Michelangelo Antonioni

Michelangelo Antonioni
	;
Biografía
Nacemento	29 de setembro de 1912 ; Ferrara (Italia)
Morte	30 de xullo de 2007 (94 anos); Roma, Italia
Lugar de sepultura	Certosa of Ferrara (en)
Residencia	Ferrara ; Reino de Italia
Relixión	Ateísmo
Educación	Universidade de Boloña - economía (valor descoñecido–1935); Centro Sperimentale di Cinematografia (pt) (1940–1942)
Actividade
Ocupación	director de cinema, produtor de cinema, pintor, poeta, montador, escritor, guionista, realizador
Período de actividade	1950 - 2007
Xénero artístico	Poesía
Obra
	Obras destacables (1960) A Aventura (pt) ; (1962) O Eclipse (pt) ; (1966) Ampliación ;
Familia
Cónxuxe	Enrica Fico (1986–2007)
Parella	Monica Vitti
Premios
	(1994) Óscar Honorífico; (1993) Premio do Cinema Europeo á traxectoria; (1976) David Luchino Visconti (en) ; (1966) National Society of Film Critics Award for Best Director (en) , premiado polo traballo Ampliación; (1964) León de Ouro, premiado polo traballo O deserto vermello; (1962) Prêmio do Júri do Festival de Cannes (pt) , premiado polo traballo O Eclipse (pt) ; (1961) David di Donatello for Best Director (en) , premiado polo traballo A noite; (1960) Sutherland Trophy (en) , premiado polo traballo A Aventura (pt) ; (1960) Prêmio do Júri do Festival de Cannes (pt) , premiado polo traballo A Aventura (pt) ; (1957) Leopardo de Ouro, premiado polo traballo Il Grido (en) ; (1956) Nastro d'Argento (pt) ; (1955) Leão de Prata (pt) ; Cabaleiro da Lexión de Honra; Palma de Ouro; Ordre des Arts et des Lettres; Oso de Ouro; Medalla de Ouro da Orde do Mérito para a Cultura e a Arte; Cabaleiro da Gran Cruz da Orde ao Mérito da República Italiana; Cabaleiro da Gran Cruz da Orde ao Mérito da República Italiana; Premio Feltrinelli ;
Descrito pola fonte	Grande Enciclopedia Soviética 1969-1978, (sec:Антониони Микеланджело); Obálky knih, ; Enciclopedia soviética armenia, volume 1, (p.455)
Sitio web	michelangeloantonioni.it

Michelangelo Antonioni, nado en Ferrara o 29 de setembro de 1912 e finado en Roma o 30 de xullo de 2007, foi un cineasta, escritor e pintor italiano.

Traxectoria

Graduouse en economía pola Universidade de Bologna e en 1942 chegou a Roma, onde cursou estudos no Centro Sperimentale dei Cinematografia de Cinecittà. Alí coñeceu a algúns dos artistas cos que cooperou nos anos seguintes; entre eles Roberto Rossellini, "pai" da escola do neorrealismo italiano.

Politicamente describiuse a si mesmo como anti-fascista, así como "marxista intelectual", pero algúns autores dubidan sobre o seu seguimento a esta ideoloxía. En contraste co seu contemporáneo Federico Fellini, cuxas primeiras obras viran arredor da vida das clases obreiras e os inadaptados sociais, as películas máis representativas de Antonioni na súa primeira etapa baséanse nas elites e burguesías urbanas e en como se relacionan cunha contorna que apenas entenden: Cronaca di un amore e La Signora senza camelie son sendas óperas prima onde o director traza unha reflexión nada compracente do mundo burgués con aparencias de simple melodrama.

Le amiche (1954), sobre un relato de Cesare Pavese e con destacable actuación da menosprezada Eleonora Rossi Drago, empeza a conformar o estilo característico do seu director, trascendendo unha historia de seu atractiva para experimentar con temáticas, estilos expresivos de narrar e encadrar, estéticas con discursos de dobres lecturas etc. Só unha vez, este director trazou a súa visión do burgués a través do punto de vista do mundo obreiro: en 1957 Il Grido (con Steve Cochran e Allida Valli non só supón a súa primeira obra mestra absoluta, senón tamén o antecedente directo á incomunicación do ser humano que tanto obsesionou ó director na súa famosa triloxía. Este filme reflicte a súa personalidade e estilo.

A década de 1960 foron o momento do recoñecemento internacional do director e do seu encontro con Monica Vitti coa que rodou L'Avventura. Tanto A noite como L'eclisse fascinaron a toda Europa e chegaron a cruzar as súas fronteiras.

