Federico Fellini

Federico Fellini, nado en Rimini o 20 de xaneiro de 1920 e finado en Roma o 31 de outubro de 1993, foi un director e guionista de cine italiano. Gañador de catro Óscar ó mellor filme en lingua non inglesa e dun Oscar Honorífico pola súa traxectoria.

Federico Fellini
Federico Fellini.
Información persoal
Nacionalidade	Italiano
Data de nacemento	20 de xaneiro de 1920
Lugar de nacemento	Rimini, Reino de Italia
Data de falecemento	31 de outubro de 1993
Lugar de falecemento	Roma, Italia
Filmografía
Películas dirixidas
Películas guionizadas
Películas producidas
Premios	Óscar ó mellor filme en lingua non inglesa 1954 La Strada 1957 Le notti di Cabiria 1963 Fellini 8½ 1973 Amarcord Oscar Honorífico 1993 Premio a Trayectoria Profesional
Na rede
http://www.federicofellini.it/
Ficha en IMDb

Durante case catro décadas -desde Lo sceicco bianco de 1952 a La voce della luna 1990- Fellini "retrata", en ducias de películas, un pequeno grupo de personaxes memorables. El autodenominouse "un artesán que non ten nada que dicir, pero que sabe como dicilo". Deixou obras inesquecibles, cheas de sátira pero empapadas dunha sutil melancolía, caracterizadas por un estilo onírico e visionario. Os títulos das súas películas máis famosas - La strada, Le notti di Cabiria, La dolce vita, 8½ e Amarcord- convertéronse en tópicos mencionados na lingua orixinal en todo o mundo.

Traxectoria

Comezos

Fellini naceu nunha familia de clase media en Rimini onde pasou a súa infancia, estudando primeiro nun colexio de monxas pasando logo a un público, as vacacións de verán pasábaas en Gambettola, de onde era orixinaria parte da súa familia. Gustáballe debuxar en 1937 apareceron publicadas unhas caricaturas súas nunha publicación local da Opera Nazionale Balilla en Rimini que tiveron tanto éxito que cun amigo montou unha tenda de retratos na cidade. Viviu durante un breve período de tempo en Florencia antes de se asentar ano 1939 en Roma, cidade na que traballaría como xornalista, escritor e debuxante. A data clave na súa relación co cine foi no ano 1944, cando coñeceu ao director Roberto Rossellini, un dos máis importantes directores do neorrealismo italiano. Colaborou como guionista con Rosselini en Roma, cidade aberta (1945).

Actividade

No 1951 estreouse como director codirixindo xunto con Alberto Lattuada, o filme Luces de variedades (1951), e en solitario co filme O xeque branco (1952). Gañou o seu primeiro premio co filme Os inútiles (1953) na Mostra de Venecia. Cos seus seguintes filmes, La Strada (1954) e As noites de Cabiria (1956), protagonizadas pola súa muller, Giulietta Masina, acadarían cadanseu Oscar de Hollywood ó mellor filme estranxeiro nos anos 1957 e 1958. O seu seguinte filme, La dolce vita (1960) foi un importante éxito comercial e o comezo da colaboración co actor Marcello Mastroianni, habitual nos seus filmes a partir de entón, o que lle permitiu desprenderse da súa herdanza neorrealista. Oito e medio (1963) marcou ó comezo da segunda etapa do cine de Fellini, marcado por unha exuberante fantasía e barroquismo, cun humor de trazos surrealistas. Giulietta dos espíritos (1965) orixinou certa polémica, que se repetiría noutros filmes como Roma (1972), sobre todo pola ironía coa que trata á sociedade italiana, especialmente á igrexa. Con Amarcord (1973), Fellini volveu á adolescencia do seu Rimini natal.

Últimos anos

Os seus últimos traballos, entre os que destacan Ensaio de orquestra (1978), A cidade das mulleres (1980), E a nave vaise (1983), Ginger e Fred (1985) e Entrevista (1988), mostran o seu desgusto diante de certos aspectos do mundo moderno. En 1993 recibiu o seu quinto óscar ó conxunto da súa carreira.

