Tuto Vázquez

Xosé Manuel Vázquez Martínez, Tuto Vázquez, nado en Ribeira o 21 de marzo de 1947 e finado o 29 de abril de 2010, foi un actor galego.

Tuto Vázquez
Nome completo	Xosé Manuel Vázquez Martínez
Alcume/outros	Tuto Vázquez
Nacemento	21 de marzo de 1947
Lugar	Ribeira
Falecemento	29 de abril de 2010
Lugar	A Coruña
Nacionalidade	España
Profesión	actor
Coñecido/a por	Mareas vivas Padre Casares
Na rede
[ editar datos en Wikidata ]

Traxectoria

Estudou Maxisterio e Filosofía e posúe o título de Declamación polo Conservatorio Profesional da Coruña e o de Interpretación polo Institut del Teatre de Barcelona.

Tiña grande experiencia como actor teatral e de dobraxe, e na última década participara en varias series de televisión galegas, así como nalgunhas películas con pequenas intervencións e multitude de curtametraxes. Tamén traballou en publicidade, participando en varios spots, e na radio, nun total de 8 temporadas do espazo Preescolar na casa.

Interviu en montaxes teatrais coas compañías Tespis, O facho, Teatro Circo, Escola Dramática Galega, Produccións do Noroeste, Teatro do Atlántico, Centro Dramático Galego e Producións Librescena.

O seu último traballo televisivo foi na serie Padre Casares, onde tivo que ser substituído no personaxe de Don Crisanto por Gonzalo Rei Chao a principios de 2008 debido ao cancro que padecía e do que faleceu en abril de 2010.

Filmografía

• Un café de ollos verdes (1992), de Antonio F. Simón (curtametraxe).
• Blanca Madison (1998), de Carlos Amil.
• O trasto (2002), de Rafael Calvo.
• O lapis do carpinteiro (2003), de Antón Reixa.

Televisión

• Servicio de urxencias
• A familia Pita
• Os outros feirantes (1989)
• Memorias dun parado (1991)
• Pesquisas: O caso das galiñas aforcadas (1991)
• Pratos combinados (1995)
• Mareas vivas (1998-2003)
• Avenida de América (2003)
• As leis de Celavella (2003)
• Padre Casares (2008)

Teatro

(lista parcial)

• Historias del zoo
• En alta mar
• Escena para 4 personajes
• Don Juan
• Sonata de espectros
• Os vellos non deben de namorarse
• A noite vai coma un río
• A voda de Sganarello
• O canto to cisne
• Galileo Galilei
• As tres irmás
• Espectros
• As alegres casadas
• O barbeiro de Sevilla
• Cyrano de Bergerac
• Escuadra hacia la muerte
• El amor de los cuatro coroneles
• Sin querer
• Farsa y justicia del corregidor
• Puntila e o seu criado Matti
• O Señor Bonome e os incendiarios
• Macbeth
• A longa viaxe do Capitán Zelta
• Chejov, Chejov
• ¡Ei Freihmulle!

Galardóns e nomeamentos

Premios Mestre Mateo

Ano	Categoría	Filme	Resultado
2008	Mellor actor secundario	Padre Casares	Nomeado

Véxase tamén

Ligazóns externas

• AVG
• Currículo