cargo que mantivo até o 1741.

Sir
Hans Sloane

Biografía
Nacemento	16 de abril de 1660 Killyleagh (Reino de Irlanda)
Morte	11 de xaneiro de 1753 (92 anos) Chelsea (Reino de Gran Bretaña)
Lugar de sepultura	Chelsea Old Church (en)
13º Presidente da Royal Society
1727 – 1741 ← Isaac Newton – Martin Folkes (pt)  →
Datos persoais
País de nacionalidade	Reino de Gran Bretaña Reino Unido
Actividade
Campo de traballo	Medicina, Fisioloxía e botánica
Ocupación	médico , numismático , naturalista , coleccionista , explorador , ornitólogo , zoólogo , botánico , entomólogo
Empregador	Museo Británico
Membro de	Academia de Ciências de Göttingen (pt) (1752–) Academia francesa das ciencias (1709–) Royal Society (1685–) Academia Prusiana das Ciencias Academia das Ciencias de San Petersburgo Academia de Ciencias de Rusia
Lingua	Lingua inglesa
Obra
Abreviación dun autor en botánica	Sloane
Outro
Título	Baronete (pt) (1716–)
Cónxuxe	Elizabeth Langley (1695–)
Fillos	Hans Sloane (en) , Sarah Sloane (en) , Mary Sloane (en) , Elizabeth Sloane (en)
Pais	Alexander Sloane (en)   e Sarah Hicks (en)

Legou ao rei Xurxo II de Gran Bretaña a súa colección de plantas e outros artefactos (recollidos principalmente durante a súa viaxe a Madeira, Barbados, S. Kitts e Nevis e Xamaica), que constituíron o núcleo do que se converteu no Museo Británico de Londres. Tamén parece ser o inventor do chocolate quente e a praza de Sloane Square (Kensington e Chelsea) está dedicada a el.

Traxectoria

Naceu en Killyleagh, condado de Down, Irlanda do Norte, onde o seu pai dirixía a colonia de escoceses enviada á illa polo rei Xacobe VI de Escocia e I de Inglaterra. Dende moi novo amosou a súa paixón polo coleccionismo con especial atención a obxectos curiosos e insólitos. De maior, esta tendencia levouno a interesarse pola medicina e por iso trasladouse a Londres onde comezou a estudar botánica e farmacia. As súas notábeis coleccións foron importantes temas de estudo para o naturalista John Ray e para o gran químico e físico Robert Boyle.

Ilustración de aparellos á recensión do primeiro volume de A voyage to the islands Madera, Barbados, Nieves, S. Christophers and Jamaica (Unha viaxe ás illas Madeira, Barbados, S. Christophers e Nevis e Xamaica) publicado no Acta Eruditorum de 1710.

En 1683 Sloane emprendeu unha longa viaxe a Francia para continuar os seus estudos de medicina e botánica e onde se licenciou en 1684, onde coñeceu a algúns dos botánicos máis importantes da época, como Joseph Pitton de Tournefort e Pierre Magnol. Sloane quedou fascinado pola continua investigación destes dous botánicos de novas especies vexetais, e converteuno nun auténtico método de estudo. En 1685 volveu a Inglaterra, onde se converteu en membro da recentemente formada Royal Society, e así puido entrar en contacto co médico Thomas Sydenham, que o converteu no seu alumno. En 1687 converteuse en membro do Royal College of Physicians e aceptou unha oferta para acompañar ao barón Lansdowne na súa expedición a Xamaica, despois de publicar The Natural History of Jamaica en 1707. Antes de marchar Sloane recibiu tanto do seu amigo Ray como de Robert Boyle a tarefa de recoller o maior número de mostras de estudo posibles, e durante o traxecto de tres meses dedicouse ao estudo da fosforescencia da auga do mar (ardora) e dos hábitos migratorios das aves acuáticas. As publicacións de Sloane foron ilustradas polo pintor e naturalista Eleazar Albin.

Véxase tamén

• Wikisource contén unha páxina en lingua inglesa dedicada a Hans Sloane
• Wikispecies contén información sobre Hans Sloane

Outros artigos

• Naturalismo
• Ilustración científica

Ligazóns externas

• The Natural History Museum, London About Hans Sloane (1660-1753)^{[Ligazón morta]}

---

Este artigo sobre bioloxía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---