Cronoloxía de Dragon Ball

Esta páxina contén a cronoloxía de Dragon Ball, os casos detallados pola Toei Animation no 7º daizenshuu, a cronoloxía oficial de Akira Toriyama da Shonen Jump e do libro Dragon Ball GT Perfect File 1. Mentres que se dan algúns acontecementos e personaxes non canónicos ó manga (Garlick Jr., Cooler, Paikuhan, Dragon Ball GT etc.), outros, coma o resto de personaxes de películas e a súa historia, saltáronse. Descoñécese a partir de que evento importante no seu mundo se numeran os anos.

Antes de Dragon Ball

Hai aproximadamente 100 millóns de anos

Tense a primeira noticia da existencia do planeta de Kaiō que posteriormente sería destruído por Célula.

Hai aproximadamente 75 millóns de anos

Rō Kaiō Shin, o Kaiōshin de hai 15 xeracións, é encerrado na espada Z.

Hai aproximadamente 5 millóns de anos

O mago Bibidi crea o Máxico Boo. Tras isto, o diabólico ser aniquila centos de planetas nos anos seguintes. Ademais elimina dous dos 5 Kaiōshin. Ademais absorbe o Kaiō Shin do sur e o Dai Kaiō Shin, o que fai que mude a súa aparencia e obteña un chisco de bondade. Por isto, o incontrolado Bū é encerrado nunha esfera por Bibidi e agochada na Terra. O derradeiro Kaiōshin, o Kaiō Shin do leste, elimina Bibidi polo que a esfera é esquecida.

Hai aproximadamente 10000 anos

Annin comeza o seu labor protexendo o Hakkero (八卦炉, Os oito fogos incandescentes) en Gokyōsan (五行山, Os cinco picos) —a montaña que se acha no límite entre Este Mundo e o Outro Mundo—, separando os dous mundos.

Ano -4237

Os devanceiros de Garlick Jr. diríxense á Terra, pois o planeta endiañado, Makyō (魔凶), aproxímase na súa órbita de 5000 anos ó punto máis preto ó mundo dos humanos.

Ano -739

A princesa serpe, Jadōshin (蛇道神), constrúe o seu palacio no camiño da serpe que conduce ó planeta de Kaiō.

Ano -251

Hildegan nace pola enerxía dos magos malignos no planeta Konats. Tapion e Minosha encerran a metade superior e a inferior do monstro nos seus corpos respectivamente coas frautas máxicas. Tapion e Minosha son encerrados en caixas de música e enviados a lados totalmente opostos do universo.

Ano -238 aproximadamente

Comeza a aparecer unha lenda que fala sobre a futura aparición do Súper Saiyan.

Ano cero

Iníciase o calendario oficial de Dragon Ball que non ten equivalencia co noso calendario.

Ano 250

A sona de Uranai Baba comeza a medrar grazas ós seus poderes.

• Ano 261

Enma Daiō (xuíz dos mortos) diríxese ó planeta de Kaiō polo camiño da serpe para adestrar con el. Durante esta viaxe, a princesa serpe invítao ó seu palacio, e namórase de Enma. Asemade, acontecen as mudanzas climáticas no planeta Namek. O fillo de Katattsu foxe nunha nave cara á Terra.

• Ano 430

Nace o Mestre Mutenroi ou xenio da tartaruga (Kamesennin), un dos futuros mestres de Son Goku.

• Ano 431

O fillo de Katattsu convértese en discípulo do deus actual da Terra.

• Ano 448

Mutaito comeza a adestrar o Mestre Mutenroi cando fai os 18 anos. El namórase de Fan-Fan.

• Ano 459

Nace Tou Pai Pai, o irmán de Mestre Corvo.

• Ano 461

Os devanceiros de Garlick volven ataca-la Terra e son detidos polo antigo deus. O fillo de Katattsu convértese no novo Deus da Terra despois de se dividir en dous. Deste xeito nace Kamisama (a parte boa) e Piccoro Daimaō (a parte má). Após unha tempada de terror e destrución, Mutaito consegue encerrar Piccoro coa técnica Mafuba aínda que morre acto seguido por utilizala.

• Ano 474

Dabla visita por primeira vez a Terra para comprobar se hai perigo coa esfera que encerra o Boo.

• Ano 550 APROXIMADAMENTE

Os Saiyans descobren unha nave espacial que caeu no seu territorio e que procedía do Planeta Plant.

