Abrir o menú principal

Air Europa é unha aeroliña española con sede social en Llucmajor, nas Illas Baleares.[1] Pertence ao Grupo Globalia (Pepephone, Viajes Halcón, Viajes Ecuador ou Pepecar).

Air Europa
Air Europa Logo (2015).svg
IATA
UX
OACI
AEA
Indicativo
EUROPA
Fundación1986
Aeroporto principalAeroporto de Madrid-Barajas
Plan de voo frecuenteFlying Blue
AlianzaSkyTeam Skyteam Logo Alliance.png
Frota43
Destinos44
HoldingGlobalia Corp.
Páxina web: http://www.aireuropa.com

A aeroliña ten voos aos aeroportos galegos da Coruña, Santiago de Compostela e Vigo.

En novembro de 2019 Globalia chegou a un acordo con IAG para vender a aeroliña por 1 000 millóns de euros. Agárdase que a operación se peche no ano 2020. Segundo o acordo Air Europa manterá a súa marca.[2]

HistoriaEditar

A aeroliña fundouse baixo a razón social Air España S.A. e participada polo tour operador inglés ILG-Air Europe Group (International Leisure Group), tamén propietario da aeroliña inglesa Air Europe en 1984, e por bancos españois. Comezou realizando voos chárter entre España e Reino Unido en novembro de 1986. Tras a quebra de ILG e de Air Europe en marzo de 1991 a compañía foi adquirida por Juan José Hidalgo, propietario á súa vez de Viajes Halcón e que posteriormente tamén adquiriu a almacenistas Travelplan, máis tarde Touring Club, Iberrail, Travelplannet, a comerciante polo miúdo Viajes Ecuador, Groundforce, os Hoteles Oasis, Pepeworld, o Tour operador de Florida MKTravelplan e recentemente o tour operador Travelider conformando hoxe en día Globalia Corporación Empresarial. Cando se desregularizou o mercado aéreo en España en 1993, a compañía comezou a ofrecer voos regulares.[3]

Despois dunha crise económica da compañía, parte da súa frota foi alugada a Iberia LAE en 1997. Posteriormente houbo intencións de vender a aeroliña á compañía estatal, pero non prosperaron. Fundou varias filiais como Air Europa Express, con voos rexionais, ou Air Europa Canarias, con voos chárter ás illas. As dúas pecharon en 2001.

A compañía utilizou ao largo da súa historia unha frota composta en exclusiva por avións de Boeing, especialmente B737, B757 e B767, aínda que en 2005 anunciou a compra de dez Airbus A350 e o aluguer de catro A330-200 e un A340-200, tamén de Airbus, para realizar novos voos de longo percorrido.

O 5 de setembro de 2007, Air Europa xuntamente con Copa Airlines e Kenya Airways, anuncian a súa entrada oficial como membros alianza SkyTeam, que conta com membros como Air France, KLM, Alitalia e Aeroméxico entre outros.

O 22 de xaneiro de 2008 anuncia a compra de 8 unidades de Boeing 787-800 Dreamliner, converténdose na primeira aeroliña española en incorporar ese modelo á súa frota.[4]

FrotaEditar

En novembro de 2018 a frota de Air Europa estaba formada polos seguintes avións:[5]

Frota de Air Europa
Avión En servizo Pedidos Pasaxeiros Notas
J Y Total
Airbus A330-200 10 24 275 299 Dous pintados coa librea de SkyTeam

Van ser substituídos por Boeing 787[6]

Airbus A330-300 2 388 388 Van ser substituídos por Boeing 787[6]
ATR 72 4 68 Operados por Swiftair
Boeing 737-800 21 12 168 180 Un pintado coa librea de SkyTeam
Boeing 737 MAX 8 22[6] TBA Entregas a partir de 2020[7]

Substituirán aos 737-800 máis vellos[8][9]

Boeing 787-8 8 22 274 296 Substituirán aos A330[6]
Boeing 787-9 20 30 303 333 Substituirán aos A330[6]
Total 43 38

NotasEditar

  1. "Información Corporativa / Globalia Arquivado 09 de decembro de 2010 en Wayback Machine.." Air Europa. Consultado o 17 de decembro de 2010. "Air Europa Líneas Aéreas, S.A.U. ·Centro Empresarial Globalia. Apdo. Correos-132. 07620 Llucmajor - Baleares - España"
  2. Muñoz, Ramón (2019-11-04). "Iberia compra Air Europa por 1.000 millones de euros". El País (en castelán). ISSN 1134-6582. Consultado o 2019-11-04. 
  3. "Historia". Arquivado dende o orixinal o 04 de xullo de 2008. Consultado o 02 de febreiro de 2012. 
  4. Air Europa e Boeing anuncian un pedido de oito 787 Dreamliner. Arquivado 03 de febreiro de 2009 en Wayback Machine. (en castelán)
  5. "Air Europa Fleet Details and History". www.planespotters.net (en inglés). Consultado o 2018-12-01. 
  6. 6,0 6,1 6,2 6,3 6,4 "Air Europa firmó en 2015 acuerdos para adquirir 20 aviones Boeing 737-8". Expansión.com (en castelán). Consultado o 2018-12-01. 
  7. Press, Europa (2017-06-20). "Air Europa recibe su octavo 'Dreamliner' y culmina la primera fase de la renovación de su flota". europapress.es (en castelán). Consultado o 2018-12-01. 
  8. "Air Europa ultima con Boeing un 'macropedido' de 20 aviones - Sabemos Digital". sabemos.es (en castelán). Consultado o 2018-12-01. 
  9. "Air Europa compra 20 Boeing 737MAX 8 - Fly News". Fly News (en castelán). 2016-07-13. Consultado o 2018-12-01. 

Véxase taménEditar

Ligazóns externasEditar