Abrir o menú principal

Almofrei, Cerdedo-Cotobade

parroquia do concello de Cerdedo-Cotobade

Coordenadas: 42°26′05″N 08°32′57″O / 42.43472, -8.54917

Almofrei
Almofrei.jpg
Igrexa de San Lourenzo de Almofrei.
ConcelloCerdedo-Cotobade
Área2,5 km²
Poboación257 hab. (2017)
Densidade102,8 hab./km²
Entidades de poboación9

San Lourenzo de Almofrei é unha parroquia que se localiza no sur do concello de Cerdedo-Cotobade. Segundo o IGE en 2010 tiña 268 habitantes (136 homes e 132 mulleres), 8 menos ca en 2007. Dos 9 lugares da parroquia, 5 están habitados.

O topónimo ''Almofrei é de orixe xermánica, indicando o nome gótico latinizado do posesor Ermaufredus, seguramente altomedieval. O xenitivo Ermaufredi evolucionou a Almofrei, que dá nome á súa vez ó río Almofrei.

PatrimonioEditar

A igrexa parroquial, de estilo barroco, está no lugar da Arrotea. Ten planta de cruz latina, e na fachada está San Lourenzo nun fornelo cunha grella na man, baixo as dúas campás e unha espadana. No adro hai tres cruceiros. Tamén conta cun cemiterio.

Sobre o río Almofrei hai unha ponte do século XVI, construída en cantería foi apoiada sobre as propias pedras do río cun arco oxival de 7,70 metros de luz e máis de 10 de altura sobre o leito, era parte do camiño entre Almofrei e Mirón. Ao carón hai un muíño, o número 54 dende o nacemento do río, e único xa que posúe unha vivenda na parte superior e catro rodas en dúas alturas.

Galería de imaxesEditar

Lugares e parroquiasEditar

Véxase taménEditar