Chris Bristow
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde febreiro de 2017.) |
Christopher William "Chris" Bristow nado o 2 de decembro de 1937 e finado o 19 de xuño de 1960, foi un piloto británico de Fórmula Un. Bristow era fillo do dono dun garaxe de Londres, e estaba solteiro. A Bristow chamábano "wild man of British club racing", o ("home salvaxe do club británico de carreiras"), colisionou en case todos os circuítos nos que correu.[1] Comezou catro carreiras do campionato do mundo da fórmula un e non anotou ningún punto do campionato.
  | |
| Biografía | |
|---|---|
| Nacemento | 2 de decembro de 1937 Lambeth, Reino Unido (pt)  |
| Morte | 19 de xuño de 1960 (22 anos) Circuíto de Spa-Francorchamps, Bélxica |
| Causa da morte | Decapitación |
| Datos persoais | |
| País de nacionalidade | Reino Unido |
| Actividade | |
| Ocupación | piloto de Fórmula Un , piloto de motociclismo , enxeñeiro |
| Lingua | Lingua inglesa |
| Deporte | automobilismo Motociclismo |
 | |
Morreu durante o Gran Premio de Bélxica de 1960 no moi rápido circuíto de Spa-Francorchamps, en condicións cálidas, secas e asolladas. Bristow estrelou o seu Yeoman Credit Racing Cooper T51 na curva de Burnenville na volta vinte mentres loitaba para permanecer diante do Ferrari de Willy Mairesse.
Bristow e Alan Stacey morreron preto e dentro duns minutos o un do outro. Ambos se estrelaron en Burnenville, a mesma curva rápida a man dereita na que Stirling Moss resultara gravemente ferido o día anterior. Os coches pasaban regularmente a curva de Burnenville a 193 kms. por hora. Alí había un terraplén de 1´20 metros e arame de púas no prado a uns 3 metros de distancia da estrada. O Cooper de Bristow golpeou o talude e envorcou. Foi guindado ao arame de púas, que o decapitou e matou ao instante.
Con respecto ao estilo de condución indisciplinado de Bristow, un amigo seu dixo despois do accidente: "Todos sabiamos que isto ía suceder. Non serve de nada dicir algo agora, pero Chris simplemente non tiña a experiencia para pilotar nun Gran Premio".[1]
O gañador do trofeo anual McLaren Autosport BRDC Award para os novos pilotos británicos prometedores tamén se presenta como Trofeo Chris Bristow.
Resultados Completos na Fórmula Un editar
(Chave) As carreiras en letra grosa indican pole position; as carreiras en cursiva indican volta rápida.
| ano | Equipo | Chasis | Motor | 1 | 2 | 3 | 4 | 5 | 6 | 7 | 8 | 9 | 10 | Pos. | Puntos |
|---|---|---|---|---|---|---|---|---|---|---|---|---|---|---|---|
| 1959 | British Racing Partnership | Cooper T51 (F2) | Borgward 4 en liña | MON | 500 | NED | FRA | GBR 10 |
ALE | POR | ITA | USA | NC | 0 | |
| 1960 | Yeoman Credit Racing Team | Cooper T51 | Climax 4 en liña | ARx | MON Ret |
500 | NED Ret |
BEL Ret |
FRA | GBR | POR | ITA | USA | NC | 0 |
Notas editar
- ↑ 1,0 1,1 2 Rookie Drivers Die In Grand Prix, New York Times, 20 June 1960, p.40.
| A Galipedia ten un portal sobre: Fórmula 1 |