• Ano 553

O Mestre Mutenroi comeza a coleccionar revistas eróticas.

• Ano 650 APROXIMADAMENTE

O Mestre Mutenroi atopa a Bóla do Dragón de 3 estrelas no fondo do mar.

• Ano 650 - 7 DE MAIO

Celébrase o primeiro Torneo das Artes Marciais (Tenkaichi Budōkai).

• Ano 658

Nace Son Gohanda que máis tarde sería o avó adoptivo de Son Goku.

• Ano 662

Kamisama relata a Señor Popo o que lembra da súa infancia.

• Ano 698

Nace o Xefe Coello (Toninjinka).

• Ano 715

Nace o gran Rei Pilaf.

• Ano 720 – 730 APROXIMADAMENTE

Os Saiyans únense cos guerreiros do planeta Plant e rebélanse contra a raza dos Tsufurs, coexistente coa súa e nomean ó planeta: Vexeta, nome do seu rei. Durante este período de conflitos, os Saiyans convertidos en Ōzaru, aniquilan por completo tódolos Tsufurs (ou case todos) xa que o científico Tsufur coñecido como Raichi morre loitando aparentemente pero consegue escapar igual có Dr. Myu. Finaliza a alianza co planeta Plant e os Saiyans inician a reconstrución da civilización e do planeta. Descobren a tecnoloxía Tsufur coa cal poderán viaxar a outros planetas e utilizar artefactos coma o Scouter, que pode medila forza de combate dos inimigos.

• Ano 722

Nace o futuro membro da Red Ribbon, o xeneral Blue.

• Ano 730

Tou Pai Pai convértese en asasino profesional.

• Ano 731 APROXIMADAMENTE

O pobo Saiyan únese co tirano Freezer que lles fornece naves espaciais de longo percorrido sen ningún límite de movementos, e comezan a conquista de planetas que logo venderán a Freezer. O Rei Vexeta (o pai de Vexeta) accede ó trono.

• Ano 732

Nacemento do príncipe Vexeta.

• Ano 733

Nacen Bulma, Yamcha, Lunch e Ten Shin Han.

• Ano 733 - 8 DE MAIO

É elixido o rei da Terra.

• Ano 735 APROXIMADAMENTE

Freezer comeza a teme-lo poder dos Saiyans e aumenta a súa desconfianza cara a eles. Ademais a lenda do Súper Saiyan fai que sinta temor cara a esta raza. Asemade, no planeta Vexeta algúns Saiyans comezan a sospeitar do seu «socio» Freezer.

• Ano 736

Nacemento de Krilín.

• Ano 737

Nacemento de Kakarotto (Son Goku). Os Saiyans invaden os planetas Karnage e Milt. O Rei Vexeta enfróntase a Freezer pero é derrotado e morre. Son Goku parte do planeta Vexeta camiño da Terra, para conquistala. O seu pai, Barduck, é asasinado por Freezer, que tamén destrúe o planeta Vexeta e os seus habitantes. Por outro lado nace Chichi, filla de Gyūmaō, e a súa nai morre.

• Ano 737 - ENTRE XUÑO E AGOSTO

O vello Son Gohanda atopa Kakarotto, adóptao e decídelle chamar Son Goku.

• Ano 738

Son Goku leva unha pancada na cabeza e esquece a misión pola cal fora enviado á Terra polos Saiyans: a aniquilación da Raza Humana e o control do planeta Terra para a súa posterior venda.

• Ano 739

Gyūmaō e a súa pequena filla Chichi saen de picnic e durante a súa ausencia, no seu castelo no monte Ryōkei (涼景山) cae un espírito de lume e a montaña álzase en chamas. Dende aquela será coñecido coma o monte Tixola (Monte Frypan).

• Ano 740

Nacemento de Oolong. Krilín entra a estudar artes marciais no templo Ōrin (多林). Un organismo parasito con habilidades de control mental e coa memoria racial dos Tsufurs almacenada nel, chega ó planeta M-2. O Dr. Myu atopa o parasito e é asumido por el. El usa o coñecemento da tecnoloxía avanzada adquirido das memorias Tsufur para comeza-los proxectos para se apoderar do mundo.

• Ano 743

Nace Puar.

• Ano 747

Son Goku olla para a lúa chea e convértese nun gorila xigantesco debido ó efecto Ōzaru da súa raza e mata inconscientemente o seu avó adoptivo. Yamcha e Puar coñécense.

