Wageningen

municipio e cidade histórica dos Países Baixos, na provincia de Güeldres

Coordenadas: 51°57′52″N 5°39′47″L / 51.96444, -5.66306

Wageningen é unha cidade e municipio da provincia de Güeldres, nos Países Baixos.

Casa do Concello.

XeografíaEditar

 
Localización do municpio na provincia

Wageningen está situada na beira norte do río Rin, na fronteira coa provincia de Utrecht, e consta de dous asentamentos: Wageningen e Wageningen Hoog.[1]

Unha elevación ao suroeste de Wageningen chamase Wageningse Berg (Montaña de Wageningen).

A unha altitude media de 9 msnm, o municipio ocupa unha superficie de 32,36 km², dos que 1,82 km² son de auga.

Segundo o censo de 2019 tiña 38 774 habitantes, polo quea súa densidade de poboación nese ano de 1 230 hab./km².

HistoriaEditar

O asentamento máis antigo coñecido en Wageningen estaba situado cerca do río, ao fondo do outeiro Wageningen Berg. Durante o medievo o asentamento trasladouse máis arriba. Encontráronse restos dunha igrexa pequena e dalgunhas granxas con edificacións de madeira cerca do cumio da Wageningse Berg.

 
Wageningen no século XVII

No século XII xurdiu un asentamento onde agora se sitúa a rúa Bergstraat (rúa da Montaña), no centro de Wageningen. Despois da construción dun dique para protexer á vila do pantano que naquel tempo cubría esta parte de Güeldres, fixo posíbel o desenvolvemento da vila.

Debido á súa situación estratéxica, Wageningen era considerada xa unha cidade no século XIII. O 2 de xuño de 1263 Wageningen alcanzou o título de "cidade".[2] Esta estaba defendida por unha muralla e un canal.

Para fortalecer a cidade, o duque Carlos de Güelders construíu en 1526 unha fortaleza, que foi destruída polas tropas francesas en 1672. O daquela señor do castelo, o barón Adolfo Lubbert Torck, construíu un novo sobre as ruínas do antigo.[2] Hoxe en día permanecen visíbeis restos de tres torres e parte da muralla.

Wageningen tamén é famosa pola súa historia militar. O 6 de maio de 1945 o xeneral alemán Johannes Blaskowitz rendeuse ao xeneral canadense Charles Foulkes, terminando así a Segunda Guerra Mundial para os Países Baixos. Os xenerais asinaron a capitulación no Hotel de Wereld en Wageningen.[2] Cada 5 de maio, o día da liberación dos Países Baixos, a cidade celebra un gran festival para celebrar a liberación, cun desfile de veteranos da guerra que son honrados polos seus servizos nesa ocasión.

A Universidade de WageningenEditar

Wageningen é famosa pola súa Universidade, a Wageningen Universiteit en Researchcentrum, especializada en Ciencias Naturais, na que estudan varios milleiros de estudantes de máis de 150 países[Cómpre referencia].No curso académico 2010-2011 tiña máis de 7 800 alumnos e alumnas matriculadas, e a Universidade e as institucións de investigación relacionadas con ela dan emprego a 7 400 persoas, das cales soamente o 40 % residen en Wageningen.

A Universidade fundouse en 1876 como Escola de Agricultura Municipal, transformada en 1918 nun centro de ensinanza superior, a Landbouwhogeschool Wageningen (Escola Politécnica de Agricultur), e despois Universidade Agraria de Wageningen.[3] Así, a cidade transformouse nunha comunidade educativa e tecnolóxica moderna. Hoxe Wageningen é o centro do Foodvalley (Val dos alimentos),[4] unha grande aglomeración de empresas e institutos de investigación que se especializa en innovaciones de alimentos.

O seu campus está establecido nas aforas da cidade, o que lle permite planificar numerosas ampliacións das súas instalacións, centradas nas ciencias da vida, a socioloxía, as relacións comerciais e o recursos naturais.

 
Panorámica do campus da Universidade

Galería de imaxesEditar

NotasEditar

  1. Mapa da situación do municipio. Consultado o 9 de xullo de 2020.
  2. 2,0 2,1 2,2 History of Wageningen (en inglés). Consultada o 9 de xullo de 2020.
  3. Historie van Wageningen University & Research (en neerlandés). Consultada o 9 de xullo de 2020.
  4. Food Valley (en inglés). Consultada o 9 de xullo de 2020.

Véxase taménEditar

Ligazóns externasEditar