Xosé Manuel Maceira

Xosé Manuel Maceira Fernández, nado en Orazo (A Estrada) o 4 de xaneiro de 1964, é un escritor e crítico literario galego.

Xosé Manuel Maceira

Biografía
Nacemento	4 de xaneiro de 1964 (60 anos) Orazo, España
Educación	Universidade de Santiago de Compostela
Actividade
Ocupación	escritor, teórico literario, profesor de ensino secundario
Premios
(2007)  Premio Carvalho Calero de investigación lingüística

Traxectoria

Fixo a educación primaria en Covelo e a secundaria en Ponteareas e na Estrada. Licenciouse en Filoloxía Hispánica, especialidade de Galego-portugués, na Universidade de Santiago de Compostela, sendo bolseiro do Instituto da Lingua Galega. Traballa como docente no ensino medio, exercendo como profesor de Lingua Galega e Literatura. Ten colaborado con artigos en O Correo Galego e La Voz de Galicia.

Obras

Ensaio

• A literatura galega no exilio. Consciencia e continuidade cultural, 1995, Edicións do Cumio.
• O nacionalismo cívico: interpretación do contributo da Irmandade da Fala da Coruña, 2007, Laiovento.
• Leandro Carré. Un século de cultura e compromiso, 2014, Alvarellos.

Edicións

• Literatura na diáspora bonaerense. Antoloxía, 1997, AS-PG/A Nosa Terra.
• Polos camiños do pobo, de Emilio Pita, 1999, Ediciós do Castro.
• Poemas e cantigas. Retesía, 2004, Espiral Maior.
• Vieiros de brétema, 2005, Espiral Maior.
• Obra inédita e esquecida: teatro, contos, ensaios e lendas, 1915-1972, de Leandro Carré Alvarellos, 2006, Alvarellos.

Obras colectivas

• Actas do Congreso Castelao, 1989, Universidade de Santiago.
• Novo do trinque, 1997, BNG.
• Guerra Civil e Literatura Galega (1936-1939), 2006, Xerais.

Véxase tamén

Ligazóns externas

• "Biografía de Xosé Manuel Maceira". Concello da Estrada. Arquivado dende o orixinal o 05 de xuño de 2020. Consultado o 09 de abril de 2020.