• Ano 748

Morre o Fénix do Mestre Mutenroi por culpa dunha indixestión. Máis tarde, mentres apaña cogomelos atopa unha tartaruga bebé que se achaba perdida e que será a súa compañeira (Umigame).

• Ano 749 - OS PRIMEIROS 10 DÍAS DE ABRIL

Bulma comeza as aulas no colexio da Capital do Leste.

• NALGÚN INTRE DO Ano 749

Bulma deixa de asistir á aula, xa que atopa no soto da súa casa a Bóla do Dragón de 2 estrelas.

• Ano 749 - 22 DE AGOSTO

Bulma atopa nun val nunha cova do norte a Bóla do Dragón de 5 estrelas.

Dragon Ball

• Ano 749 - 1 DE SETEMBRO

Son Goku e Bulma coñécense. Bulma atopa a Bóla do Dragón de 4 estrelas e esclarécelle a Son Goku que a bóla non é o seu avó.

• Ano 749 - 2 DE SETEMBRO

Á mañá, Son Goku e Bulma coñecen o Mestre Mutenroi e este dálles a Bóla do Dragón de 3 estrelas.

• Ano 749 - 5 DE SETEMBRO

Son Goku descobre o engano de Oolong e recibe a Bóla do Dragón de 6 estrelas da avoa Paozu.

• Ano 749 - 6 DE SETEMBRO

Son Goku e Yamcha coñécense.

• Ano 749 - 9 DE SETEMBRO

Son Goku e Yamcha enfróntanse. O Mestre Mutenroi apaga o incendio do Monte Tixola (Flipan) coa súa Onda Vital (KameHameHa), aínda que destrúe a montaña e o castelo. Bulma recibe a Bóla do Dragón de 7 estrelas de Gyūmaō. Son Goku derrota a banda de terroristas de Toninjinka. Toninjinka e os seus esbirros son enviados á lúa. Pilaf róuballes as 6 bólas acadadas e encérraos no seu castelo. Xúntaas coa súa e o dragón Shenron é convocado. Son Goku olla a lúa chea e convértese en Ōzaru polo que dan escapado do castelo. Oolong pídelle ó dragón unhas bragas acabando cos plans de Pilaf de ser amo do mundo.

• Ano 749 - 10 DE SETEMBRO

Son Goku e Krilín póñense ás ordes do Mestre Mutenroi despois de dar atopado a Lunch. Despois, Mutenroi move a súa casa a outra illa máis grande e Son Goku e Krilín prepáranse para un duro adestramento co mestre das artes marciais.

• Ano 749 - 11 DE SETEMBRO

O Mestre Mutenroi, Krilín e Lunch sofren unha indixestión.

• Ano 749 - 14 DE SETEMBRO

Son Goku e Krilín érguense ás 4:30 da mañá ansiosos de comeza-lo adestramento e despois de 8 horas xa saben o que é un adestramento.

• Ano 749 - 2 DE OUTUBRO

Yamcha e Puar comezan a estudar no instituto da cidade do oeste.

• Ano 750 - 6 DE ABRIL

Son Goku e Krilín realizan o seu adestramento cunha cuncha de tartaruga que pesa 40 quilos para aumenta-los resultados.

• Ano 750 - 18 DE ABRIL

A Red Ribbon, co Coronel Silver comeza a procura das Bólas do Dragón.

• Ano 750 - 6 DE MAIO

Son Goku e compaña saen da casa do Mestre Mutenroi (Kame House) camiño do Gran Torneo das Artes Marciais para participar na 21º edición.

• Ano 750 - 7 DE MAIO

Comeza o 21avo Torneo das Artes Marciais. Son Goku e Yackie Chun (Mestre Mutenroi disfrazado) quedan finalistas, e nunha gran loita Son Goku convértese en Ōzaru pero Yackie Chun lanza unha Onda Vital á lúa e destrúea. Toninjinka e os seus esbirros morren no acto. Yackie Chun acábase proclamando vencedor do torneo e Son Goku queda finalista. Este último, Pilaf e a Red Ribbon dispútanse a Bóla do Dragón de 6 estrelas. A Red Ribbon é quen consegue a bóla na base de Pilaf no deserto. Tamén conseguen a Bóla do Dragón de 5 estrelas. Son Goku e Chichi encóntranse de novo na aldea de Gyūmaō.

• Ano 750 - 8 DE MAIO

Son Goku derrota os ocupantes da Torre de Control (Muscle Tower) preto dunha aldea do norte e coñece o androide N.º 8.

