Begoña Caamaño
Begoña Caamaño Rascado, nada no barrio do Calvario (Vigo) o 14 de outubro de 1964 e finada en Santiago de Compostela o 27 de outubro de 2014, foi unha feminista, xornalista e escritora galega.
  | |
| Biografía | |
|---|---|
| Nacemento | 14 de outubro de 1964 Vigo, España |
| Morte | 27 de outubro de 2014 (50 anos) Santiago de Compostela, España |
| Causa da morte | Morte natural (Cancro ) |
| Datos persoais | |
| País de nacionalidade | España |
| Actividade | |
| Ocupación | xornalista , escritora |
| Lingua | Lingua galega |
| Obra | |
Obras destacables
| |
Premios
| |
  | |
Traxectoria editar
Traballou nos servizos informativos de Radio Popular de Vigo e Radio Noroeste. Foi correspondente en Vigo da Axencia Galega de Noticias e do desaparecido xornal madrileño El Sol. Colaborou n' A Nosa Terra, Tempos e Novas da Galiza.
Dende 1989 traballou na Radio Galega, primeiro na delegación de Vigo onde, xunto con Rosa Martínez, bota a andar o Trecolas, primeiro programa da emisora pública galega que se realiza dende unha delegación. En 1992 incorporouse á redacción central da Radio, en Santiago de Compostela, onde desenvolveu tarefas como redactora en distintos servizos informativos e no Diario Cultural. Posteriormente dirixiu e presentou os programas Andando a Terra, Club Cultura e Expresso de Medianoite. Traballou nas seccións de cultura e sociedade dos servizos informativos da Radio Pública de Galicia. Ademais do seu labor profesional, na Radio Galega desenvolveu tamén labores de carácter sindical, formando parte en diversas ocasións do Comité de Empresa da Radio e ocupando o cargo de presidenta do Comité Interempresas da CRTVG e as súas sociedades, no que destacou na denuncia da manipulación informativa en relación con sucesos de marcada relevancia para a sociedade galega, como foi o caso do afundimento do buque Prestige.
Colaborou nas revistas feministas Festa da Palabra Silenciada e DeLiberadaMente e formou parte do consello de redacción da revista antimilitarista Ar!.
Recoñecemento editar
A Deputación da Coruña convoca desde o ano 2017 o Premio Begoña Caamaño de proxectos culturais pola igualdade.[1].
En 2019 foi nomeada filla adoptiva de Santiago de Compostela, a título póstumo[2] e convocouse un encontro poético-artístico.[3]
En 2020, aos 6 anos da súa morte, o Observatorio da Mariña Pola Igualdade convocou en Xove unha xornada para reivindicar o seu legado.[4]
Obra editar
Narrativa editar
- Circe ou o pracer do azul, 2009, Galaxia. Foi traducida ao castelán[5] e ao portugués.[6]
- Morgana en Esmelle, 2012, Galaxia. Foi traducida ao castelán.[7]
Obras colectivas editar
Premios editar
- Premio Ánxel Casal da Asociación Galega de Editores ao mellor libro de ficción do 2012, por Morgana en Esmelle.
- Premio da AELG á mellor obra de narrativa do 2012, por Morgana en Esmelle.
- Premio da Crítica de narrativa galega do 2012, por Morgana en Esmelle.
- Premio Losada Diéguez de creación literaria no 2013, por Morgana en Esmelle.
Vida persoal editar
En 2011 detectóuselle un cancro no páncreas, doenza da que faleceu a finais de 2014.
Notas editar
- ↑ ""Implicadas no Desenvolvemento" e "Elas tamén pintan" gañan o Premio Begoña Caamaño da Deputación da Coruña". Deputación da Coruña. 10 de outubro de 2018. Arquivado dende o orixinal o 11 de outubro de 2018. Consultado o 11 de outubro de 2018.
- ↑ Santiago, Concello de. "O Concello de Santiago entrega os seus títulos, honras e condecoracións a título póstumo - Noticias. Ayuntamiento de Santiago de Compostela". santiagodecompostela.gal (en inglés). Consultado o 2019-01-17.
- ↑ culturagalega.org (2019-10-02). "A xornada realizarase o domingo 13 de outubro en Santiago de Compostela". culturagalega.org. Consultado o 2019-10-04.
- ↑ "Fálase de O Observatorio d...". Praza Pública. Consultado o 2020-10-13.
- ↑ "Circe o el placer del azul". bibliotraducion.uvigo.es. Arquivado dende o orixinal o 14 de marzo de 2018. Consultado o 2019-10-28.
- ↑ "Circe ou o prazer do azul". bibliotraducion.uvigo.es. Arquivado dende o orixinal o 14 de marzo de 2018. Consultado o 2019-10-28.
- ↑ "Morgana en Esmelle". bibliotraducion.uvigo.es. Consultado o 2021-02-10.