Wim Wenders

Wilhelm Wim Ernst Wenders, nado en Düsseldorf o 14 de agosto de 1945, é un guionista, produtor, actor e director de cine alemán.

Wim Wenders
Nome completo	Ernst Wilhelm Wenders
Nacemento	14 de agosto de 1945
Lugar de nacemento	Düsseldorf
Nacionalidade	Alemaña
Alma máter	University of Television and Film Munich
Ocupación	director de cinema, actor, fotógrafo, guionista, profesor universitario e produtor de cinema
Cónxuxe	Ronee Blakley, Lisa Kreuzer, Donata Wenders e Edda Köchl-König
Coñecido por	Der Himmel über Berlin, In weiter Ferne, so nah!, Buena Vista Social Club e Paris, Texas
Premios	León de Ouro, Palma de Ouro, Prémio de Melhor Realizador de Cannes, Premio Helmut-Käutne, Grã-cruz do Mérito com Estrela da Ordem do Mérito da República Federal da Alemanha, Orde do Mérito das Ciencias e as Artes, Ordem de Mérito da Renânia do Norte-Vestfália, Ring of Honour of the city Wuppertal, Leopard of Honour, Commandeur des Arts et des Lettres‎, Comendador da Ordem do Mérito, Prémio do Cinema Europeu de melhor realizador, European Film Award for Best Documentary, European Film Award for Best Documentary, lista de filmes premiados com o BAFTA de melhor diretor, Golden Medal for Merit to Culture, Pour le Mérite, Premio Goya á mellor película documental, Grand Prix, Honorary Golden Bear, FIPRESCI Prize of the Festival de Cannes, FIPRESCI Prize of the Festival de Cannes, Prix OCIC du Festival de Cannes, Oso de Prata, Robert-Bresson Award, Un certain regard Award, Prix OCIC du Festival de Cannes, François Chalais Prize e César Award for Best Documentary Film
Na rede
https://www.wim-wenders.com/
[ editar datos en Wikidata ]

Biografía

Estudou medicina e filosofía na universidade de Friburgo e planeou converterse en sacerdote, pero finalmente comezou a estudar na Escola de Cine e Televisión de Múnic.

De 1967 a 1970 frecuenta a Hochschule für Filme und Fernsehen en Múnic, pero xa en 1967 realizou a súa primeira curta Schauplätze. Ao ano seguinte fai outras tres: Same Player Shoots Again, Klappenfilm, dirixida xunto a Gerhard Theuring, e Victor I. O mesmo ano empeza a colaborar como crítico en "Filmkritk" e "Suddeutsche Zeitung".

Nado nunha época na que Alemaña comezou a virar cara á cultura estadounidense para esquecer o seu propio pasado, Wenders tende a explorar nas súas películas a presenza estadounidense no inconsciente europeo, ou máis concretamente a americanización da Alemaña de posguerra.

Coa súa película Der amerikanische Freund (1977), baseada na novela Ripley's Game, de Patricia Highsmith, Wenders obtivo recoñecemento internacional. A partir dese momento Wenders comezou o que podería denominarse a súa etapa máis prolífica, encadeando títulos experimentais como Lightning Over Water (1980) e Stand der Dinge (1982) con historias intimistas e máis convencionais como París, Texas (1984), Der Himmel über Berlin (1987) ou a súa secuela In weiter Ferne, so nah! (1993) .

En 2005 rodou a longametraxe en formato dixital Don't Come Knocking (2005).

Ademais de longametraxes, tamén tivo unha importante actividade como director de curtametraxes, de documentais e de programas para a televisión, así como guionista, produtor e ata actor.

Filmografía (longametraxes)

• 1970 - Summer in the city, dedicado a The Kinks, guión: Wim Wenders.
• 1971 - Die Angst des Tormanns beim Elfmeter, guión: Wim Wenders baseado na novela de Peter Handke.
• 1972 - Der scharlachrote Buchstabe (A letra escarlata), guión: Wim Wenders, Ursula Ehler e Bernardo Fernández. Baseado na novela do mesmo título de Nathaniel Hawthorne.
• 1974 - (Alice in den Städten) (Alicia nas cidades), guión: Wim Wenders, Veith von Fürstenberg.
• 1974 - Falsche Bewegung (Falso movemento), guión: Peter Handke.
• 1975 - Im Lauf der Zeit (No curso do tempo), guión: Wim Wenders.
• 1977 - Der amerikanische Freund (O amigo americano) , guión: Wim Wenders baseado na novela de Patricia Highsmith Ripley's game.
• 1980 - Lightning over water (Lóstrego sobre a agua) - Co-Dirección: Nicholas Ray.
• 1982 - Der Stand der Dinge (O estado das cousas), guión: Wim Wenders, Robert Kramer.
• 1982 - Hammett o home de Chinatown, guión: Ross Thomas e Dennis O'Flaherty, adaptación: Thomas Pope baseada no libro de Joe Gores, terminada case na súa totalidade por Francis Ford Coppola.
• 1984 - París, Texas, guión: Sam Shepard.
• 1987 - Der Himmel über Berlin (O ceo sobre Berlín), Wings of desire ou As as do desexo), guión: Wim Wenders e Peter Handke.
• 1991 - Bis ans Ende der Welt / Until the end of the world (Ata a fin do mundo), guión: Peter Carey e Wim Wenders segundo un argumento de Wim Wenders e Solveig Donmartin.
• 1993 - In weiter Ferne, so nah!, (¡Tan lonxe, tan cerca!) guión: Wim Wenders, Ulrich Zieger, Richard Reitinger. Continuación de Bis ans Ende der Welt.
• 1994 - Lisbon Story, guión: Wim Wenders.
• 1995 - Par delà les nuages (Máis alá das nubes) - Dirección: Michelangelo Antonioni e Wim Wenders. Guión: Tonino Guerra, Michelangelo Antonioni e Wim Wenders segundo relatos de Michelangelo Antonioni.
• 1996 - The Gebrüder Skaladanowsky (The Gebrüder Skaladanowsky), guión: Sebastian Andrae, German Kral, Alina Teodorescu.
• 1997 - The end of violence (A fin da violencia), guión: Nicholas Klein, Wim Wenders.
• 1999 - Buena Vista Club Social
• 2000 - The Million Dollar Hotel El hotel del millón de dólares, guión: Nicholas Klein, segundo un argumento de Bono (U2) e Nicholas Klein.
• 2003 - The soul of a man
• 2004 - Land of Plenty (Terra de abundancia), guión: Scott Derrickson.
• 2005 - Don´t come knocking (Chamando ás portas do ceo), guión: Sam Shepard e Wim Wenders
• 2007 - Invisibles (capítulo Crimes invisibeis)
• 2008 - Palermo shooting
• 2011 - Pina