• Ano 750 - 9 DE MAIO, 11:02 da mañá

Son Goku pide o radar das Bólas do Dragón a Bulma. O xeneral Blue é lanzado fóra da Vila do Pingüín por Arale. O xeneral Blue é asasinado por Tou Pai Pai, coa lingua nunha demostración do seu poder, que derrota Son Goku e asasina o indio Bora. Son Goku decide subir á Torre Karin.

• Ano 750 - 10 DE MAIO

As vacacións de verán comezan para o instituto de ensinanza secundaria da Vila do Pingüín. Son Goku alcanza o cumio da Torre Karín e coñece o mestre Karin (un gato) e comeza o seu adestramento, que consiste en collerlle a Auga Sagrada.

• Ano 750 - 12 DE MAIO

Despois de tres días, Son Goku dá atrapado Karin, e sorpréndese ó saber que só era auga da billa. Pero Son Goku tornouse moito máis poderoso, polo que derrota Tou Pai Pai e acaba coa Red Ribbon. Despois, viaxa ó palacio de Baba a avedoira para que adiviñe onde se atopa a bóla que lle falta. Para isto ten que derrotar os mercenarios da bruxa onde se atopa co seu avó, o falecido Son Gohanda. A bóla tena Pilaf polo que recupéraa axiña e o Dragón Shenron é invocado e Bora é revivido.

• Ano 750 - XULLO

A estación chuviosa comeza na aldea de Nam.

• ENTRE O Ano 750 E O 753

Son Goku comeza o seu adestramento no que debe percorrer o mundo enteiro. Na vila de Chao loita contra Kinkaku e Ginkaku. Son Goku coñece Chintaiken e loita contra Tenron na competición de Gozen-Jiai. Son Goku entra no Mundo dos Demos e loita contra o señor dese mundo, Shura. Son Goku salva o xabarín voador e coñece Ten Shin Han por primeira vez.

• Ano 753 - 5 DE MAIO

Son Goku coñece Konkichi. Son Goku nada á illa Papaya onde ocorrerá o 22avo Torneo das Artes Marciais.

• Ano 753 - 7 DE MAIO

Comeza o 22avo Torneo das Artes Marciais. Ten Shin Han, que serve as forzas do mal aínda que as abandonará, acaba campión e Son Goku é finalista. Krilin é asasinado e constátase o retorno de Piccoro Daimaō liberado por Pilaf.

• Ano 753 - 8 DE MAIO

Son Goku é derrotado por Piccoro que rexuvenece grazas ás Bólas Máxicas. Piccoro mata a Shenron, derrota o Rei da Terra, Kokuoh, e toma o control do seu castelo.

• Ano 753 - 9 DE MAIO

Son Goku sobe á Torre Karin e despois de sacar do interior o seu poder derrota a Piccoro. Nace Piccoro Junior (Piccoro). Son Goku sobe ó palacio de Deus e recibe o seu adestramento durante 3 anos con Señor Popo e Kamisama.

• Ano 756 - 7 DE MAIO

Comeza o 23avo Torneo das Artes Marciais. Un Son Goku de 18 anos contrae matrimonio con Chichi. Son Goku é campión do torneo por primeira vez e Piccoro é finalista. Os plans para a voda entre Son Goku e Chichi comezan, pero un lume misterioso entra en erupción e atrapa Gyūmaō dentro do seu castelo co vestido de voda de Chichi. Son Goku e Chichi deben buscar o abano máxico (Basho Sen) para apagar as chamas máxicas.

• Ano 756 - 8 DE MAIO

Son Goku usa o abano máxico sobre as chamas pero non dá resultado. Decátanse de que as chamas proveñen dun escape do Forno dos oito fogos incandescentes do outro lado do mundo. Son Goku e Chichi viaxan ó monte Gokyosan onde se encontran de novo co avó morto, Son Gohanda. Son Goku tapa o burato que hai no fondo do forno e as chamas cesan apagando así o lume arredor do castelo de Gyūmaō no monte Tixola (Flipan). Son Goku e Chichi casan.

• Ano 757 - MAIO

Son Gohanda e Dende nacen.

• Ano 759 - 760

Son Goku é entrevistado polo semanario Shonen Jump, onde aparecerían publicadas as súas páxinas no Xapón.

• Ano 761

Garlic Jr., o fillo de Garlic, reúne as Bólas do Dragón e pide a inmortalidade. El abre un portal na Zona Morta, e é atrapado dentro por Son Gohanda, despois de loitar contra Son Goku e Piccoro.

