Yelko Pino
Yelko Pino Caride, nado o 30 de outubro de 1996 en Vigo, é un futbolista galego que xoga como mediapunta no Pontevedra, da Primeira División RFEF.
| Yelko Pino | |||
|---|---|---|---|
 | |||
| Información persoal | |||
| Nome | Yelko Pino Caride | ||
| Nacemento | 30 de outubro de 1996 (27 anos) | ||
| Lugar de nacemento | Vigo | ||
| Altura | 1,72 m | ||
| Posición | Mediapunta | ||
| Información de club | |||
| Club actual | Pontevedra | ||
| Número | 10 | ||
| Carreira xuvenil | |||
| 2011–2013 | Celta | ||
| Carreira sénior | |||
| Anos | Equipos | Aprs | (Gls) |
| 2013–2015 | Celta B | 47 | (1) |
| 2015–2016 | Celta | 0 | (0) |
| 2016 | → Q.P.R. (cedido) | 0 | (0) |
| 2016–2018 | Lugo | 15 | (1) |
| 2017–2018 | → Cultural Leonesa (cedido) | 3 | (0) |
| 2018–2019 | → Ponferradina (cedido) | 6 | (0) |
| 2019–2020 | Atlético Baleares (cedido) | 11 | (0) |
| 2020–2021 | Algeciras | 16 | (0) |
| 2021– | Pontevedra | 35 | (3) |
| Selección nacional | |||
| 2012 | España sub-16 | 5 | (0) |
| 2012 | España sub-17 | 4 | (1) |
| 2014 | España sub-18 | 2 | (0) |
| 2013–2014 | España sub-19 | 8 | (2) |
|
Partidos e goles só en liga doméstica. Club: actualizado a 23 de outubro de 2022. [ editar datos en Wikidata ] | |||
Traxectoria editar
Nado en Vigo, Yelko Pino é un dos membros da xeración de xuvenís do Celta de Vigo que alcanzou a final da Copa de Campións celebrada na cidade olívica en 2013. Na posición de mediapunta, destacou como un dos piares do equipo dirixido por David de Dios, a pesar de ser un ou dous anos menor que a maioría dos seus compañeiros. Posteriormente subiu ao filial celeste, estreandose na Segunda División B con tan só 16 anos. No seu primeiro ano disputou un total de 32 partidos, 24 deles como titular, marcando un gol na penúltima xornada, cando o descenso do filial a Terceira era xa unha realidade.
A continuación estreouse co primeiro equipo, con Paco Herrera como adestrador, nun amigábel no Estadio de Balaídos ante o Club Deportivo Lugo. A súa proxección fixo que renovase o seu contrato co Celta en 2013 por cinco tempadas, rexeitando ofertas do FC Barcelona e do FC Porto.[1] En troques, o club estipulou no seu contrato que a partir do verán de 2015 sería membro do primeiro equipo. Con todo, a dirección deportiva do Celta decidiu que o rapaz permanecese no Celta B, feito que contrastaba coa cláusula do seu contrato.
En setembro de 2015, despois do peche do mercado de estival, o Celta asegurou que chegara a un acordo co Swindon Town para cedelo a este equipo. Con todo, o club da League One non puido inscribilo nese momento. En xaneiro de 2016, Pino saíu do Celta rumbo ao Queens Park Rangers da Championship,[2] ao que chegou cedido até final de tempada. Alí xogou co equipo sub-21, non chegando a disputar partidos oficiais co primeiro equipo.
Tras regresar de terras inglesas, o xogador asinou libre polo Lugo da Segunda División, cun contrato de tres temporadas.[3] Debutou co equipo de Luis César na segunda xornada de liga, contra o Zaragoza no Anxo Carro,[4] e disputou un total de 16 partidos durante a campaña, marcando un gol nunha vitoria por 1-0 contra o Reus.[5] Na tempada 2017/18 saíu cedido á Cultural Leonesa, equipo de Segunda adestrado polo galego Rubén de la Barrera, onde xogou só 83 minutos en liga ata que o seu contrato foi rescindido en xaneiro de 2018, despois de que vise a luz un vídeo no que insultaba ao club.[6][7] Xogou o resto da tempada cedido no máximo rival dos leoneses, a Ponferradina, da Segunda B.
