Xavier Pardo

Xavier Pardo
Biografía
Nacemento	1 de decembro de 1903 ; Santiago de Compostela, España
Morte	3 de xullo de 1969 (65 anos); A Coruña, España
Actividade
Ocupación	óptico, xornalista, escritor

Xavier Pardo Bedía, nado en Santiago de Compostela o 1 de decembro de 1903, e finado na Coruña o 3 de xullo de 1969^[1], foi un óptico, xornalista e escritor galego.

Traxectoria

Homenaxe a Otero Pedrayo polo seu ingreso na RAG en 1929. De pé: César Otero, José Berguer, Pardo, Liste Mourenza, Abelaira, Salvador Mosteiro, Manuel Cabanillas, Calviño Domínguez e A. Villar Ponte. Sentados: Laureano Alonso, Eladio Rodríguez, Otero Pedrayo, Risco, Ángel del Castillo e Rafael González Villar.

Fillo do óptico santiagués Jaime Pardo Montes. Colaborou en Nós e foi correspondente de Galicia en Santiago de Compostela. En outubro de 1924 creou en Compostela a editora Libredón, que publicaba a revista mensual do mesmo nome na que aparecían novelas curtas en galego; a primeira foi a titulada Mariña Andrade, da autoría do propio Xavier Pardo.^[2] Ingresou o 18 de outubro de 1924 no Seminario de Estudos Galegos, onde leu o 28 de novembro do ano seguinte o traballo As leendas da morte na Baixa Bretaña, tradución de Anatole Le Braz, que xa publicara por entregas no periódico Galicia^[3].

En 1926, Ano Xacobeo, foi canda a Vicente Risco, Ramón Otero Pedrayo, Lois Feixoo e Antón Sánchez desde Ourense a Santiago de Compostela como peregrinos. Froito desta ruta de catro días, escribiu o texto No camiño de San-Yago, publicado por capítulos na revista A Nosa Terra entre xullo de 1926 e abril de 1927.

A finais da década de 1920 instalouse na Coruña, onde abriu unha óptica. Durante o franquismo foi concelleiro da Coruña (1958) e deputado provincial (1964) vicepresidente da Deputación da Coruña, onde promoveu a adquisición do Sanatorio Psiquiátrico de Conxo pola institución.^[4]

Obras

Mariña Andrade.^[5]

Vida persoal

Casou na Coruña con Ramona Murias Reigada en 1929.^[6]

Recoñecementos

A Deputación da Coruña concedeulle a Medalla de Prata da provincia a título póstumo.

Notas

↑ Necrolóxica en La Voz de Galicia, 4-7-1969, p. 22, 23.
↑ El Compostelano, 16-10-1924, p. 3.
↑ Galicia. Diario de Vigo, 16-3-1924, p. 3.
↑ El Pueblo Gallego, 23-8-1969, p. 11.
↑ Ficha da obra
↑ El Progreso, 2-7-1929, p. 2.

Véxase tamén

Ligazóns externas

Discurso de Xabier Pardo Bedía para homenaxear a Luís Porteiro Garea Arquivado 13 de xaneiro de 2018 en Wayback Machine.

[1] Necrolóxica en La Voz de Galicia, 4-7-1969, p. 22, 23.

[2] El Compostelano, 16-10-1924, p. 3.

[3] Galicia. Diario de Vigo, 16-3-1924, p. 3.

[4] El Pueblo Gallego, 23-8-1969, p. 11.

[5] Ficha da obra

[6] El Progreso, 2-7-1929, p. 2.

[1]

[2]

[3]

[4]

[5]

[6]

Biografía
Nacemento	1 de decembro de 1903 Santiago de Compostela, España
Morte	3 de xullo de 1969 (65 anos) A Coruña, España
Actividade
Ocupación	óptico, xornalista, escritor