• Ano 760-770

O Dr. Myu atopa o extraterrestre Rild e tórnao nunha máquina mutante. Rild usa os seus grandes poderes para completar a conquista do planeta M2. Os Mutantes Máquina comezan a apañar a enerxía que será chuchada por Bebé.

Dragon Ball Z

• Ano 761 - 12 DE OUTUBRO

Raditz chega á Terra para recuperar o seu irmán. Piccoro mata Raditz e Son Goku que se sacrificou. Descóbrese o potencial de Son Gohanda. Vexeta e Nappa paran nun planeta chamado Arlia. Despois de achar o planeta nunhas condicións non axeitadas para a venda, destrúen o planeta. Logo, entran nun estado de animación suspendida, mentres se dirixen na súa viaxe cara á Terra. Son Gohanda comeza a realiza-lo adestramento con Piccoro e terá un período de varios meses de supervivencia. Son Gohanda baixa a unhas ruínas antigas e atopa un robot. Despois dun corremento de terra, o robot é destruído e Son Gohanda faise máis maduro. Yamcha traballa coma como xogador profesional de béisbol. Son Gohanda faise o enfermo e tenta escapar da súa área de adestramento e volver para a casa. Despois de coñecer Pigero e outros orfos cuxos pais morreron nun tsunami, recupera o seu valor e volta ó seu adestramento.

• Ano 762 - MARZO

Krilín, Yamcha, Ten Shin Han, Chaoz e Yajirobe comezan o seu adestramento ás ordes de Deus.

• Ano 762 - 29 DE ABRIL

Son Goku alcanza o final do camiño da serpe onde atopa o planeta de Kaiō. Son Goku comeza a adestrar ás ordes de Kaiō.

• Ano 762 - 9 DE MAIO

Son Goku atrapa o mono Bubbles. O seu seguinte adestramento é bourarlle a un grilo, Gregory, cun martelo incribelmente pesado.

• Ano 762 - 23 DE MAIO

Son Goku bóuralle a Gregory na cabeza co martelo.

• Ano 762 - MAIO

Krilin, Ten Shin Han, Chaoz e Yamcha fan un percorrido espiritual ó vello planeta Vexeta. Son todos matados doadamente por dous saiyans febles. Cando volven ós seus corpos, todos deciden continuar a adestrar duramente.

• Ano 762 - 2 DE NOVEMBRO

Son Goku finaliza o seu adestramento onda Kaiō do norte e é revivido.

• Ano 762 - 3 DE NOVEMBRO

Vexeta e Nappa chegan á Terra. Piccoro, Son Gohanda, Ten Shin Han, Krilín, Chaoz e Yamcha van loitar cos saiyans. Ten Shin Han, Chaoz e Yamcha morren. Nappa é derrotado por Son Goku e eliminado por Vexeta. Son Goku, Krilín, Son Gohanda e Yajirobe derrotan Vexeta. Un microscópico robot espía do aspecto dun insecto é despregado polo Doutor Guero para recoller células de tódolos presentes para a posterior construción do bioandroide Célula.

• Ano 762 - 4 DE NOVEMBRO

Son Goku, Son Gohanda e Krilín son hospitalizados e comezan a súa recuperación na cidade do Oeste.

• Ano 762 - 7 DE NOVEMBRO

Son Gohanda e Krilín son dados de alta.

• Ano 762 - 9 DE NOVEMBRO

A nave de Kamisama é descuberta en Yunzabito.

• Ano 762 - 14 DE NOVEMBRO

O traballo de tradución do idioma Namek concluíu. Bulma, Krilín e Son Gohanda parten cara ó planeta Namek.

• Ano 762 - 21 DE NOVEMBRO

Vexeta diríxese á estación espacial do planeta Freezer Nº 79 gravemente ferido.

• Ano 762 - 13 DE DECEMBRO

As feridas de Vexeta son curadas. Inmediatamente parte cara a Namek.

• Ano 762 - 18 DE DECEMBRO

Bulma e compaña, Vexeta e Kiwi chegan a Namek. Son Goku parte para aló. Dende guía Krilín á casa do Patriarca (Saichōrō), que lle saca o seu potencial oculto. Piccoro, Chaoz, Ten Shin Han e Yamcha comezan a adestrar con Kaiō. A nave de Son Goku é atrapada pola gravidade do planeta Alpha H Zeta podendo escapar tras lanzar unha Onda Vital.

