Gabriele Falloppio
Gabriele Falloppio, nado en Módena en 1523 e finado en Padua o 9 de outubro de 1562, foi un naturalista, botánico, anatomista e cirurxián italiano, considerado un dos anatomistas e médicos máis importantes do seu tempo.
  | |
| Biografía | |
|---|---|
| Nacemento | 1523 Módena |
| Morte | 9 de outubro de 1562 (38/39 anos) Padua |
| Datos persoais | |
| Relixión | Igrexa católica |
| Educación | Universidade de Ferrara (pt)  Universidade de Padua |
| Director de tese | Antonio Musa Brasavola (pt) e Realdo Colombo (pt) |
| Actividade | |
| Campo de traballo | Anatomía |
| Ocupación | cirurxián , botánico , biólogo , naturalista , anatomista , profesor universitario , médico , sacerdote católico |
| Empregador | Universidade de Padua Universidade de Ferrara (pt) |
| Profesores | Realdo Colombo (pt) , Giovanni Battista da Monte (pt) e Antonio Musa Brasavola (pt) |
| Alumnos | Girolamo Fabrizi d'Acquapendente, Marcello Capra (pt) , Antonio Minutoli e Volcher Coiter (pt) |
| Lingua | Lingua latina |
| Obra | |
Obras destacables
| |
Traxectoria editar
Gabriele Falloppio estudou medicina na Universidade de Ferrara. A súa foi a época dourada da anatomía [1], pasando dun saber de base a unha disciplina autónoma, co seu propio programa de desenvolvemento [2], as diseccións eran cada volta máis frecuentes seguindo técnicas rigorosas [1]. Entre os contemporáneos de Falloppio atópanse grandes anatomistas como Vesalio, Eustaquio ou Realdo Colombo, a quen sucedeu en Padua.
Ensinou anatomía e cirurxía na Universidade de Ferrara, despois en Pisa (1548) e finalmente a partir de 1551 en Padua, onde foi capaz de disecar ata 7 cadáveres ao ano, algo pouco frecuente na época [3] .
Tamén ensinou botánica na primeira cátedra de farmacognosia fundada en Europa, que foi a de Padua (1533), converténdose no seu segundo titular ao suceder a Francesco Bonafede [4] .
Obra editar
Falloppio foi o primeiro en esclarecer a anatomía do embrión humano, demostrando a ausencia da vesícula alantoide (que só existe en aves e réptiles) [5].Tamén realizou unha descrición da dentición primaria e da súa substitución pola secundaria, cun tecido diferente ao óseo[6]. Así e todo os traballos de Falloppio centráronse fundamentalmente na anatomía dos nervios craniais e no sistema reprodutor feminino.
Sistema nervioso editar
Falloppio corrixiu e concretou a anatomía do ollo realizada por Vesalius, localizando a posición do cristalino e do corpo ciliar, e recoñeceu a orixe dos nervios ópticos preto dos colículos. Describiu detalladamente o tímpano e a súa relación co anel óseo no que se sitúa, así como as estruturas do oído medio e do oído interno; tamén describiu correctamente o curso do nervio auditivo; do mesmo xeito, describiu o nervio facial, o nervio glosofarínxeo e os núcleos do nervio trixémico [7]. Distinguiu o plexo cardíaco, pero estivo equivocado ao ligar o nervio vago co tronco simpático [5].
Aparello xenital feminino editar
Notou a analoxía estrutural entre o clítoris e o pene, recoñecendo que o pene non penetra no útero durante o coito. Deulle o seu nome a un dos seus descubrimentos, as tubas uterinas ou trompas de Falloppio. Así a todo, estes apéndices xa os coñecían escritores antigos, como Rufo de Efesio, aínda que caeron no esquecemento [3]
Propuxo a utilización do que se considera un preservativo [8], "vaíña de pano lixeiro, feito a medida, para protexerse de enfermidades venéreas", como a sífilis en De morbo gallico que se publicou logo da súa morte en 1564 tras testar a súa eficacia en 1.100 homes [9].
Libros editar
- De Metallis atque Fossilibus, 1557.
- Observationes anatomicae, Venecia, 1561
- Secreti diversi et miracolosi ne, Venecia, 1563
- De medicatis aquis atque de fossilibus, Venecia 1569
- De morbo gallico, Padoue 1563
- De partibus similaribus humani corporis, Nuremberg, 1575.
- De ulceribus, Venecia 1577
- Opera tam practica quam theorica, Venecia, 1584
- Opera omnia (1584; 1600; 1606).
Notas editar
- ↑ 1,0 1,1 M. Sakka (1997). Histoire de l'anatomie humaine. PUF. p. 78.
- ↑ V. Nutton (1985) Humanist surgery, Cambridge University Press, p. 81
- ↑ 3,0 3,1 N.F.J. Eloy, Dictionnaire historique de la médecine ancienne et moderne, t. 2, 1778, p. 193-196
- ↑ R. Palmer (1985) Pharmacy in the Republic of Venice in the Sixteenth Century, Cambridge University Press, p. 101
- ↑ 5,0 5,1 M.D. Grmek e R. Bernabeo (1997) La machine du corps, Seuil, p. 15
- ↑ José L. Fresquet "Gabrielle Falloppio (ca 1523-1562)" historiadelamedicina.org
- ↑ "Gabriel FALLOPE ( Fallopio ou Falloppio)". medarus.org.
- ↑ (en inglés)Searching for Dr Condom, BMJ, 2008;337:a1166
- ↑ Ole Daniel Enersen, "Gabriele Falloppio" Who Named It?