Festival RTP da Canção
O Festival RTP da Canção é un concurso feito pola Rádio e Televisão de Portugal dende 1964, co obxectivo de seleccionar unha canción para o Festival de Eurovisión.
O festival celebrouse tódolos anos dende 1964, excepto no 2002 e no 2013, anos nos que Portugal non participou no certame de Eurovisión.[1]
Historia
editarO Grande Prémio TV da Canção Portuguesa tivo a súa estrea a noite do 2 de febreiro do 1964. O obxectivo era escoller, por primeira vez, o candidato de Portugal ao Festival de Eurovisión. A final contou con 12 cancións, das 127 cancións que se presentaran, defendidas por António Calvário, Artur Garcia, Madalena Iglésias, Simone de Oliveira, Gina María e Guilherme Kjolner.
A designación inicial do concurso mantívose até 1975. En 1976 chamouse Uma Canção Para A Europa e en 1977 foi o ano de As Sete Canções. En 1978 adoptou o nome Uma Canção Portuguesa. A partir de 1979, o nome do certame fixouse en Festival RTP da Canção, designación que dura até a actualidade.
Gañadores
editarFestival RTP da Canção Júnior
editarNos anos nos que Portugal participou no Festival de Eurovisión Júnior (2006 e 2007), houbo unha edición do mítico festival portugues para elixir representante infantil.
Gañadores
editar| Ano | Canción | Artista | Posto no Festival de Eurovisión Júnior |
|---|---|---|---|
| 2006 | "Deixa-me sentir" | Pedro Madeira | 14º |
| 2007 | "Só quero é cantar" | Jorge Leiria | 16º |
Notas
editar- ↑ 20 minutos (ed.). "Portugal abandona Eurovisión, presuntamente por la crisis". Consultado o 11 de agosto de 2015.