• Ano 762 - 19 DE DECEMBRO

Zarbon derrota a Vexeta e leva o seu corpo ferido á nave de Freezer para curalo.

• Ano 762 - 20 DE DECEMBRO

Vexeta loita con Zarbon por segunda vez e desta volta o príncipe dos Saiyans acaba finalmente gañando e matándoo. Por ordes de Freezer as Forzas Especiais de Xinew deixan a súa misión no planeta Yardrat para se dirixir a Namek. Krilin leva Son Gohanda a se topar co Patriarca.

• Ano 762 - 23 DE DECEMBRO

Finaliza o adestramento de Son Goku no interior da nave.

• Ano 762 - 24 DE DECEMBRO

Son Goku aterra en Namek. As Forzas Especiais de Xinew son aniquiladas. Piccoro volta á vida. Morre Vexeta. Krilín é asasinado por Freezer. Os namekianos superviventes son transportados á Terra. Son Goku convértese nun Súper Saiyan e acaba con Freezer. O planeta Namek estoupa e Son Goku escapa nunha nave dirección a Yardrat.

• Ano 763 - 3 DE MAIO

Krilín e Yamcha resucitan coas Bólas do Dragón de Namek.

• Ano 763 - 10 DE SETEMBRO

Reviven Ten Shin Han e Chaoz. Os Namekianos superviventes na Terra van vivir para o novo Namek.

• Ano 763 - OUTUBRO

O planeta endiañado que cada 5 mil anos se achega á Terra da forzas a Garlick Jr, liberándose da Zona Morta, e tenta asalta-lo Templo de Deus. Pero Son Gohanda derrótao e atrápao outra vez na Zona Morta, desta volta para sempre xa que se destruíu o planeta endiañado.

• Ano 763 - ANTES DE FINALIZAR O ANO

A máquina do tempo na que viaxa Célula chega á nosa corrente temporal (dende a 3ª liña). A custosa reconstrución do malferido Freezer conclúe.

• Ano 764 - AGOSTO

Toranks do futuro chega dende a 2ª liña temporal e derrota Freezer e o seu pai o Rei Cold. Son Goku retorna á Terra e Toranks dálle a menciña para o corazón e volta á súa liña temporal.

• Ano 764 - FINAIS DE ANO

Vexeta comeza o adestramento para alcanza-lo nivel de Súper Saiyan. Neste período comeza a se gañar o cariño de Bulma. Son Goku e Piccoro ingresan nunha autoescola para conseguilo permiso de conducir un Aircar. Cooler chega á Terra e é derrotado polo Súper Saiyan Son Goku.

• Ano 764-767

Cooler contraataca e invade novo Namek só para ser destruído por Son Goku e Vexeta.

• Ano 766

Nace o primeiro fillo de Bulma e Vexeta: Toranks.

• Ano 767 - 7 DE MAIO

Celébrase o 24avo Torneo das Artes Marciais. Señor Satán proclámase vencedor após derrotar a Spopobich. Unha moza chamada Videl, filla de Mr. Satán gaña o torneo Júnior.

• Ano 767 - 12 DE MAIO

Aparecen os Androides C-19 e C-20 (Doutor Guero). Son Goku cae enfermo. Vexeta derrota o androide C-19 presentándose coma un novo Súper Saiyan. Volta Toranks do futuro e aparecen os androides C-16, C-17 e C-18 que matan o Doutor Guero. Toranks e Krilín destrúen o laboratorio do Dr. Guero. Descóbrese a máquina do tempo de Célula.

• Ano 767 - 13 DE MAIO

Aparece Célula. Piccoro e Kamisama fusiónanse.

• Ano 767 - 15 DE MAIO

Son Goku recupérase da súa enfermidade coa menciña do futuro. Vexeta e Toranks entran na Sala do Espírito e do Tempo.

• Ano 767 - 16 DE MAIO

Célula absorbe C-17 e da un novo paso cara á perfección. Vexeta derrota Célula pero deixa que absorba á pobre C-18. Célula alcanza a perfección absoluta e derrota a Vexeta. Son Goku e Son Gohanda entran na Sala do Espírito e do Tempo.

• Ano 767 - 17 DE MAIO

O Bioandroide Célula xa perfecto anuncia un Torneo de Artes Marciais, os Xogos de Célula, para todo o mundo. Son Goku e Son Gohanda saen da Sala do Espírito e do Tempo. Piccolo entra na sala.

