Cutián, San Xurxo de Sacos, Cerdedo-Cotobade

Para outras páxinas con títulos homónimos véxase: Cutián.

Cutián é un lugar da parroquia de San Xurxo de Sacos, no concello pontevedrés de Cerdedo-Cotobade. Segundo o IGE, en 2015 tiña 90 habitantes (45 homes e 45 mulleres), o que supón un descenso de 31 persoas respecto ó ano 2006. É o lugar máis habitado da parroquia.

Cutián
Parroquia	San Xurxo de Sacos
Concello	Cerdedo-Cotobade
Coordenadas	42°30′50″N 8°31′56″O
Poboación	90 hab. (2015)
[ editar datos en Wikidata ]

Patrimonio

Neste lugar está o petróglifo da Roda do Barral, cunha combinación circular da idade de bronce.

Tamén está aquí o cruceiro de San Martiño. A tradición conta que no seu lugar había unha igrexa parroquial, que abarcaría zonas da actual parroquia de Fragas (Campo Lameiro), ou un pequeno mosteiro ou priorato. Daquela construción teríase aproveitado a pedra para a fachada da igrexa parroquial de Fragas.

Tamén se conta do cruceiro que pouco antes da guerra civil española uns nenos romperon xogando un brazal, e que foi reparado por Américo Iglesias, veciño do lugar. Durante a guerra loitou na fronte de Teruel, regresando ileso, e morreu xa de vello á beira do cruceiro.

Ademais dese, está o cruceiro de Barral, posiblemente do século XVII, a xulgar pola feitura e por unha inscrición case ilexible.

Lugares e parroquias