Anouk Aimée
Nicole Françoise Florence Dreyfus,[1] nada en París o 27 de abril de 1932 e finada en París o 18 de xuño de 2024, foi unha actriz francesa coñecida como Anouk Aimée.
Traxectoria
editarAimée naceu en París, filla do actor Henri Murray (nado Henry Dreyfus)[2] e da actriz Geneviève Sorya (nada Durand). O seu pai era xudeu, mentres que a súa nai era católica. Aínda que se criou como católica, converteuse ao xudaísmo sendo adulta.[2][3]
A súa educación comezou na École de la rue Milton, en París, na École de Barbezieux, no Pensionnat de Bandol e na Institution de Megève. Estudou danza na ópera de Marsella e teatro en Inglaterra, tralo que pasou a estudar arte dramática e danza con Andrée Bauer-Thérond.[4]
Aimée (daquela coñecida como Françoise Dreyfus) debutou no cinema en 1946, con catorce anos, no papel de "Anouk" en La Maison sous la mer, e mantivo ese nome artístico. Jacques Prévert, mentres escribía Les amants de Vérone (1949) especificamente para ela, suxeriulle que adoptase o apelido simbólico de Aimée (en francés, "Amada"), "que a asociaría para sempre co poder afectivo dos seus papeis na pantalla".[5][6]
Apareceu en La dolce vita, de Federico Fellini, e en Lola, de Jacques Demy. Foi candidata ao Oscar á mellor actriz en 1966 polo seu papel en Un homme et une femme, que lle deu fama internacional.
En 2002, recibiu un premio César de Honra e en 2003 recibiu o Oso de Ouro honorífico do Festival Internacional de Cinema de Berlín, que lle dedicou ese mesmo ano unha retrospectiva.[7]
Vida privada
editarAimée estivo casada en catro ocasións: con Edouard Zimmermann (1949-1950), co director Nico Papatakis (1951-1955), co actor e produtor musical Pierre Barouh (1966-1969) e co actor británico Albert Finney (1970-1978). Tivo unha filla, Manuela Papatakis (nada en 1951), do seu segundo matrimonio.
En 1995 foi escollida pola revista Empire no posto 56 das 100 estrelas de cinema máis sexys da historia.[2]
Filmografía
editarNotas
editar- ↑ "Anouk Aimée" (en francés). L'encinémathèque. Arquivado dende o orixinal o 05 de marzo de 2016. Consultado o 9 de agosto de 2014.
- ↑ 2,0 2,1 2,2 Flitterman-Lewis, Sandy. "Anouk Aimée", Jewish Women: A Comprehensive Historical Encyclopedia
- ↑ Arnold, Eve. Film Journal, Bloomsbury Publishing (2002) pp. 193-94
- ↑ Unterburger, Amy L. (ed.) Actors and Actresses, International Dictionary of Films and Filmmakers (3.ª ediciónn), St James Press (1997), pp. 9-11
- ↑ Durham, Michael. "Aimée—It Means 'To Be Loved'", Life Magazine, 19 de maio de 1967 pp. 85-86.
- ↑ ""Think Baby Names"". Arquivado dende o orixinal o 28 de novembro de 2022. Consultado o 10 de xaneiro de 2019.
- ↑ Oscherwitz, Dayna. The A to Z of French Cinema, Scarecrow Press (2007), páx. 18
Véxase tamén
editarWikimedia Commons ten máis contidos multimedia na categoría: Anouk Aimée  |
Ligazóns externas
editar- AIMÉE Anouk Arquivado 16 de outubro de 2019 en Wayback Machine. International Who's Who. Consultado o 1 de setembro de 2006.
- Sandy Flitterman-Lewis, Anouk Aimée, Jewish Women Encyclopedia
- Photographs and literature
- Interview at Cannes, 1966 no YouTube