• Ano 767 - 18 DE MAIO

Piccoro sae da Sala do Espírito e do Tempo. É a quenda de Vexeta para entrar de novo. Son Gohanda entra na vila de Lime e sálvaos das malvadas intencións de Barbon.

• Ano 767 - 19 DE MAIO

Son Goku e a súa familia pasan un día no High King facendo un picnic. Contra o serán o exército do rei é destruído por Célula. Dende convértese no novo Deus da Terra. Despois de Vexeta, Toranks é o seguinte en entrar na Sala do Espírito e do Tempo.

• Ano 767 - 20 DE MAIO

Toranks sae da Sala do Espirito e do Tempo.

• Ano 767 - 26 DE MAIO

Ó mediodía dáse o inicio do Torneo de Artes Marciais. Son Gohanda alcanza o nivel 2 de Súper Saiyan. Son Goku teletransporta Célula ó planeta de Kaiō que é destruído xunto con Son Goku, Gregory, Bubbles e Kaiō que morren no estoupido. Por mor disto, Bojack escapa do seu encerro. Célula auto rexenérase e volta á Terra matando Toranks. Son Gohanda destrúe a Célula.

• Ano 767 - 27 DE MAIO

Toranks é resucitado. Celébrase o funeral de Son Goku e o Toranks do futuro volta á súa liña temporal.

• Ano 767 - XUÑO

No Outro Mundo, Son Goku chega ó novo planeta de Kaiō (o do Gran Kaiō), onde participará no primeiro Torneo de Artes Marciais para os mortos do Outro Mundo, en «honor» á morte Kaiō. Son Goku e Paikuhan disputan a final vencendo o primeiro deles aínda que sendo descualificados os dous no último momento. O Toranks do noso tempo comeza a camiñar. É difundido un documental na TV que cobre os acontecementos da vida do campión do Mundo Señor Satán.

• Ano 768 - PRINCIPIOS DE ANO

Nacemento de Son Goten.

• Ano 768

Doru-taki é empregado polo Dr. Myu. A súa tarefa é a de xuntar a enerxía de para espertar a maior Máquina Mutante do M2, Ruudo. Doru-taki fai ben o seu traballo e dá traballado na recollida de enerxía sobre o planeta Ruudo.

• Ano 770

Krilín e C-18 casan.

• Ano 771

Nace Maron, filla de C-18 e Krilín.

• Ano 773

Kibito e Kaiō Shin do leste descobren onde está encerrado Máxico Boo.

• Ano 774 - 28 DE MARZO

Son Gohanda ingresa na Orange Star High School.

• Ano 774 - 7 DE ABRIL

Un misterioso guerreiro combate o crime en Satán City. Videl sospeita de Son Gohanda. Este último pídelle axuda a Bulma para oculta-la súa identidade, e en 5 horas e 12 minutos a nai de Toranks constrúe un reloxo que lle permite mudar de aspecto e converterse no Guerreiro Inter galáctico, que comeza a combate-lo crime nas rúas.

• Ano 774 - 8 DE ABRIL

Malia todo, Videl descobre a verdadeira identidade do Guerreiro Inter galáctico.

• Ano 774 - 9 DE ABRIL

Videl pide a Son Gohanda que lle ensine a voar. O Kaiō do sur visita a Son Goku mentres adestra.

• Ano 774 - 10 DE ABRIL

Vexeta e o pequeno Toranks comezan o seu adestramento. O pequeno Toranks revela que se pode converter nun Súper Saiyan.

• Ano 774 - 20 DE ABRIL

Videl controla a técnica de voar.

• Ano 774 - 7 DE MAIO

Comeza o 25avo Torneo das Artes Marciais. Son Goku retorna do Outro Mundo pero coa condición de ficar na Terra un só día. O Máxico Boo é liberado. Vexeta morre no intento de eliminalo. Bū dirixido por Babidi comeza cunha xeira de asasinatos. Son Goku alcanza o nivel 3 de Súper Saiyan e enfróntase a Bū. Toranks e Son Gotén aprenden a se fusionar. Son Goku retorna ó Outro Mundo. Rō Kaiō Shin é liberado da espada Z sacada por Son Gohanda. O poder oculto de Son Gohanda é liberado grazas a Rou Dai Kaiōshin.

