Ubaldo Gil Santóstegui

Ubaldo Gil Santóstegui, nado en Vigo o 9 de xuño de 1879 e finado na mesma cidade o 27 de agosto de 1936, foi un médico e político galego

Ubaldo Gil Santóstegui
Nacemento	9 de xuño de 1879
Lugar de nacemento	Vigo
Falecemento	28 de agosto de 1936 e 27 de agosto de 1936
Lugar de falecemento	Vigo
Nacionalidade	España
Ocupación	médico, político e sindicalista
[ editar datos en Wikidata ]

Traxectoria

Exerceu a súa profesión médica en Vigo, destacando por ter sido, xunto co doutor Nicolás Paz Pardo, o primeiro en establecer un gabinete de raios X na cidade en 1913. Membro do Partido Socialista Obrero Español (PSOE) e da Unión General de Trabajadores (UGT), foi elixido deputado provincial en 1921, presentándose despois como candidato socialista a deputado ao Congreso nas eleccións de 1923 sen obter escano. Nas eleccións municipais de 1931 foi elixido concelleiro de Vigo, onde chegou a ser tenente de alcalde.

Coa sublevación do 18 de xullo de 1936, foi detido, xulgado en consello de guerra sumarísimo e condenado a morte, sendo executado no Cemiterio de Pereiró xunto aos deputados Ignacio Seoane, Enrique Heraclio Botana e Antonio Bilbatúa Zubeldía, os seus compañeiros de corporación, o concelleiro Ramón González Brunet e o alcalde, Emilio Martínez Garrido, o alcalde de Lavadores, José Antela, o mestre e pedagogo, Apolinar Torres e Manuel Rey Gómez.

Véxase tamén

Ligazóns externas

• Entrada, no Diccionario biográfico del socialismo español. (en castelán)
• Ubaldo Gil Santóstegui na páxina web Nomes e Voces.