Guillerme II de Orange-Nassau

Non confundir con Guillerme II dos Países Baixos.

Para outras páxinas con títulos homónimos véxase: Guillerme de Orange.

Guillerme II de Orange-Nassau, príncipe de Orange, nado na Haia o 27 de maio de 1626 e finado na mesma cidade surholandesa o 6 de novembro de 1650, foi estatúder das Provincias Unidas (Holanda, Zelandia, Utrecht, Güeldres, Overijssel, Groninga e Drenthe) do 14 de marzo de 1647 ata a súa morte.

Guillerme II de Orange-Nassau

Biografía
Nacemento	27 de maio de 1626 A Haia, Países Baixos
Morte	6 de novembro de 1650 (24 anos) A Haia, Países Baixos
Causa da morte	Varíola
Lugar de sepultura	Igrexa nova de Delft
Príncipe de Orange
14 de maio de 1647 – 6 de novembro de 1650 ← Frederico Henrique de Orange-Nassau – Guillerme III de Inglaterra →
Estatúder
14 de marzo de 1647 – 6 de novembro de 1650 ← Frederico Henrique de Orange-Nassau – De facto →
Datos persoais
Relixión	Calvinismo
Actividade
Campo de traballo	Política
Lugar de traballo	A Haia (1647–1650)
Ocupación	político, aristócrata
Profesores	Jan Jansz de Jonge Stampioen (pt)
Carreira militar
Rango militar	Xeneral
Outro
Título	Príncipe de Orange
Familia	Casa de Orange-Nassau
Cónxuxe	Maria Henrietta Stuart (1641–1650), morte da persoa
Fillos	Guillerme III de Inglaterra
Pais	Frederico Henrique de Orange-Nassau   e Amália de Solms-Braunfels
Irmáns	Isabella Charlotte de Nassau Henriëtte Amalia de Nassau Henriqueta Catarina de Orange-Nassau Luísa Henriqueta de Orange-Nassau Alexandra de Orange-Nassau Albertina Inês de Orange-Nassau Maria de Orange-Nassau Frederick Nassau de Zuylestein Hendrik Lodewijk de Nassau
Parentes	Frederico Guilherme I de Brandemburgo, cuñado
Premios
Orde da Xarreteira
Descrito pola fonte	Allgemeine Deutsche Biographie (pt) Dicionario Enciclopédico Brockhaus e Efron Encyclopædia Britannica

Familia

Fillo do estatúder Frederico Henrique de Orange-Nassau e de Amalia von Solms-Braundels, tivo como preceptores os matemáticos Jan Stampionen e Christian Huygens.

O 2 de maio de 1641, na capela real do pazo de Whitehall, en Londres, Guillerme casou con María Henriqueta Estuardo, princesa real, a filla máis vella do rei Carlos I de Inglaterra e de Henriqueta María de Francia.

Dese matrimonio naceu Guillerme, futuro rei de Inglaterra, oito días despois da morte do seu pai.

Traxectoria

En 1648, Guillerme II de Orange-Nassau opúxose ao tratado de Münster, malia o recoñecemento que este facía da independencia das Provincias Unidas. Secretamente, Guillerme abriu negociacións con Francia co obxectivo de compartir con ese país os Países Baixos católicos, aínda que non puido chegar a levar isto á práctica. Ademais, Guillerme traballou para a restauración do seu sogro Carlos I no trono de Inglaterra.

En 1650, viuse involucrado nunha disputa entre a provincia de Holanda e os poderosos comerciantes.

Guillerme II de Orange-Nassau opúxose á redución do seu exército que diminuíu o seu poder, seguida dun gran número de encarceraientos de membros da asemblea provincial, que foron recluídos no castelo de Loevestein. Enviou o seu curmán Guillerme Frederico de Nassau-Dietz ao mando dun exército de dez mil homes para se apoderar de Ámsterdam pola forza, aínda que o mal tempo frustrou o éxito desta campaña.

Durante o seu período viviu a independencia das Provincias Unidas, recoñecida por Europa en 1648 polos tratados de Westfalia. Logo de tres anos de goberno, Guillerme morreu de varíola o 6 de novembro de 1650. Á súa morte, o cargo de estatúder quedou vacante e confióuselle ao gran pensionario Johan de Witt.

Guillerme II de Orange-Nassau, pertenceu á segunda rama da Casa de Nassau, procedente da liñaxe Nassau-Dillenbourg, pertencente á liña otoniana da que saíron varios estatúders e un rei de Inglaterra e de Escocia. Esta rama de Orange-Nassau extinguiuse en 1702.

Títulos

• Stadhouder de Holanda, Zeeland, Utrecht, Güeldres e Overijssel.
• Marqués de Veere e Vlissingen.
• Conde de Nassau-Dillenburg, Buren, Leerdam, Katzenelnbogen e Vianden.
• Vizconde de Anveres.
• Barón de Aggeris, Breda, Cranendonck, Cuijk, Dasburg, Eindhoven, Grave, De Lek, IJsselstein, Diest, Grimbergen, Herstal, Warneton, Beilstein, Bentheim-Lingen, Moers, Arlay e Nozeroy.
• Señor de Dasburg, Geertruidenberg, Hooge en Lage Zwaluwe, Klundert, Montfort, Naaldwijk, Niervaart, Polanen, Steenbergen, Sint-Maartensdijk, Turnhout, Willemstad, Zevenbergen, Bütgenbach, Saint-Vith e Besançon

Imaxes

• 
  Retrato conmemorativo do desposorio de Guillerme e María, por Anton van Dyck (1640)
• 
  Medalla de 1641 conmemorativa do seu casamento con María Estuardo
• 
  Guillerme II de Orange-Nassau e a súa muller Henriqueta María Estuardo en 1647
• 
  Guillerme II nun gravado de 1642
• 
  Busto de mármore de Guillerme II, obra de Steffen Heilfort

Véxase tamén

Outros artigos

• Guillerme I de Orange-Nassau
• Guillerme III de Orange-Nassau
• Frederico Henrique de Orange-Nassau
• Provincias Unidas
• Países Baixos españois
• Guerra de Flandres

Bibliografía

• Herbert H. Rowen. The Princes of Orange: The Stadholders in the Dutch Republic. Cambridge, Cambridge University Press, 1988. [ISBN 978-0-52134-525-5] (en inglés)
• Israel, Jonathan I. The Dutch Republic: Its Rise, Greatness, and Fall 1477-1806, 1998. [ISBN 978-0-19820-734-4] (en inglés)