Filmografía

Galería de imaxes

Federico Fellini.

• 1943: L'ultima carrozzella (Director: Mario Mattoli). Coguionista.
• 1945: Roma, cidade aberta (Director: Roberto Rossellini). Coguionista.
• 1946: Paisá, camarada (Director: Roberto Rossellini). Coguionista.
• 1947: Il delitto di Giovanni Episcopo (Director: Alberto Lattuada). Coguionista.
• 1948: Senza pietà (Director: Alberto Lattuada). Coguionista.
• 1948: O amor (Director: Roberto Rossellini). Coguionista.
• 1949: Il mulino del Po (Director: Alberto Lattuada). Coguionista.
• 1950: Francesco, giullare di Dio (Director: Roberto Rossellini). Coguionista.
• 1950: Il Cammino della speranza (Director: Pietro Germi). Coguionista.
• 1951: La città si difende (Director: Pietro Germi). Coguionista.
• 1951: Persiane chiuse (Director: Luigi Comencini). Coguionista.
• 1952: Il brigante di Tacca del Lupo (Director: Pietro Germi). Coguionista.
• 1979: Fortunella (Director: Eduardo De Filippo). Coguionista.
• 1979: Viaggio con Anita (Director: Mario Monicelli). Sen acreditar.

Anuncios de televisión

• 1984: Anuncio para Campari Soda.
• 1984: Anuncio para Barilla pasta.
• 1992: Tres anuncios para Banca di Roma.

Como director e guionista

• 1950: Luces de variedades.
• 1952: O xeque branco.
• 1953: Os inútiles.
• 1953: L'amore in città.
• 1954: La strada.
• 1955: Almas sen conciencia.
• 1957: Le notti di Cabiria.
• 1960: La dolce vita.
• 1962: Boccaccio '70.
• 1963: Fellini 8½.
• 1965: Giulietta dos espíritos.
• 1968: Histoires extraordinaires.
• 1969: Bloc-notes di un regista.
• 1969: O satiricón.
• 1970: I clowns.
• 1972: Roma.
• 1973: Amarcord.
• 1976: O Casanova, de Federico Fellini.
• 1978: Prova d'orchestra.
• 1980: A cidade das mulleres.
• 1983: E la nave va.
• 1986: Ginger e Fred.
• 1987: Intervista .
• 1990: La voce della luna.

Premios

Óscar

Ano	Categoría	Película	Resultado
1947	Mellor guión orixinal	Roma, città aperta	Candidato
1950	Mellor guión orixinal	Paisà	Candidato
1957	Mellor filme de lingua non inglesa	La strada	Gañador
1957	Mellor guión orixinal	La strada	Candidato
1958	Mellor filme de lingua non inglesa	Le notti di Cabiria	Gañador
1958	Mellor guión orixinal	I vitelloni	Candidato
1962	Mellor director	La dolce vita	Candidato
1962	Mellor guión orixinal	La dolce vita	Candidato
1964	Mellor director	Fellini 8½	Candidato
1964	Mellor guión orixinal	Fellini 8½	Candidato
1964	Mellor filme de lingua non inglesa	Fellini 8½	Gañador
1971	Mellor guión orixinal	Fellini Satyricon	Candidato
1975	Mellor filme de lingua non inglesa	Amarcord	Gañador
1976	Mellor director	Amarcord	Candidato
1976	Mellor guión orixinal	Amarcord	Candidato
1977	Mellor guión adaptado	O Casanova, de Federico Fellini	Candidato
1993	Óscar Honorífico

Festival de Canes

Ano	Categoría	Película	Resultado
1957	Palma de Ouro	Le notti di Cabiria	Candidato
1960	Palma de Ouro	La dolce vita	Gañador
1972	Gran Premio da técnica	Roma	Gañador
1987	Premio do 40 aniversario	Intervista	Gañador

Festival de Venecia

Ano	Categoría	Película	Resultado
1953	León de Prata	I vitelloni	Gañador
1954	León de Prata	La strada	Gañador
1955	León de Ouro	Almas sen conciencia	Gañador
1985	León de Ouro á unha carreira