Mozzarella
Mozzarella[1] (do verbo italiano: mozzare, "cortar") é un produto orixinario da cociña italiana, elaborado con leite de búfala, na súa orixe, pero que agora se fai tamén con leite fresco de vaca ou de ovella. Existe unha variante deste queixo en Dinamarca, pero a tradición italiana é máis antiga, a cidade de orixe deste queixo foi Aversa (Caserta), na Arxentina prepárase a muzarela principalmente con leite de ovella. A denominación de orixe con protección europea é a Mozzarella dei Bufala Campá, ao non solicitar Italia a protección do nome «mozzarella». O queixo DOP prodúcese nas provincias de Caserta e Salerno e nalgúns municipios das provincias de Nápoles, Benevento, Latina e Foggia.
| Valor nutricional por 100 g | |
|---|---|
| Enerxía | 300 kcal (1 300 kJ) |
2.2 g | |
| Azucres | 1 g |
22.4 g | |
| Saturadas | 13.2 g |
| Monoinsaturadas | 6.6 g |
22.2 g | |
| Minerais | Cantidade %DV† |
| Calcio | 51% 505 mg |
| Fósforo | 51% 354 mg |
| Sodio | 42% 627 mg |
| Outros constituíntes | Cantidade |
| Auga | 50 g |
| |
| †As porcentaxes son aproximadas empregando a recomendación de US para os adultos. Fonte: Base de datos USDA Nutrient | |
Usos editar
Este queixo fibroso é moi empregado para a fabricación de pizzas, cando esta case seco e en ensaladas , cando é fresco.
Fabricación tradicional editar
Como a case todos os queixos, ao leite fresco extráeselle o soro por medio do callo e as bacterias acedo-lácticas, quedando só o que se denomina como callada: os sólidos do leite; a callada, acidificada previamente e cortada en cubiños, colócase nunha grande pota con auga a máis de 60 °C, de tal xeito que todos os cubos separados da callada vólvense unir por efecto da temperatura e a acidez axeitada. A aparencia desta masa quente é a dunha xigantesca goma de mascar brillante, capaz de estirarse un par de metros cando está listo. Entón fórmanse as famosas bólas de queixo mozzarella, estirando a masa e fiándoa ata formar un ovillo do tamaño conveniente que adoita ser do tamaño dun puño e de forma semellante ao dunha pera. Artesanalmente é un traballo moi fatigoso debido á alta temperatura de traballo coas mans. Finalmente as bólas de queixo son mergulladas nunha salmoira fría que por unha banda evitará que o queixo perda soro pola calor, póndolle fin á acidificación por bacterias ao arrefrialo, e por outra terminará de agregarlle o tenor de sal ideal do queixo mozzarella.
Fabricación industrial editar
Ao preparado do leite engádeselle un cultivo de bacterias purificado que cumpre diversas funcións estruturais e organolépticas. Na fabricación artesanal interveñen as bacterias do ambiente que se cultivan no leite durante o proceso. A engádega dos cultivos bacterianos purificados logra un queixo de sabor estándar. Na fabricación industrial interveñen máquinas que se encargan de fiar a masa da mozzarella, aliviando as mans dos mestres queixeiros.
Variantes editar
Receitas onde se pode empregar editar
Notas editar
- ↑ Dicionario de alimentación e restauración, VV. AA. (2012) Santiago de Compostela, Termigal. Xunta de Galicia. Real Academia Galega
Véxase tamén editar
Outros artigos editar
Ligazóns externas editar
- Mozzarella di Bufala Campana - Páxina web oficial da DOP