Provincia de Groninga

Para a cidade véxase: Groninga.

Groninga (en neerlandés, Groningen, e en baixo saxón, Grunnen) é unha das doce provincias que conforman o Reino dos Países Baixos. Do mesmo xeito que as demais provincias, está gobernada por un comisario designado polo monarca e unha cámara lexislativa elixida mediante sufraxio universal. A capital é a cidade de Groninga. Limita coas provincias de Drenthe e Frisia, o Estado federado alemán de Baixa Saxonia e o mar de Wadden.

Groninga
Groningen Grunnen
Bandeira Escudo
Himno: Grönnens Laid
Estado	Países Baixos
Capital	Groninga
• Poboación	184 675 (2008)
Lingua oficial	Neerlandés
Forma de goberno	Provincie
Comisario da Raíña	René Paas (CDA)
Superficie	Posto 7º
• Total	2.960,03 km²
• % auga	21,2
Poboación	Posto 9º
• Total	574.481 hab.
• Densidade	246 hab./km²
Fuso horario	UTC+1
• Horario de verán	UTC+2
Dominio de Internet	.nl
Código ISO	NL-GR
Páxina Web Oficial

As fontes de ingresos predominantes son a agricultura e a extracción de gas natural, principalmente na vila de Slochteren. A extracción ás veces causa pequenos tremores de terra. E tamén coñecida como Stad en Ommelanden, que siginifica "cidade e terras circundantes". Algúns groningueses falan dialectos do baixo saxón.