Thomas Müller

Thomas Müller
	; (2022)
Biografía
Nacemento	13 de setembro de 1989 (34 anos); Weilheim in Oberbayern, Alemaña
Datos persoais
País de nacionalidade	Alemaña
Altura	185 cm
Peso	76 kg
Actividade
Lugar de traballo	Múnic
Ocupación	futbolista
Período de actividade	15 de agosto de 2008 -
Lingua	Lingua alemá
Nacionalidade deportiva	Alemaña
Deporte	fútbol
Liga	3. Fußball-Liga (pt) e Fußball-Bundesliga
Posición de xogo	Dianteiro e centrocampista
Número deportivo	25
Traxectoria
Participou en
1 de xuño de 2019	Liga de Campións da UEFA 2018-19 ../... 25+
Familia
Cónxuxe	Lisa Müller
	Premios (2022) Bayerischer Sportpreis (en) ; (2010) Bota de Ouro; Orde do Mérito de Baviera; Silbernes Lorbeerblatt ;
Páxina web	esmuellert.de

Thomas Müller, nado o 13 de setembro de 1989 en Weilheim in Oberbayern, Baviera é un xogador profesional de fútbol internacional alemán que actualmente xoga para o Bayern München da 1. Bundesliga, a máxima categoría do fútbol en Alemaña. Pode desempeñarse en multitude de posicións, como volante ofensivo, segundo dianteiro ou extremo. Ten sido eloxiado polo seu ritmo, técnica e compostura, amosando consistencia tanto na anotación como na creación de goles.

Produto da canteira do Bayern München, debutou co primeiro equipo da man do adestrador Louis van Gaal durante a tempada 2009-20, pasando a xogar case tódolos partidos nos que conseguiou tanto a liga como a copa de Alemaña, ademais de ser finalista da Liga de Campións. Isto valeulle a súa convocatoria coa selección alemá que participou no Mundial de Suráfrica de 2010 onde marcou cinco goles en seis partidos, acabando a súa selección no terceiro lugar. Müller foi nomeado mellor xogador novo, sendo ademais o máximo goleador do torneo polo que recibiu a Bota de Ouro.

Traxectoria

Müller incorporouse á disciplina do Bayern de Múnic no 2000 con soamente 10 anos de idade. Debutou co equipo filial en marzo de 2008 nun partido contra o SpVgg Unterhaching. Anotou no devandito encontro, e interveu en dúas ocasións máis na tempada 2007-08 antes de ser descartado por unha lesión.

A pesar de que debutou no primeiro equipo bávaro durante a tempada 2008-2009, foi na 2009-2010 cando apareceu con máis notoriedade, ocupando un posto fixo na dianteira do club muniqués grazas ás lesións dos seus compañeiros. O seu debut na Liga de Campións da UEFA tivo lugar o 10 de marzo de 2009, no partido entre o Bayern de Múnic e o Sporting de Portugal, substituíndo aos 72 minutos a Bastian Schweinsteiger. Müller anotou no minuto 90 o 7 a 1 definitivo.

Clubs

Club	País	Ano	Partidos	Goles
FC Bayern München II	Alemaña	2008-2009	35	16
FC Bayern München	Alemaña	Dende 2009	38	13

Estatísticas

Club	Tempada	Bundesliga		Copa		Champions League		Total
Club	Tempada	Partidos	Goles	Partidos	Goles	Partidos	Goles	Partidos	Goles
Bayern München	2008/2009	4	0	0	0	1	1	5	1
	2009/2010	34	13	5	4	11	2	50	19
	Total	38	13	5	4	12	3	55	20

Selección nacional

Müller foi convocado por Joachim Löw para un amigable contra Chile en novembro de 2009; finalmente devandito encontro tívose que suspender polo falecemento de Robert Enke. Tras esa chamada, Müller volveu ao seleccionado sub-21 para axudarlles nas clasificatorias da Eurocopa Sub-21 de 2011. Finalmente, debutou coa selección absoluta en xaneiro de 2010, nun encontro que enfrontou á Mannschaft con Arxentina.

Foi convocado para representar ao seu país na Copa Mundial de Fútbol de 2010 de Suráfrica a pesar de xogar até ese intre só dous partidos co combinado alemán. Nos oitavos de final desa competición marcou contra Inglaterra o seu primeiro dobrete e foi elixido mellor xogador do partido. En cuartos de final contra Arxentina marcou de cabeza o primeiro gol do seu equipo, aínda que recibiu un cartón amarelo que lle impediu xogar as semifinais. Trala eliminación de Alemaña en semifinais contra España, Müller volvería xogar para a súa selección no partido polo terceiro posto marcando novamente un gol ante Uruguai. Desta maneira, Thomas Müller converteu 5 goles en 5 encontros disputados, converténdose no máximo goleador da Copa do Mundo, do mesmo xeito que o uruguaio Diego Forlán, o neerlandés Wesley Sneijder e o español David Villa. Polo seu gran rendemento na Copa Mundial de Fútbol de 2010, outorgóuselle a Bota de Ouro (xa que a igualdade de goles, defínese por cantidade de asistencias) e o premio ao Mellor xogador novo.

Participacións no Mundial

Mundial	Sede	Resultado
Copa Mundial de Fútbol de 2010	Suráfrica	Terceiro posto

Goles no Mundial

#	Día	Lugar	Rival	Marcador	Resultado	Edición
1	13 de xuño de 2010	Estadio Moses Mabhida, Durban	Australia	3–0	4–0	Suráfrica 2010
2	27 de xuño de 2010	Estadio Free State, Bloemfontein	Inglaterra	3–1	4–1	Suráfrica 2010
3	27 de xuño de 2010	Estadio Free State, Bloemfontein	Inglaterra	4–1	4–1	Suráfrica 2010
4	3 de xullo de 2010	Estadio Green Point, Cidade do Cabo	Arxentina	1–0	4–0	Suráfrica 2010
5	10 de xullo de 2010	Estadio Nelson Mandela Bay, Porto Elizabeth	Uruguai	1–0	3–2	Suráfrica 2010

Palmarés

Campionatos nacionais

Título	Club	País	Ano
1. Bundesliga	FC Bayern München	Alemaña	2010
Copa de Alemaña	FC Bayern München	Alemaña	2010

Distincións individuais

Distinción	Ano
Bota de Ouro da Copa Mundial da FIFA	2010
Mellor xogador novo da Copa Mundial da FIFA	2010