Tía (mitoloxía)

Para outras páxinas con títulos homónimos véxase: Tea (planeta).

Na mitoloxía grega, Tía, a Divina, Tea ou Teia (en grego Θεία), tamén chamada Eurifaesa (Ευρυφαεσσα Euryphaessa, 'a de amplo brillo' , era unha Titánide, filla de Xea (a Terra) e Urano (o Ceo). Considerouse deusa da vista e a que dotaba ó ouro, á prata e ás xemas do seu brillo e valor .

Tía (mitoloxía)
Tipo	Titán
Parte de	Uranids (en)
Biografía
Sexo	muller
Familia
Nai	Xea
Pai	Urano
Cónxuxe	Hiperión
Irmá/n	Rea, Xapeto (mitoloxía), Cronos, Hiperión, Océano, Tetis e Temis
Fillo/a	Helios, Eos, Selene e Aurora
Descrito pola fonte
Descrito pola fonte  Real'nyj slovar' klassicheskih drevnostej po Ljubkeru  Grande Enciclopedia Yuzhakov  Dicionario Enciclopédico Brockhaus e Efron
[ Wikidata ]

Mitoloxía

Uniuse a Hiperión, un dos seus irmáns, do que tivo tres fillos: Helios (o Sol), Eos (a Aurora) e Selene (a Lúa).

"Tea, dominada polo amor de Hiperión, procreou ó grande Helios, á brillante Selene e a Eos, que lucen para tódolos que habitan na Terra e para os inmortais deuses que ocupan o ancho ceo".

(Hesíodo: Teogonía 372-374)

Noutras tradicións, Tía é o nome dunha ninfa que se uniu a Apolo, con quen tivo un fillo chamado Delfo. Outras fontes fana amante de Poseidón ou do mesmo Zeus, con quen tivo dous fillos: Magnes e Macedón.

Trala Titanomaquia, na que as Titánides permaneceron neutrais, foi vivir ó palacio do seu fillo Helios.

Véxase tamén

Bibliografía

• ELVIRA BARBA: Miguel Ángel: Arte y mito. Manual de iconografía clásica. Sílex, 3ª ed. 2017.
• GRIMAL, Pierre: Diccionario de mitología griega y romana. Ed. Paidós, 1981.
• Hesíodo (2020). Teogonía. Traballos e días. Escudo. Vétera. Cangas do Morrazo: Rinoceronte. ISBN 978-84-17388-36-2. 
• HESÍODO: Teogonía. Trabajos y días. Escudo. Certamen, Alianza Editorial, 3ª ed., 2013 [a numeración segue a utilizada neste texto]
• Hesíodo. Teogonía. Universidad de Salamanca. Curso 2009-2010. 11638: LUZ, MOLÉCULAS Y VIDA