Wikipedia

Vik Muniz

artista brasileiro

Vik Muniz, nome artístico de Vicente José de Oliveira Muniz, nado en São Paulo o 20 de decembro de 1961, é un artista brasileiro establecido nos Estados Unidos. Experimenta con novos soportes e materiais e boa parte da súa obra é de temática social.

Infotaula de personaVik Muniz

Editar o valor em Wikidata
Biografía
Nacemento(pt) Vicente José de Oliveira Muniz Editar o valor em Wikidata
20 de decembro de 1961 Editar o valor em Wikidata (62 anos)
São Paulo, Brasil Editar o valor em Wikidata
Embaixador de Boa Vontade da UNESCO
Editar o valor em Wikidata
Datos persoais
País de nacionalidadeBrasil Editar o valor em Wikidata
EducaciónFundação Armando Álvares Penteado (pt) Traducir Editar o valor em Wikidata
Actividade
Campo de traballoArtes visuais Editar o valor em Wikidata
Lugar de traballo Río de Xaneiro
Brooklyn Editar o valor em Wikidata
Ocupaciónfotógrafo , debuxante , escritor , debuxante arquitectónico , artista land , director de cinema , artista visual , pintor , escultor Editar o valor em Wikidata
EmpregadorBard College (pt) Traducir Editar o valor em Wikidata
Xénero artísticoRetrato e ready-made (pt) Traducir Editar o valor em Wikidata
MovementoArquitectura barroca e Arte contemporánea Editar o valor em Wikidata
LinguaLingua portuguesa Editar o valor em Wikidata
RepresentanteArtists Rights Society Editar o valor em Wikidata
Participou en
novembro de 2010Pinta Art Show (en) Traducir
World Economic Forum Annual Meeting 2013 (en) Traducir Editar o valor em Wikidata
Obra
Obras destacables
Premios
Páxina webvikmuniz.net Editar o valor em Wikidata
IMDB: nm3297139 Allocine: 505218 Allmovie: p674038
TED: vik_muniz Editar o valor em Wikidata

Biografía editar

 
Vik Muniz xunto á entón ministra de Cultura do Brasil Ana de Hollanda, na Rio + 20.

Fillo dos pernambucanos Vicente Lopes e María Celeste de Oliveira Muniz, foi estudante da Fundação Armando Álvares Penteado (FAAP), onde frecuentou as aulas do curso de Publicidade e Propaganda.[1]

 
Vik Muniz con fotos da súa serie Perfect Strangers

As súas obras están feitas con materiais pouco comúns, como lixo, restos de demolición e compoñentes como o azucre e o chocolate. Na súa pintura de Sigmund Freud utilizou o xarope de chocolate para crear a imaxe. Para a súa serie Sugar Children, Muniz foi a unha plantación en St. Kitts para fotografar algúns fillos de operarios que traballan alí. Despois de regresar a Nova York, mercou papel marrón e varios tipos de azucre e copiou as instantáneas dos nenos espidos espallando os distintos tipos de azucre no papel e fotografándoo. Isto xerou unha grande controversia, que só se resolveu dous anos despois: a obra foi liberada, pero tería que vendela por só 4 000 R$.

Máis recentemente, creou obras a maior escala, como imaxes esculpidas na terra (xeóglifos) ou feitas con enormes moreas de lixo.

No 81º Christmas Book anual da Neiman Marcus, en 2007, os compradores poderían encomendar, por 110 000 dólares, un dos retratos de chocolate "His & Hers" de Muniz e recibir unha reprodución fotográfica da obra de 60×48. Muniz doou o produto das vendas ao Centro Espacial de Río de Xaneiro, unha organización benéfica que traballa coa arte para nenos e adolescentes pobres no Brasil. Segundo Muniz, "os pobres precisam de dinheiro. É preciso ajudá-los diretamente. Não acredito em arte política. Sensibilizar: você tem o jornal para isso."[2]

Muniz realizou unha exposición individual no University of South Florida Contemporary Art Museum (Museo de Arte Contemporánea da Universidade do Sur de Florida) en Tampa, agora chamada "Vik Muniz: Reflex". Esta exposición, organizada polo Miami Art Museum, estivo exposta no Seattle Art Museum e no PS1 Contemporary Art Museum de Nova York. Até xaneiro de 2008, a exposición estivo exposta no Musée d'Art Compemporain de Montreal, Quebec. Muniz tamén publicou un libro, Reflex - A Vik Muniz Primer (2005: Aperture Foundation, Nova York), que contén unha recompilación do seu traballo e os seus comentarios ao respecto.

A súa obra tamén foi destacada en The Hours-Visual Art of Contemporary Latin America (2007), unha exposición presentada no Museum of Contemporary Art de Sydney, Nova Gales do Sur, Australia.

En 2010, o documental Lixo extraordinario sobre o traballo de Vik Muniz con colectores de material reciclábeis no vertedoiro do Jardim Gramacho, en Duque de Caxias, Brasil, foi premiado no Festival de Sundance. No Festival de Berlín de 2010 foi galardoado en dúas categorías, a de Amnistía Internacional e a do público na mostra Panorama.

Acervos importantes editar

As fotografías tomadas por Vik Muniz forman parte da colección e galerías privadas de San Francisco, Madrid, París, Moscova e Toquio, alén de museos como a Tate Modern e o Victoria and Albert Museum de Londres, o Getty Institute dos Ánxeles, e MAM, en São Paulo. A obra "Boom", parte da serie “The Sarzedo Drawings”, de 2002, fotografía de xelatina de prata con torneado, pódese ver no Museo Inhotim, en Brumadinho, Minas Xerais.[3]

Notas editar

  1. ↑ "Vik Muniz conta como investiga temas que vão da alta cultura a Simpsons". Consultado o 13 de abril de 2015. 
  2. ↑ Allen Strouse (24 de outubro de 2007). "VOICES: For the Price of a Chocolate Portrait...". Consultado o 24 de abril de 2008. 
  3. ↑ James Lisboas (2013). Biografia Vik Muniz. Site James Lisboa, 24 de abril de 2013.

Véxase tamén editar

Ligazóns externas editar

Traído desde «https://gl.wikipedia.org/w/index.php?title=Vik_Muniz&oldid=6264438»