Ramón Pereira Antelo
Ramón Pereira Antelo, coñecido como Parrillero, nado en Vigo, foi un guerrilleiro antifranquista galego.
Ramón Pereira Antelo | |
---|---|
Alcume | Parrillero |
Nacemento | século XIX |
Lugar de nacemento | Vigo |
Falecemento | século XX |
Nacionalidade | España |
Ocupación | militar e guerrilleiro |
[ editar datos en Wikidata ] | |
Traxectoria editar
Zapateiro e militante do PCE. Logo de golpe de Estado do 18 de xullo de 1936 fuxiu e botouse ao monte. En 1938 formou un grupo cos irmáns Rogelio e José García Morales (os Maletas), Manuel Simón Campos (Xanote), e Manuel Rodríguez Fernández (Manolo de Cabral), que actuaban na comarca de Vigo. Foi procesado con José García Morales na causa 771/1939.[1] Foi acusado da morte do garda xurado Manuel Pereiro Bernárdez con José García Morales, Julio Guillén Biel e José Luís Quintas Figueroa.[2] En 1940 desfíxose o grupo. En abril de 1943 foi procesado por roubo e asasinato do veciño de Petelos Fructuoso Costas Giráldez (o garda cívico que rematou a Manuel González Fresco), con José García Morales, José Luís Quintas Figueroa, Manuel Simón Campos e Abraham Lloriente Sánchez.[3] En 1946 naceu o Destacamento Paco Barreiro do Exército Guerrilleiro de Galicia, e Ramón Pereira desapareceu por esas datas.
Notas editar
Véxase tamén editar
Bibliografía editar
- Redondo Abal, Francisco Xavier (2006). Botarse ao monte. Censo de guerrilleiros antifranquistas na Galiza (1939-1965). Sada: Do Castro. p. 108. ISBN 84-8485-231-8.
Ligazóns externas editar
- Ramón Pereira Antelo na páxina web Nomes e Voces.
- Ficha en Los de la sierra (en francés)