En agosto de 2018 fichou polo Atlético Baleares, tamén de Segunda B.[8] Apenas contou con minutos, disputando só seis partidos como titular nunha tempada na que o club de Palma acabou como campión do seu grupo, pero non logrou o ascenso. Na seguinte campaña xogou no Algeciras, da mesma categoría, onde xogou só cinco partidos como titular.[9]
Para a tempada 2021/22 asinou co Pontevedra, da Segunda División RFEF.[10] Titular en case todos os partidos, logrou co equipo pontevedrés o ascenso á Primeira División RFEF.
Clubs editar
| Club | Categoría | Ano | Partidos | Goles |
|---|---|---|---|---|
| Celta B | Segunda B | 2013−2014 | 32 | 1 |
| Celta B | Segunda B | 2014−2015 | 15 | 2 |
| Celta | Primeira | 2015−2016 | 0 | 0 |
| Queens Park Rangers | Championship | 2015−2016 | 0 | 0 |
| Lugo | Segunda | 2016−2017 | 15 | 1 |
| Cultural Leonesa | Segunda | 2017−2018 | 3 | 0 |
| Ponferradina | Segunda B | 2018−2019 | 6 | 0 |
| Atlético Baleares | Segunda B | 2019−2020 | 11 | 0 |
| Algeciras | Segunda B | 2020−2021 | 16 | 0 |
| Pontevedra | Segunda B | 2021−2022 | 13 | 2 |
Palmarés editar
- Atlético Baleares
- Segunda División B (1): 2018/19.
- Pontevedra
- Segunda División RFEF (1): 2021/22.
Notas editar
- ↑ "Novo impulso á canteira: Yelko Pino, celeste as próximas cinco tempadas". Celta de Vigo. 22 de febreiro de 2013. Arquivado dende o orixinal o 18 de setembro de 2016. Consultado o 15 de xullo de 2016. Arquivado 18 de setembro de 2016 en Wayback Machine.
- ↑ "Yelko Pino se pone a las órdenes de Jimmy Floyd Hasselbaink". Vigo É (en castelán). 2 de febreiro de 2016. Arquivado dende o orixinal o 13 de outubro de 2016. Consultado o 15 de xullo de 2016. Arquivado 13 de outubro de 2016 en Wayback Machine.
- ↑ "Yelko Pino xogará no Lugo tras o seu final polémico no Celta". CRTVG. 14 de xullo de 2016. Arquivado dende o orixinal o 11 de setembro de 2016. Consultado o 15 de xullo de 2016.
- ↑ "Pino: "La reacción ante el Zaragoza fue muy buena"" (en castelán). 28 de agosto de 2016. Consultado o 17 de decembro de 2021.
- ↑ "Yelko Pino frena al Reus en Lugo". Diario Sport (en castelán). 7 de setembro de 2017. Consultado o 17 de decembro de 2021.
- ↑ "La Leonesa rechaza palabras de Yelko Pino que tiene horas contadas en el club". Mundo Deportivo (en castelán). 13 de xaneiro de 2018. Consultado o 17 de decembro de 2021.
- ↑ "La Cultural Leonesa rescinde el contrato de Yelko Pino". La Voz de Galicia (en castelán). 19 de xaneiro de 2018. Consultado o 17 de decembro de 2021.
- ↑ "El Atlético Baleares anuncia el fichaje de Yelko Pino" (en castelán). 23 de agosto de 2018. Consultado o 17 de decembro de 2021.
- ↑ "Yelko Pino y una misión: reivindicarse en el Algeciras" (en castelán). 9 de setembro de 2020. Consultado o 17 de decembro de 2021.
- ↑ "O Pontevedra reforza o seu centro do campo coa fichaxe de Yelko Pino". Pontevedra Viva. 6 de setembro de 2021. Consultado o 17 de decembro de 2021.
Véxase tamén editar
Ligazóns externas editar
- José Bonilla (31 de maio de 2013). "La ilusión reside en A Madroa: Yelko Pino y Santi Mina". Reyes del Balón (en castelán).