• Ano 774 - 8 DE MAIO

O poder de Boo acaba coa humanidade ó completo. Piccoro, Songotoranks e Son Gohanda enfróntanse a el, e son absorbidos. Rou Dai Kaiōshin dá a súa vida para que Son Goku reviva. Vexeta retorna á Terra por un só día onde se fusiona con Son Goku cos pendentes Potara en Vexetto. Boo destrúe a Terra. Polunga reconstrúe a Terra e devolve a vida a tódolos seus habitantes. Vexeta e Ro Dai Kaiōshin reviven. A humanidade ó completo axuda a Son Goku a crear unha Bóla Gengi (despois da intervención de Satán) con poder dabondo para destruír a Boo. Finalmente a intelixencia de Vexeta e a forza de Son Goku eliminan a ameaza de Boo.

• Ano 774 - 7 DE SETEMBRO

O poder de Shenron fai esquecer á xente da Terra o acontecido coa parte boa de Bū, agora coñecido coma Mr. Bū.

• Ano 778 - 7 DE MAIO

Comeza o 26avo Torneo das Artes Marciais. O campión é Mr. Satán. O subcampión é Mr. Bu.

• Ano 779

Nacemento de Pan, filla de Videl e Son Gohanda.

• Ano 780

Nacemento de Bra, filla de Bulma e Vexeta.

• Ano 781 - 7 DE MAIO

Comeza o 27avo Torneo das Artes Marciais. O campión é Mr. Satán. O subcampión é Boo.

• Ano 784 - 7 DE MAIO

Comeza o 28avo Torneo das Artes Marciais. Son Goku e Oob (a reencarnación boa de Boo) abandonan o torneo. Pan derrota Son Goten no torneo.

Dragon Ball GT

• Ano 794

Finaliza o adestramento de Oob. Pilaf asalta o palacio de Deus en busca das Bólas do Dragón de estrela negra. Son Goku reverte ó seu estado de cativo.

• Ano 794 - XANEIRO

Son Goku, Pan e Toranks lánzanse ó espazo para busca-las Bólas do Dragón de estrela negra. Chegan ó planeta Imegga onde atopan o Gil Gil e a primeira bóla. Son Goku loita contra Radic e Don Kear.

• Ano 794 - MARZO

Chegan a Monmars, e atopan a segunda bóla pero róubanlla no planeta Kelbo. Chegan ó planeta Loud, onde se enfrontan a Muchy. Derrotan o monstro Loud grazas a unha combinación de forzas. Atopan outra bóla no planeta Ludeze.

• Ano 794 - AGOSTO - NOVEMBRO

Chegan ó planeta M2 onde se descobre que Gil Gil é un traidor. Son Goku enfróntase contra Mega canon sigma que se acaba fusionando con Rild polo que derrota Son Goku a Toranks. Bebé aparece por primeira vez e Son Goku, Toranks e Pan destrúeno; ou case, xa que se recupa dentro do Dr. Myu e mátao. Toranks é posuído por Bebé e ataca o resto no planeta Pilat. Toranks consegue expulsalo pero viaxa á Terra.

• Ano 794 - DECEMBRO

Bebé chega á Terra e comeza a súa posesión masiva dos seus habitantes. Bebé constroi un novo planeta Plant coas bólas de estrela negra. Vanse trasladando os habitantes da Terra para o planeta Plant.

• Ano 795 - XANEIRO

Son Goku perde fronte Vexeta Baby. Pan comeza a dar á xente un antídoto. Son Goku alcanza o Súper Saiyan 4 e enfróntase a Baby, que acaba coa raza Tsufur. A Terra vai estoupar e Piccolo fica nela e morre. Realízase o 29avo Torneo das Artes Marciais.

• Ano 796

O Dr. Myu e o Dr. Guero alíanse para acabar con Son Goku. Abren un burato entre os dous mundos e van á Terra tódolos inimigos de Son Goku. Krilin morre a mans do C-17 da Terra que se acaba fusionando co novo C-17 dando o Súper C-17, aínda que Son Goku acábao derrotando. Descóbrese que as Bólas do Dragón están corrompidas e aparecen os dragóns malignos. Despois de que todos son derrotados por Son Goku, este fusiónase con Shenron.

• Ano 876

Nacen Son Goku Jr. e Vexeta Jr.

• Ano 885

Son Goku Jr. coñece por primeira vez o que son as Bólas Máxicas. Transcorre a primeira aventura de Son Goku Jr. Este e Vexeta Jr. enfróntanse na final do Torneo das Artes Marciais.

Véxase tamén

Outros artigos

Liñas temporais alternativas de Dragon Ball