En 1964 chega o seu primeiro filme en cor e, para moitos, o principio da fin do seu "reinado" con O deserto vermello. Pese ó descomunal éxito de Ampliación, Palma de Ouro en Cannes incluída, o certo é que a súa carreira entrou nunha irregularidade artística e nunha especie de bloqueo creativo do que non lle foi nada fácil saír. Da última e menos coñecida etapa do realizador, destaca O reporteiro en 1974 (con Jack Nicholson e Maria Schneider e Chunk Kuo (1972), revelador traballo documental sobre a China do momento, bastante máis que Il Mistero di Oberwald ou Identificazione di una donna.

Desde a década de 1990 volveu traballar en proxectos tan ambiciosos como errados: Al di là delle nuvole e Eros (2006).

Unha das obras máis soadas deste cineasta é a devandita Ampliación, baseada nun relato curto de Julio Cortázar. Trátase dunha película ambientada no swinging London e baseada na peripecia dun fotógrafo que cre descubrir un asasinato a través das súas fotografías.

Antonioni morreu ós 94 anos, o mesmo día que outro dos grandes cineastas do século XX, Ingmar Bergman.

Filmografía

Eros (2004) (o segmento chamado "Il filo pericoloso delle cose")
Lo Sguardo di Michelangelo, (2004)
Al di là delle nuvole (1995) Codirixida con Wim Wenders
Noto, Mandorli, Vulcano, Stromboli, Carnevale (1993)
12 registi per 12 città (1989) (Segmento: "Roma")
Kumbha Mela (1989)
Identificazione di una donna (1982)
Il Mistero di Oberwald, (1981)
Suffer or Die (1979)
O reporteiro (1975)
Chung Kuo - Cina (1972)
Zabriskie Point (1970)
Ampliación (1966)
I Tre volti, (1965) (segmento "Il provino")
O deserto vermello (1964)
L'Eclisse (1962)
A noite (1961)
L'Avventura (1960)
Baixo o signo de Roma (1959)
Il Grido (1957)
Le Amiche (1955)
L'Amore in città (1953) (Segmento "Tentato suicido")
I Vinti (1953)
La Signora senza camelie (1953)
Cronaca di un amore (1950)
La Funivia del faloria (1950)
La Villa dei mostri (1950)
L'Amorosa menzogna (1949)
Bomarzo (1949)
Ragazze in bianco (1949)
Sette canne, un vestito (1949)
Superstizione (1949)
Nettezza urbana (1948)
Oltre l'oblio (1948)
Roma-Montevideo (1948)
Gente del Po (1943)

Véxase tamén

Ligazóns externas

"Lo sguardo de Michelangelo" na revista Tren de sombras
Classic Movies (1939 - 1969): Michelangelo Antonioni
"En la muerte de Antonioni" artigo de Rubén Osuna (en castelán).

Biografía

Nacemento	29 de setembro de 1912 Ferrara (Italia)
Morte	30 de xullo de 2007 (94 anos) Roma, Italia
Lugar de sepultura	Certosa of Ferrara ^(en)
Residencia	Ferrara Reino de Italia
Relixión	Ateísmo
Educación	Universidade de Boloña - economía (valor descoñecido–1935) Centro Sperimentale di Cinematografia ^(pt) (1940–1942)
Actividade
Ocupación	director de cinema, produtor de cinema, pintor, poeta, montador, escritor, guionista, realizador
Período de actividade	1950 - 2007
Xénero artístico	Poesía
Obra
Obras destacables (1960) A Aventura ^(pt) (1962) O Eclipse ^(pt) (1966) Ampliación
Familia
Cónxuxe	Enrica Fico (1986–2007)
Parella	Monica Vitti
Premios
(1994) Óscar Honorífico (1993) Premio do Cinema Europeo á traxectoria (1976) David Luchino Visconti ^(en) (1966) National Society of Film Critics Award for Best Director ^(en) , premiado polo traballo Ampliación (1964) León de Ouro, premiado polo traballo O deserto vermello (1962) Prêmio do Júri do Festival de Cannes ^(pt) , premiado polo traballo O Eclipse ^(pt) (1961) David di Donatello for Best Director ^(en) , premiado polo traballo A noite (1960) Sutherland Trophy ^(en) , premiado polo traballo A Aventura ^(pt) (1960) Prêmio do Júri do Festival de Cannes ^(pt) , premiado polo traballo A Aventura ^(pt) (1957) Leopardo de Ouro, premiado polo traballo Il Grido ^(en) (1956) Nastro d'Argento ^(pt) (1955) Leão de Prata ^(pt) Cabaleiro da Lexión de Honra Palma de Ouro Ordre des Arts et des Lettres Oso de Ouro Medalla de Ouro da Orde do Mérito para a Cultura e a Arte Cabaleiro da Gran Cruz da Orde ao Mérito da República Italiana Cabaleiro da Gran Cruz da Orde ao Mérito da República Italiana Premio Feltrinelli

Descrito pola fonte	Grande Enciclopedia Soviética 1969-1978, (sec:Антониони Микеланджело) Obálky knih, Enciclopedia soviética armenia, volume 1, (p.455)
Sitio web	michelangeloantonioni.it