Abrir o menú principal

No contexto da nutrición, un mineral é un elemento químico requirido polos organismos como un nutriente esencial para realizar as funcións necesarias para a vida.[1][2] Porén, os catro elementos estruturais principais no corpo humano por peso (osíxeno, hidróxeno, carbono e nitróxeno), polo xeral non se inclúen nas listas dos principais nutrientes minerais (o nitróxeno considérase un "mineral" para as plantas, xa que a miúdo inclúese en fertilizantes). Estes catro elementos compoñen aproximadamente o 96% do peso do corpo humano, e os minerais principais (macrominerais) e os minerais menores (tamén chamados elementos traza) compoñen o resto.

Os minerais, como elementos, non poden ser sintetizados bioquímicamente por organismos vivos.[3] As plantas obteñen minerais do chan.[3] A maioría dos minerais nunha dieta humana proveñen de comer plantas e animais ou de beber auga.[3] Como grupo, os minerais son un dos catro grupos de nutrientes esenciais, sendo os outros as vitaminas, os ácidos graxos esenciais e aminoácidos esenciais.[4] Os cinco minerais principais no corpo humano son calcio, fósforo, potasio, sodio e magnesio.[1] Todos os elementos restantes nun corpo humano chámanse "elementos traza". Os oligoelementos que teñen unha función bioquímica específica no corpo humano son xofre, ferro, cloro, cobalto, cobre, cinc, manganeso, molibdeno, iodo e selenio.[5]

NotasEditar

  1. 1,0 1,1 Berdanier; Dwyer; Heber. Handbook of Nutrition and Food (3rd ed.). CRC Press. ISBN 978-1-4665-0572-8. 
  2. "Minerals". MedlinePlus, National Library of Medicine, US National Institutes of Health. 22 de decembro de 2016. Consultado o 24 de decembro de 2016. 
  3. 3,0 3,1 3,2 "Minerals". Micronutrient Information Center, Linus Pauling Institute, Oregon State University, Corvallis, OR. 2016. 
  4. "Vitamin and mineral supplement fact sheets". Office of Dietary Supplements, US National Institutes of Health, Bethesda, MD. 2016. Consultado o 19 de decembro de 2016. 
  5. Berdanier; Dwyer; Heber. Handbook of Nutrition and Food, Third Edition. CRC Press. ISBN 978-1-4665-0572-8.